Tag: افتخار درانی

اسلام آباد: بلاول بھٹو کے بیان پر وزیر اعظم کے معاون خصوصی افتخار درانی نے کہا ہے کہ حادثاتی چیئرمین کا کہنا درست ہے کہ طاقت کا سرچشمہ عوام ہیں لیکن کیا وہ لاڑکانہ میں ایڈز کے سرچشمے پر بھی نگاہ ڈالیں گے۔

تفصیلات کے مطابق پی پی چیئرمین بلاول بھٹو کے ٹویٹ پر رد عمل دیتے ہوئے افتخار درانی نے کہا کہ کیا بلاول بھٹو طاقت کا سرچشمہ صرف چوری بچانے کے لیے استعمال کریں گے؟

انھوں نے پی پی چیئرمین سے سوال کیا کہ کیا آپ عوام کو وہ حقوق بھی دیں گے جو آئین کے تحت انھیں حاصل ہیں، کیا حادثاتی چیئرمین لاڑکانہ میں دریافت ایڈز کے سرچشمے پر بھی نگاہ ڈالیں گے۔

افتخار درانی کا کہنا تھا کہ ایڈز کا سرچشمہ سندھ کے غریب عوام کو اپنی لپیٹ میں لے رہا ہے، اور کیا پیپلز پارٹی کے حادثاتی چیئرمین تھر پر توجہ دیں گے جو موت کا سرچشمہ ہے۔

As mentioned in my press conference yesterday govt attack on democracy & judiciary continue. Honorable additional attorney general has resigned in protest. PTI wants selected govt, selected judiciary & selected media. all power must pass to the people or everything will perish. https://t.co/OLG6GhljAk

— BilawalBhuttoZardari (@BBhuttoZardari) May 30, 2019

انھوں نے ایک اور سوال کرتے ہوئے کہا کہ کیا کراچی پر بھی وہ نظر ڈالیں گے جو گندے پانی کی بیماریوں کا سرچشمہ بن چکا ہے۔

واضح رہے کہ بلاول بھٹو نے ٹویٹر پر لکھا ہے کہ جیسا کہ میں نے گزشتہ روز پریس کانفرنس میں ذکر کیا تھا کہ حکومت کی جانب سے جمہوریت اور عدلیہ پر حملہ جاری ہے، اب ایڈیشنل اٹارنی جنرل نے احتجاجاً استعفیٰ دے دیا ہے۔

پی پی چیئرمین نے مزید کہا کہ پی ٹی آئی حکومت سلیکٹڈ عدلیہ اور سلیکٹڈ میڈیا چاہتی ہے، اگر تمام طاقت عوام کو منتقل نہیں کی گئی تو ہر چیز تباہ ہو جائے گی۔

اسلام آباد: وزیر اعظم کے معاون خصوصی برائے اطلاعات افتخار درانی نے کہا ہے کہ جن کی لندن تو کیا پاکستان میں بھی کوئی جائیداد نہیں تھی، پتا نہیں کہاں کہاں سے ان کی جائیدادیں برآمد ہو گئیں۔

تفصیلات کے مطابق معاون خصوصی افتخار درانی نے ٹویٹ کرتے ہوئے کہا کہ جن کی کہیں بھی جائیداد نہیں تھی پھر ان کی جگہ جگہ سے جائیدادیں نکل آئیں۔

افتخار دارنی نے ٹویٹر پر اپنے پیغام میں ن لیگی رہنما پر تنقید کرتے ہوئے کہا کہ جن کے قطری خطوط اور کیلبری فونٹ کے چرچے عام تھے وہ دوسروں کو جھوٹ بولنے کا طعنہ دیتے ہیں۔

معاون خصوصی نے طنز کرتے ہوئے کہا کہ جب ڈھٹائی کا یہ عالم ہو، تب ہی انسان اپنے والد کو ’محفوظ مقام‘ پر منتقل کر کے نائب صدر بنتا ہے۔

یہ بھی پڑھیں:  پی ٹی آئی نے مریم نواز کو ن لیگ کا نائب صدر بنانے کا فیصلہ چیلنج کردیا

یاد رہے کہ 3 مئی کو مسلم لیگ ن کے صدر شہباز شریف نے پارٹی عہدے داروں کے ناموں کا اعلان کرتے ہوئے مریم نواز کو پارٹی کی نائب صدر مقرر کر دیا تھا۔

دوسری طرف پاکستان تحریک انصاف نے الیکشن کمیشن میں مریم نواز کو پارٹی عہدہ دینے کے فیصلے کے خلاف با ضابطہ درخواست دائر کر کے فیصلہ چلینج کیا، درخواست میں کہا گیا مریم نواز سزا یافتہ ہیں، احتساب عدالت نے مریم نواز کو عوامی عہدے کیلئے نااہل قرار دیا۔

اسلام آباد: ترجمان وزیرِ اعظم آفس افتخار درانی نے کہا ہے کہ انسانی ہم دردی کے طور پر دیکھ بھال نواز شریف کا حق ہے، جیل میں ڈاکٹرز موجود ہیں تاہم مسلسل اسپتال منتقلی کا کہا جا رہا ہے۔

تفصیلات کے مطابق عارضہ قلب کے باعث میاں نواز شریف کی جیل سے اسپتال منتقلی اور اپوزیشن کے لیے این آر او کی خبروں پر وفاقی حکومت نے اپنا ردِ عمل دیتے ہوئے واضح کیا ہے کہ عمران خان کبھی بھی این آر او نہیں دیں گے۔

[bs-quote quote=”اپوزیشن اسمبلی میں اداروں کو بلیک میل کرنے آتی ہے۔” style=”style-7″ align=”left” color=”#dd3333″ author_job=”افتخار درانی”][/bs-quote]

اس سلسلے میں وزیرِ اعظم عمران خان کے ترجمان افتخار درانی نے کہا کہ عمران خان نے قوم سے جو وعدہ کیا تھا آج بھی اس پر قائم ہیں، عوام سے وعدہ ہے کہ لوٹی ہوئی دولت پاکستان واپس آئے گی۔

نواز شریف کی علالت سے متعلق انھوں نے کہا کہ ڈاکٹرز کے کہنے پر ان کو اسپتال منتقل کیا جا رہا ہے، سسٹم کو آگے چلانے کے لیے حکومت کو ایسے فیصلے بھی کرنے پڑتے ہیں۔

افتخار درانی کا کہنا تھا کہ اپوزیشن اسمبلی میں اداروں کو بلیک میل کرنے آتی ہے۔

یہ بھی پڑھیں:  نوازشریف کو کوٹ لکھپت جیل سے سروسز اسپتال پہنچا دیاگیا

معاون خصوصی افتخار درانی نے کہا پی ٹی آئی حکومت کا معاشی اصلاحات پیکج غریب لوگوں کے لیے تھا، مشکل وقت ضرور ہے تاہم گزر جائے گا، شیخ رشید سینئر سیاست دان ہیں، اس لیے پی اے سی کا ممبر بنایا، سعد رفیق کو پی اے سی کا ممبر بنانے کا فیصلہ اسپیکر ہی کریں گے۔

اسلام آباد: وزیرِ اعظم کے معاونِ خصوصی افتخار درانی نے اپوزیشن پر واضح کر دیا ہے کہ حکومت ان کی بلیک میلنگ میں نہیں آئے گی۔

تفصیلات کے مطابق اے آر وائی نیوز کے پروگرام پاور پلے میں گفتگو کرتے ہوئے افتخار درانی نے کہا کہ اپوزیشن اب بلیک میلنگ پر اتر آئی ہے، لیکن حکومت بلیک میل نہیں ہوگی۔

[bs-quote quote=” وزیرِ اعظم نے کہا ہے کہ وزرا کے درمیان کمیونی کیشن بہتر کی جائے۔” style=”style-7″ align=”left” color=”#dd3333″ author_job=”معاون خصوصی برائے وزیر اعظم”][/bs-quote]

معاون خصوصی نے کہا کہ اپوزیشن کا کل اسمبلی میں رویہ نا مناسب تھا، حالاں کہ وزیرِ اعظم نے کہا ہے کہ وزرا کے درمیان کمیونی کیشن بہتر کی جائے۔

افتخار درانی کا کہنا تھا کہ اپوزیشن قومی اسمبلی اجلاس کو صحیح انداز سے نہیں چلنے دے رہی ہے، وزیرِ اعظم عمران خان 25 لوگوں کے شور سے دباؤ میں نہیں آئیں گے۔

انھوں نے کہا ’پنجاب پولیس میں اسکریننگ کا عمل شروع ہو چکا ہے، وزیرِ اعظم نے پنجاب پولیس میں اسکریننگ کا عمل تیز کرنے کا کہا ہے۔‘

یہ بھی پڑھیں:  منی بجٹ اجلاس: اپوزیشن نے اہم حکومتی اعلانات پر آسمان سر پر اٹھا لیا

افتخار درانی نے مزید کہا کہ کے پی میں جب ہماری حکومت آئی تھی تو اسکریننگ عمل کیا گیا تھا، کے پی پولیس سے بھی 12 ہزار اہل کاروں کے خلاف کارروائی ہوئی تھی۔

خیال رہے کہ گزشتہ روز وزیرِ اعظم عمران خان قومی اسمبلی کے اجلاس میں شریک ہوئے تھے، وزیرِ خزانہ نے منی بجٹ پیش کیا، جس کے دوران اپوزیشن نے مسلسل شور شرابا کیا، اور ایوان مچھلی بازار بنا رہا۔

اسلام آباد: وزیرِ اعظم عمران خان کے معاونِ خصوصی افتخار درانی نے کہا ہے کہ ابوظبی کے ولیٔ عہد کا سرکاری دورۂ پاکستان ایک روزہ تھا۔

تفصیلات کے مطابق معاونِ خصوصی وزیرِ اعظم افتخار درانی نے کہا ہے کہ محمد بن زید النہیان کا سرکاری دورہ ایک روزہ تھا، جو طے شدہ شیڈول کے تحت مکمل ہوا۔

انھوں نے ٹویٹر اکاؤنٹ پر کہا کہ وزیرِ اعظم پاکستان کی دعوت پر ہونے والے اس سرکاری دورے سے پاکستان اور متحدہ عرب امارت کے تعلقات مزید مستحکم ہوں گے اور دو طرفہ تعاون کو نئی جہت ملے گی۔

میڈیا نمائندگان سے درخواست ہے کہ دونوں ملکوں کے دوستانہ تعلقات اور اس دورے کی اہمیت کے پیش نظر محض فرضی باتوں کی بنیاد پر دورے سے متعلق غیر ضروری تبصرے اور قیاس آرائیوں سے گریز کیا جائے۔

🇵🇰🇦🇪 https://t.co/9XTJ1ldmZo

— Iftikhar Durrani (@DuraniIftikhar) January 6, 2019

افتخار درانی نے مزید کہا کہ میڈیا نمائندگان سے درخواست ہے کہ دونوں ملکوں کے دوستانہ تعلقات اور اس دورے کی اہمیت کے پیشِ نظر محض فرضی باتوں کی بنیاد پر غیر ضروری تبصرے اور قیاس آرائیوں سے گریز کیا جائے۔

یہ بھی پڑھیں:  فواد چوہدری نے ولی عہد ابوظبی کی اچانک روانگی کی خبروں کی تردید کر دی

خیال رہے کہ وفاقی وزیرِ اطلاعات فواد چوہدری نے اپنے ٹویٹ میں ولی عہد ابوظبی کی اچانک روانگی کی خبروں کی سختی سے تردید کرتے ہوئے کہا تھا کہ ولیٔ عہد تین دن سے پاکستان میں تھے۔

وزیرِ اطلاعات نے سماجی رابطوں کی ویب سائٹ ٹویٹر پر لکھا کہ ولیٔ عہد کی اچانک روانگی کی خبر ایک ایسے صحافی نے دی ہے جو دفترِ خارجہ تک گیا ہی نہیں۔