Tag: افتخار ملک

کراچی: چیئرمین یونائیٹڈ گروپ اور وائس پریذیڈنٹ سارک چیمبر آف کامرس میاں افتخار ملک نے کہا ہے کہ پاکستان کی خوشحالی کیلئے سرمایہ کار اور صنعتکار اپنا کردار ادا کرنے کیلئے کوشاں ہیں۔

تفصیلات کے مطابق چیئرمین یونائیٹڈ گروپ اور وائس پریذیڈنٹ سارک چیمبر آف کامرس میاں افتخار ملک اور پریذیڈنٹ ایف پی سی سی آئی میاں ادریس نے آج اے آروائی گروپ کے ہیڈ آفس کا دورہ کیا اور پاکستان کی ترقی میں اے آروائی گروپ کے مرحوم حاجی عبدالرزاق یعقوب اور ان کے خاندان کی قربانیوں کو سراہا۔

چیئرمین یونائیٹڈ گروپ کا کہنا تھا کہ نئی بزنس مین قیادت پاکستان کو ترقی کی نئی منازل کی جانب گامزن کر ے گی، پریذیڈنٹ ایف پی سی سی آئی میاں ادریس کا کہنا تھا کہ جس طرح سانحہ پشاور میں تمام سیاسی رہنماء اور تمام طبقہ ہائے فکرزندگی ایک پیج پر ہیں، اسی طر ح قوم کو معاشی ترقی کیلئے بھی متحد ہونا ہوگا۔

اے آروائی مینجمنٹ سے ملاقات کے بعد تاجر رہنماؤں نے اے آروائی گروپ کے دفاتر کا تفصیلی دورہ بھی کیا،اس موقع پر میاں افتخار ملک اور میاں ادریس کا کہنا تھا کہ اے آروائی گروپ ملک کی معاشی ترقی میں اہم کردار ادا کررہا ہے۔