اسلام آباد: ایف آئی اے اینٹی کرپشن سیل نے قومی خزانے کو ایک ارب سے زائد نقصان پہنچانے کے الزام میں تین سابق اعلیٰ افسران کو گرفتار کر لیا۔
ایف آئی اے اینٹی کرپشن سیل کے نے قومی خرانے کو نقصان پہنچانے کے الزام میں 3 سابق افسر کو گافتار کر لیا، گرفتار تینوں افسران کا تعلق ریلوے کاپ سے ہے۔
ایف آئی اے ترجمان کے مطابق گرفتار افسران میںسابق سی ای او ریلوے کنسٹرکشن کمپنی سید نجم سعید، سابق کنٹرولر فنانس محمد زبیر حسین اور سابق ڈائریکٹر کمرشل مہر النسا شامل ہیں۔
ایف آئی اے کا کہنا ہے کہ گرفتار ملزمان نے 14 جعلی بینک گارنٹیز جمع کرائیں، جعلی بینک گارنٹیز کے ذریعے 1.16ارب روپے کی رقم ظاہر کی گئی، ریلوے پراجیکٹس کی ٹینڈرنگ کے لیے جعلی گارنٹیز استعمال کی گئیں۔
ایف آئی اے ترجمان کا کہنا ہے کہ ملزمان نے قومی خزانے کو 16 کروڑ 49 لاکھ روپے کا نقصان پہنچا، ملزمان کو کل عدالت میں پیش کیا جائے گا۔
https://urdu.arynews.tv/karachi-rangers-action-5-arrested/
یاد رہے کہ اس سے قبل گزشتہ برس فیڈرل بورڈ آف ریونیو نے قومی خزانے کو 6 ارب روپے کا نقصان پہنچانے کے الزام میں 10 افراد کو گرفتار کرلیا گیا تھا۔
ریجنل ٹیکس آفس حیدرآباد میں سیمینار سے خطاب میں چیف کمشنر لینڈ ریونیو نے کہا تھا کہ ایف بی آر کی انفورسمنٹ کے بعد جعلی انوائسز اور سیلز ٹیکس کی چوری میں کافی حد تک کمی واقع ہوئی ہے۔
جولائی 2023 سے تاحال حیدرآباد ریجن میں سیلز ٹیکس کی چوری میں ملوث 10 افراد کو گرفتار کرکے 10 کروڑ وصول کیے ہیں جب کہ مزید کیسز پر کام جاری ہے۔
