Tag: افسوسناک واقعہ

ڈسکہ میں ایک افسوسناک واقعہ پیش آیا ہے جہاں جعلی عامل اور والد کے ہاتھوں جن نکالنے کے دوران بیٹا جان سے گیا۔

تفصیلات کے مطابق ڈسکہ کے نواحی گاؤں پھانگٹ میں نوجوان کے قتل کی تفتیش میں پیش رفت ہوئی ہے، جعلی عامل اور والد قتل میں ملوث نکلے۔

بمبانوالہ پولیس اسٹیشن میں مقدمہ درج کرکے ملزمان کی تلاش شروع کردی گئی، پولیس نے بتایا کہ مقتول اسامہ کا والد ارشد علی بیٹے کے جن نکالنے کیلئے گجرات سے خالد نامی جعلی عامل کو گھر لایا تھا۔

پولیس کا کہنا ہے کہ دوران عمل خالد اور مقتول اسامہ میں تکرار ہوگئی، عامل اور باپ سمیت 6 افراد نے اسامہ پر تشدد شروع کردیا جس سے اسامہ دم توڑ گیا۔

پولیس کا کہنا ہے کہ مقتول کی والدہ نے خاوند کو بچانے کیلئے بیٹے کی جنات کے ہاتھوں موت کی کہانی سنائی تھی، مقتول کی گھر میں شادی کی تیاریاں چل رہی تھیں۔

حیدرآباد میں 5 دن سے بجلی کی بندش اور شدید گرمی سے شہری دم توڑ گیا۔

یہ افسوسناک واقعہ سندھ کے دوسرے بڑے شہر حیدرآباد کے اللہ داد چنڈ گوٹھ میں پیش آیا جہاں شدید گرمی اور بجلی نہ ہونے کی وجہ سے شہری انتقال کرگیا۔

علاقہ مکینوں کے مطابق علاقے کی بجلی 5 روز سے بند ہے، گرمی سے انتقال کرنیوالے شہری کے غسل کیلئے پانی بھی نہیں تھا، میت کے غسل کیلئے پانی خرید کر بندوبست کیا گیا۔

علاقہ مکینوں کا کہنا ہے کہ بلوں کی پوری ادائیگی کے باوجود بجلی نہیں ملتی، شدید گرمی میں لوڈشیڈنگ کا دُہرا عذاب جھیلنا ناممکن ہے۔

واضح رہے کہ اس شدید گرم موسم کے دوران بھی بجلی کی اعلانیہ اور غیر اعلانیہ لوڈ شیڈنگ کا سلسلہ جاری ہے ، بجلی کی لوڈ شیڈنگ سے صارفین کو سخت مشکلات کا سامنا ہے۔

کراچی: شہر قائد کے علاقےگارڈن میں بچے کو کرنٹ لگنے کے افسوسناک واقعے پر کے الیکٹرک ترجمان کا ردعمل آ گیا۔

اے آر وائی نیوز کے مطابق کراچی کے علاقے گارڈن میں  بچے کو کرنٹ لگنے کے افسوسناک واقعے پر اہل خانہ سے دلی ہمدردی کا اظہار کرتے ہوئے کے۔ الیکٹرک کے ترجمان نے کہا کہ کرنٹ لگنے کے واقعے سے کے۔ الیکٹرک کے انفرا اسٹرکچر کو کوئی تعلق نہیں اور یوٹیلیٹی کی تنصیبات محفوظ حالت میں ہیں۔

کے الیکٹرک ترجمان نے کہا کہ حادثہ اسٹریٹ لائٹ پول سے کرنٹ لگنے کے باعث پیش آیا، جو کے الیکٹرک دائرہ اختیار میں نہیں آتا۔

کے۔ الیکٹرک کے ترجمان کے مطابق صارفین مون سون کے موسم میں احتیاطی تدابیرکے طور پر کے۔ الیکٹرک انفرا اسٹرکچر سے محفوظ فاصلہ برقرار رکھیں۔

کراچی میں بچے کو بجلی کے کھمبے سے کرنٹ لگ گیا

ترجمان کا کہنا ہے کہ  بجلی سے متعلق ہنگامی صورتحال میں فوری طور پر ہمارے کال سینٹر 118 پر کال کریں۔

 صارفین بجلی سے متعلق شکایت ایس ایم ایس سروس 8119، کے ای لائیو اَیپ، سوشل میڈیا پلیٹ فارمز، اور واٹس ایپ سیلف سروس پورٹل 24/7پر رابطہ کرسکتے ہیں۔

واضح رہے کہ کراچی کے علاقے گارڈن شو مارکیٹ کے قریب بارش کے دوران حیدرآباد سے آنے والے بچے کو بجلی کے کھمبے سے کرنٹ لگ گیا تھا جسے اہل علاقہ نے اپنی مدد آپ کے تحت بچے کو بچایا۔