ARYNews.tv | Urdu – Har Lamha Bakhabar

Tag: افسوس ناک

  • تاریخی نوٹرڈیم کیتھڈرل چرچ میں آتشزدگی کا واقعہ افسوس ناک ہے، فواد چوہدری

    تاریخی نوٹرڈیم کیتھڈرل چرچ میں آتشزدگی کا واقعہ افسوس ناک ہے، فواد چوہدری

    اسلام آباد : وزیر اطلاعات فواد چوہدری کا کہنا ہے تاریخی نوٹرڈیم کیتھڈرل چرچ میں آتشزدگی کا واقعہ افسوس ناک ہے،پاکستانی حکومت اور عوام دکھ کی اس گھڑی میں فرانسیسی عوام کے ساتھ ہیں۔

    تفصیلات کے مطابق وزیر اطلاعات فواد چوہدری نے سماجی رابطے کی ویب سائٹ ٹوئٹر پر اپنے بیان میں فرانس میں کیتھڈرل چرچ میں آتشزدگی کے واقعے پر افسوس کرتے ہوئے کہا کہ تاریخی نوٹرڈیم کیتھڈرل چرچ میں آتشزدگی کا واقعہ افسوس ناک ہے، تاریخی نوٹرڈیم کیتھڈرل چرچ ورثہ ہے، پاکستانی حکومت اور عوام دکھ کی اس گھڑی میں فرانسیسی عوام کے ساتھ کھڑے ہیں۔

    یاد رہے پیرس کی مشہور زمانہ تاریخی عمارات میں سے ایک نوٹرڈیم گرجا گھرمیں اچانک آگ بھڑک اٹھی تھی ،

    فرانسیسی صدرایمونئیل میکخواں اپنا خطاب ملتوی کرکے نوٹرڈیم گرجا گھرپہنچے اورآگ بجھانے کے آپریشن کا جائزہ لیا، صدرکا کہنا تھا ہم ملکرتاریخی عمارت کودوبارہ بحال کریں گے۔

    نوٹرڈیم گرجا گھرمیں آگ لگنے کی وجوہات کا علم نہ ہوسکا تاہم عمارت کی مرمت اورتزئین وآرائش کا کام جاری تھا۔

    خیال رہے ہرسال لاکھوں سیاح پیرس میں نوٹرڈیم گرجا گھردیکھنے آتے ہیں۔

  • گولان ہائیٹس پر اسرائیلی قبضے کو تسلیم کرنا افسوس ناک ہے، جی سی سی

    گولان ہائیٹس پر اسرائیلی قبضے کو تسلیم کرنا افسوس ناک ہے، جی سی سی

    دبئی : خلیج تعاون کونسل کا امریکی صدر ٹرمپ کی جانب سے گولان کی پہاڑیوں پر اسرائیل کے ناجائز قبضے کو تسلیم کرنے کی مذمت کرتے ہوئے کہنا ہے کہ ’گولان ہائیٹس شام کا متنازع حصّہ ہے‘۔

    تفصیلات کے مطابق امریکی صدر ڈونلڈ ٹرمپ نے ایک مرتبہ پھر مشرق وسطیٰ میں موجود ناجائز صیہونی ریاست اسرائیل سے اپنی دوستی ثابت کرتے ہوئے شام کی گولان ہائیٹس پر اسرائیلی قبضے کو مکمل طور پر تسلیم کیا تھا۔

    خلیج تعاون کونسل کے سیکریٹری جنرل عبداللطیف بن راشد الزیانی نے ڈونلڈ ٹرمپ کے بیان پر افسوس کا اظہار کرتے ہوئے کہا ہے کہ گولان ہائیٹس پر اسرائیلی خود مختاری تسلیم کرنے کو حقائق کے منافی قرار دیا ہے۔

    ان کا کہنا تھا کہ ’ٹرمپ کے ان مؤقف سے حقیقت تبدیل نہیں ہوگی، جی سی سی گولان ہائیٹس کو بلا شبہ شام کا حصّہ سمھجتی ہے۔

    خلیج تعاون کونسل کا کہنا ہے کہ اقوام متحدہ نے گولان کی پہاڑیوں کو متنازعہ علاقہ قرار دیا تھا اور جی سی سی یو این کے مؤقف کی حمایت کرتا ہے کہ اور اسے شام کا مقبوضہ علاقہ سمھجتا ہے جس پر ناجائز ریاست اسرائیل نے جون 1967 میں قبضہ کیا تھا۔

    مزید پڑھیں : گولان کی پہاڑیوں پراسرائیل کی مکمل بالادستی تسلیم کرنے کا وقت آگیا ہے‘ ڈونلڈ ٹرمپ

    خیال رہے کہ امریکی صدر ڈونلڈ ٹرمپ نے سماجی رابطے کی ویب سائٹ ٹویٹر پر اپنے پیغام میں کہا تھا کہ 52 سال بعد امریکا شام کی گولان ہائیٹس پراسرائیل کی مکمل بالادستی تسلیم کرنے کا وقت آگیا ہے۔

    ڈونلڈ ٹرمپ نے کہا تھا کہ گولان کی پہاڑیاں اسرائیل کی سلامتی اور علاقے کے استحکام کے لیے اہمیت رکھتی ہیں۔

    امریکی صدر کا یہ بیان ایسے وقت میں سامنے آیا ہے جب وزیرخارجہ مائیک پومپیو بھی یروشلم میں ہیں۔

    واضح رہے کہ گولان کی پہاڑیاں 1200 مربع کلومیٹر پرپھیلی ایک پتھریلی سطح ہے جو کہ شامی دارالحکومت دمشق سے تقریباََ 60 کلومیٹرجنوب مغرب میں واقع ہیں۔

  • لاہور: استاد کا ننھی طالبہ پر تشدد، بچی کی حالت نازک

    لاہور: استاد کا ننھی طالبہ پر تشدد، بچی کی حالت نازک

    لاہور:  استاد کی جانب سے کم سن طالبہ پر تشدد کا ایک اور افسوس ناک واقعہ سامنے آگیا.

    اے آر وائی نیوز کے نمائندے بابر خان کے مطابق رائیونڈ گورنمنٹ ایلمنٹری اسکول دربار بابا رحمت شاہ میں ٹیچر نے بچی پربہیمانہ تشدد کیا۔

    ٹیچر نے بچی کے سر  پر ڈنڈا دے مارا، جس سے طالبہ بےہوش ہوگئی، حالت غیر ہونے پر اساتذہ نے 9 سال کی سحرش کو فوری طورپر مقامی اسپتال منتقل کر دیا.

    والدین کے اسپتال پہنچنے پراسکول انتظامیہ بچی کو چھوڑکر چلی گئی، بچی کوہوش نہ آنے پر انڈس اسپتال ڈاکٹرز نے بچی کو جنرل اسپتال ریفرکر دیا، جنرل اسپتال میں بچی کا سی ٹی اسکین کیا جارہا ہے.

    بچی کے والدین شدید پریشانی کا شکار ہیں، اسکول کی جانب سے ابھی کوئی موقف سامنے نہیں آیا۔

    مزید پڑھیں: ملتان، سالانہ تقریب کے لیے فنڈ نہ دینے پر اساتذہ کا طالب علم پر مبینہ تشدد

    خیال رہے کہ یہ  طلبا پر تشدد کا پہلا واقعہ نہیں، پاکستان میں‌ طلبا پر تشدد کا قانوناً جرم ہے، اس کے باوجود اس نوع کے واقعات میں کمی واقع نہیں ہوئی.

    یاد رہے کہ گذشتہ دنوں ملتان کے گورنمنٹ ایم اے جناح اسکول کے اساتذہ نے سالانہ تقریب کے لیے فنڈ نہ دینے پر طالب علم کو شدید تشدد کا نشانہ بنایا تھا، میڈیا میں خبریں آنے کے بعد دو اسکولز کو معطل کر دیا گیا.

  • پتنگ بازی پرپابندی کےقانون پرعمل نہ کرانا افسوس ناک ہے‘ عثمان بزدار

    پتنگ بازی پرپابندی کےقانون پرعمل نہ کرانا افسوس ناک ہے‘ عثمان بزدار

    لاہور: وزیراعلیٰ پنجاب سردارعثمان بزدار کا کہنا ہے کہ پتنگ بازی پرپابندی کے قانون پر سختی سے عملدرآمد کرایا جائے۔

    تفصیلات کے مطابق وزیراعلیٰ پنجاب نے بھاٹی گیٹ میں ڈور پھرنے سے نوجوان کے جاں بحق ہونے پراظہارافسوس اور لواحقین سے تعزیت کی۔

    سردارعثمان بزدار نے واقعے کی تحقیقات کا حکم دیتے ہوئے ڈی آئی جی آپریشنزسے رپورٹ طلب کرلی۔ انہوں نے کہا کہ غفلت کے ذمے داروں کا تعین کرکے کارروائی کی جائے۔

    وزیراعلیٰ پنجاب نے کہا کہ پتنگ بازی پرپابندی کے قانون پرعمل نہ کرانا افسوس ناک ہے۔

    انہوں نے کہا کہ پتنگ بازی پرپابندی کے قانون پر سختی سے عملدرآمد کرایا جائے، خلاف ورزی کرنے والوں کے خلاف بلا امتیاز کارروائی کی جائے۔

    قوم کی ایک ایک پائی کے امین ہیں، وزیراعلیٰ پنجاب عثمان بزدار

    یاد رہے کہ گزشتہ ہفتے وزیراعلیٰ پنجاب عثمان بزدار کا کہنا تھا کہ کفایت شعاری اورسادگی کو فروغ دے رہے ہیں ، قوم کی ایک ایک پائی کے امین ہیں، عوام جلد ملک کو ترقی کی راہ پر تیزی سے گامزن ہوتا دیکھیں گے۔

    وزیراعلیٰ پنجاب کا کہنا تھا کہ کفایت شعاری اورسادگی کو فروغ دے رہے ہیں، اخراجات کم کریں گے، بچنے والاپیسہ عوامی فلاح پرلگائیں گے۔