Tag: افغانستان کرکٹ ٹیم

افغانستان کے ٹی ٹوئنٹی کپتان اور ورلڈکپ کلاس لیگ اسپنر راشد خان کو افغانستان ٹیم میں لانے میں پاکستان کے سابق کرکٹر کا اہم ترین کردار ہے۔

اے آر وائی کے اسپورٹس پروگرام میں گفتگو کرتے ہوئے پاکستان کے سابق وکٹ کیپر بیٹر کامران اکمل کا کہنا تھا کہ راشد خان کو افغانستان ٹیم میں لانے میں انضام الحق کا بڑا ہاتھ ہے، جب وہ 2015 میں افغانستان ٹیم کے کوچ تھے تو انھوں نے کہا کہ مجھے ایک لیگ اسپنر چاہیے۔

انھوں نے بتایا کہ راشد کو اس وقت کے افغان ٹیم کے کوچ انضام افغان ٹیم میں لے کر آئے، اس کے علاوہ فاسٹ بولنگ میں جو بہتری آئی ہے وہ عمر گل کے بطور کوچ جانے کی وجہ سے آئی ہے۔

کامران اکمل کا کہنا تھا کہ عمر گل ایک عرصے تک افغانستان ٹیم کا بولنگ کوچ رہا ہے، اس ٹیم کے پہلے اسپنرز زیادہ وکٹیں لیتے تھے، تاہم اس کے بعد جتنا عرصہ عمر گل افغان ٹیم کے کوچ رہے فاسٹ بولرز نے سب سے زیادہ آؤٹ کیے۔

View this post on Instagram

A post shared by ARY News (@arynewstv)

انھوں نے کہا کہ یہ ایک اچھا سائن ہے کہ کوئی بھی آتا ہے تو افغانستان کے کرکٹرز اس سے سیکھتے ہیں اور عمل کرتے ہیں۔

وہ لوگ ہماری کرکٹرز کی طرح نہیں ہیں کہ ایک کان سے سنا اور دوسرے کان سے نکال دیا، اس کے علاوہ سن رائزر حیدرآباد نے بھی راشد خان کو پک کیا اور انھیں پالش کیا۔

بھارتی کرکٹ ٹیم کے سابق فاسٹ بولر عرفان پٹھان نے ورلڈکپ کے دوران افغان کرکٹ ٹیم کو اپنے گھر کھانے پر مدعو کرلیا۔

آئی سی سی کرکٹ ورلڈکپ میں آسٹریلیا کے خلاف افغان ٹیم کے اہم میچ سے قبل موجودہ کمنٹیٹر اور سابق کرکٹر عرفان پٹھان نے افغان ٹیم کو رات کے کھانے پر مدعو کیا۔ ممبئی میں موجود افغان کرکٹرز نے ان کی دعوت میں شرکت کی۔

انھوں نے لیگ اسپنر راشد خان اور فاسٹ بولر نوین الحق جیسے اسٹار کھلاڑیوں کے ساتھ ساتھ اپنے بڑے بھائی یوسف پٹھان اور ہربھجن سنگھ کو بھی اپنے گھر کھانے پر خوش آمدید کہا۔

اس کے علاوہ بھارتی شہریت حاصل کرنے والے گلوکار عدنان سمیع اور بالی ووڈ اداکار سنیل شیٹی جیسی اہم شخصیات بھی عرفان پٹھان کے گھر موجود تھیں۔

واضح رہے کہ سابق بھارتی فاسٹ بولر نے افغانستان کے ہاتھوں پاکستان کی شکست پر راشد خان کے ساتھ ملک کر ڈانس بھی کیا تھا جس کی ویڈیو انٹرنیٹ پر وائرل ہوگئی تھی۔