افغانستان کے دارالحکومت کابل میں ایک چینی ہوٹل پر عسکریت پسندوں کے حملے کے بعد چین نے اپنے شہریوں کو جلد از جلد افغانستان چھوڑنے کی ہدایت کی ہے۔
خبر ایجنسی کے مطابق چین کی جانب سے جاری کی گئی ایڈوائزری افغانستان طالبان حکمرانوں کے لیے ایک دھچکا ہے کیوں کہ اس سے افغان کی معیشت روک سکتی ہے۔
طالبان کے اہم حریف شدت پسند گروپ داعش نے پیر کی سہ پہر کابل لونگان ہوٹل پر ہونے والے حملے کی ذمہ داری قبول کی تھی۔
کابل کی چینی ہوٹل میں تین حملہ آور ہلاک اور ہوٹل کے کم از کم دو مہمان اس وقت زخمی ہو گئے تھے جب وہ کھڑکی سے چھلانگ لگا کر فرار ہونے کی کوشش کر رہے تھے۔
یہ بھی پڑھیں: کابل میں ہوٹل پر نامعلوم افراد کا حملہ، 3 دہشت گرد مارے گئے
طالبان حکومت کے ترجمان ذبیح اللہ مجاہد نے بتایا کہ تین حملہ آور اور دو غیر ملکی مہمان زخمی ہوئے ہیں، تاہم کابل کے مقامی ایمرجنسی اسپتال نے بتایا کہ 3 لاش جبکہ 21 زخمی افراد کو اسپتال لایا گیا ہے۔
چینی وزارت خارجہ کے ترجمان نے اس حملے کو سنگین نوعیت قرار دیتے ہوئے کہا کہ اس سے چین کو سخت صدمہ پہنچا ہے۔
چین نے حملے کی تحقیقات کا مطالبہ کرتے ہوئے طالبان حکومت پر زور دیا کہ وہ افغانستان میں چینی شہریوں، اداروں اور منصوبوں کے تحفظ کو یقینی بنانے کے لیے ٹھوس اقدام کرے۔
