لاہور : پولیس نے نامکمل کوائف نہ رکھنے والے افغان باشندوں کو حراست میں لے لیا۔
تفصیلات کے مطابق لاہور کے مختلف علاقوں میں پولیس نے سرچ آپریشن کے دوران 15 سے زائد افغان مہاجروں کو حراست میں لے لیا۔
سرچ آپرپیشن ڈی آئی جی آپریشنز لاہور ڈاکٹر حیدر اشرف کی ہدایت پر کیا گیا ، سرچ آپریشن اسلام پورہ کے ملحقہ علاقوں میں کیا گیا۔
کرائے داروں اور دکانداروں کے کوائف چیک کئے گئے جن کے کوائف نامکمل تھے، اُن کو تفتیش کےلئے پولیس نے حراست میں لے لیا ۔
سرچ آپریشن تین گھنٹے زائد جاری رہا ، جس میں پولیس کی بھاری نفری نے حصہ لیا اور پندرہ سے زائد افغان مہاجروں کو حراست میں لے لیا گیا۔