Tag: افغان باشندوں

اسلام آباد : وفاقی حکومت نے رجسٹرڈ افغان مہاجرین کو بھی واپس بھیجنے کا فیصلہ کرلیا تاہم افغان باشندے کسی تیسرے ملک منتقلی کے منتظر ہیں۔

تفصیلات کے مطابق حکومت نے رجسٹرڈ افغان مہاجرین کو بھی خاموشی سے جڑواں شہروں سے نکال کرافغانستان واپس بھیجنے کا فیصلہ کرلیا۔

اس سلسلے میں اعلامیے میں کہا گیا ہے کہ وزیراعظم ہاؤس سے تمام سفارتخانوں اور افغان سفارتخانے کو بھی خط ارسال کردیا گیا ہے۔

دوسرے مرحلے میں پروف آف رجسٹریشن رکھنے والے افغان باشندوں کو اسلام آباد اور راولپنڈی سے نکالا جائے گا مگر انہیں فوری طور پر بے دخل نہیں کیا جائے گا۔

وفاقی کابینہ نے پی او آر رکھنے والے افغان باشندوں کو جون تک پاکستان میں رہنے کی اجازت دے رکھی ہے۔

پاکستان میں پی او آر اور اے سی سی رکھنے والے افغان باشندوں کی مجموعی تعداد تقریباً 20 لاکھ ہے، جن میں سے 13 لاکھ پی او آر اور 7 لاکھ اے سی سی کے حامل ہیں۔

افغان باشندے کسی تیسرے ملک میں منتقلی کے منتظر 31 مارچ تک اسلام آباد اور راولپنڈی سے منتقل کر دیا جائے گا۔

اس حوالے سے وزارت خارجہ عالمی اداروں اور غیر ملکی سفارتخانوں سے رابطے میں ہے تاکہ ان کی جلد از جلد منتقلی ممکن ہو سکے، اگر کوئی افغان مہاجر کسی تیسرے ملک میں منتقل نہ ہو سکا تو اسے افغانستان واپس بھیجا جائے گا۔

کراچی : افغان باشندوں کو پاکستانی شناختی کارڈ جاری کرنے  والے نادرا کے اسسٹنٹ ڈائریکٹر کو گرفتار کرلیا گیا۔

تفصیلات کے مطابق ایف آئی اے اینٹی ہیومن ٹریفکنگ سرکل کراچی نے کارروائی کرتے ہوئے افغان باشندوں کو پاکستانی شناختی کارڈ جاری کرنے میں ملوث نادرا افسر کو گرفتار کرلیا۔

ترجمان ایف آئی اے نے بتایا کہ ملزم نےساتھیوں کی ملی بھگت سےافغان باشندوں کوپاکستانی شناختی کارڈجاری کئے، ملزم ندیم علی نادرامیں بطوراسسٹنٹ ڈائریکٹر تعینات ہے۔

ملزم اسپتال چورنگی پر واقع نادراآفس میں فرائض انجام دے رہا ہے، ملزم کوکراچی سےگرفتار کیاگیا تاہم دیگرساتھیوں کی گرفتاری کیلئے چھاپے جاری ہے۔

یاد رہے افغان باشندوں کو پاکستانی شناختی کارڈ کے اجراء کے معاملے میں اہم پیشرفت سامنے آئی تھی ، ایف آئی اے نے ملوث افراد کیخلاف کارروائی کا فیصلہ کیا تھا۔

اس حوالے سے ذرائع کا کہنا ہے کہ ایف آئی اے کی تحقیقات آخری مراحل میں داخل ہوگئیں، ذمہ دار نادرا اہلکاروں کا تعین کرلیا گیا تھا۔

افغان مہاجرین کی میزبانی اور مدد پر دنیا پاکستان کی معترف ہیں، پاکستان نے افغان مہاجرین کودیگرممالک منتقل ہونے میں مدد کی۔

تفصیلات کے مطابق کئی دہائیوں تک افغان مہاجرین کی میزبانی کرنے والے پاکستان کے جذبہ خیرسگالی کی پوری دنیا معترف ہے، پاکستان نے نہ صرف افغان مہاجرین کو اپنی سرزمین پر پناہ دی بلکہ ان کو دیگر ممالک منتقل ہونے میں بھی مدد فراہم کی۔

ملکی سالمیت اور استحکام کے پیشِ نظر حکومت پاکستان نے غیر قانونی افغان باشندوں کو واپس بھیجنے کا فیصلہ کیا اور حکومتی فیصلے کے بعد ہزاروں غیرقانونی غیرملکیوں کے رضاکارانہ انخلا کا سلسلہ شروع ہوا۔

پاکستان نے دیگر ممالک میں منتقل کرنے میں بھی اہم کردار ادا کیا، دو سو پچانوے افغان باشندوں کو کینیڈا جانے میں مدد کی جہاں انہیں تینتیس مختلف شہروں میں رہائش بھی فراہم کی جائے گی۔

پاکستان سے سینکڑوں افغان باشندوں کو برطانیہ منتقل کرنے کا سلسلہ بھی جاری ہے، عالمی سطح پر پاکستان کے غیرملکوں کی حفاظت اور سلامتی کیلئےاقدام کو خوب پذیرائی حاصل ہوئی۔

حکومت پاکستان کینیڈامیں مقیم غیرملکیوں کو زندگی کی تمام سہولت فراہمی کیلئے پرعزم ہے، برطانیہ، امریکا اور کینیڈا میں افغان باشندوں کی آبادکاری کے لیے پاکستان کی جاری حمایت اور کاوشیں خیر سگالی اور ہمدردی کا منہ بولتا ثبوت ہے۔

اسلام آباد : افغان باشندوں کی پاکستان سے اپنے ملک واپسی کا سلسلہ جاری ہے، افغان باشندوں کی رضاکارانہ طورپراپنے وطن واپسی کا اقدام قابلِ ستائش ہے۔

تفصیلات کے مطابق غیرقانونی مقیم تمام غیرملکیوں کو پاکستان چھوڑنے میں پندرہ دن باقی رہ گئے ، افغان باشندوں کی پاکستان سےاپنےملک واپسی کا سلسلہ روزانہ کی بنیادپر جاری ہے۔

پندرہ اکتوبرکو تین ہزارایک سوستائیس افغان باشندے افغانستان روانہ ہوئے ، طورخم بارڈر سےایک سو باون خاندانوں کی واپسی عمل میں لائی گئی ، جن میں 387 مرد،233 خواتین ، 1055 بچے شامل ہیں۔

افغان باشندوں کی رضاکارانہ طورپراپنے وطن واپسی کا اقدام قابلِ ستائش ہے۔

دوسری جانب غیر قانونی مقیم افغان شہریوں اور دیگر غیر ملکیوں کے خلاف سندھ حکومت متحرک ہیں ، محکمہ داخلہ کی جانب سے سندھ بھر کے کمشنرز کو خط لکھ دیا گیا ہے۔

خط میں کہا ہے کہ غیر قانونی مقیم غیر ملکیوں کا ڈویزن اور ضلعی سطح پر ریکارڈ مرتب کیا جائے اور غیر ملکی شہریوں کو واپس بھیجنے کے لئے انتظامات کی حتمی شکل دی جائے ساتھ ہی غیر ملکیوں کے لئے کراچی اور سکھر میں اسمیبلی پوائنٹس بنائے جائیں۔

خط میں کہا گیا ہے کہ افغان شہریوں کو وطن واپس بھیجنے کے لئے چمن تک بس سروس کا انتظام کیا جائے،اسمبلی پوائنٹس، ٹرانسپورٹ اور سیکیورٹی کی مد میں کتنا بجٹ درکار ہوگا اس کا تخمینہ لگایا جائے۔

یاد رہے غیرقانونی افغان باشندوں کوپاکستانی حکومت کی جانب سے31اکتوبرتک ملک چھوڑنےکی ڈیڈ لائن دی گئی تھی، اکتیس اکتوبر تک پاکستان نہیں چھوڑا تو قانون نافذ کرنے والے ادارے گرفتاری اور ملک بدری کویقینی بنائیں گے۔

اسلام آباد: نگران وزیر داخلہ سرفراز بگٹی نے کہا ہےکہ پاکستان میں غیر قانونی تارکین وطن میں سے جو یکم نومبر تک جانا چاہتا ہے چلا جائے اس کے بعد کوئی کمپرومائز نہیں ہوگا۔

افغان شہریوں کے حوالے سے جاری بیان میں نگران وزیر داخلہ سرفراز بگٹی نے کہا کہ افغان باشندوں کی بے دخلی کے حوالے سے ڈسکشن ہوئی تھی اس گفتگو میں تمام اسٹیک ہولڈرز موجود تھے اور فیصلہ ہوا تھا کہ افغان باشندوں کو ایک گریس پیریڈ دیا جائے جب کہ بہت سارے لوگوں اوران کی طرف سے ڈیمانڈ آرہی تھی کہ لوگ رضاکارانہ طور پرجانا چاہتے ہیں۔

نگران وزیر داخلہ نے کہا کہ جویکم نومبر تک جانا چاہتا ہے چلاجائے اس کے بعد "نو کمپرو مائز "، پہلے دن سے یہ کہا ہےکہ یہ صرف افغان بیسڈ پالیسی نہیں ہے، یہ پالیسی غیر قانونی ایلین کی  ہے چاہے جس بھی ملک سے تعلق رکھتے ہوں۔

سرفراز بگٹی کا کہنا تھا کہ بات غیر قانونی مقیوں کے حوالے سے ہورہی ہے تو وہ افغانی ہوں یا کوئی بھی، جن کے پاس ویزا ہے انہیں کچھ نہیں کہنا صرف غیر قانونی مقیم غیر ملکیوں کو بھیج رہے ہیں۔