اسلام آباد: ملک بھر میں غیرقانونی مقیم افغان باشندوں کی واپسی کا سلسلہ جاری ہے، 15 جولائی تک 6 لاکھ 53 ہزار 154 افغان باشندے اپنے ملک روانہ ہوچکے ہیں۔
اے آر وائی نیوز کے مطابق 3 سے 15 جولائی تک 15 ہزار 727 افغان باشندے اپنے ملک واپس چلے گئے، 510 گاڑیوں میں 487 خاندانوں کی اپنے وطن واپسی عمل میں لائی گئی ۔
دوسری جانب افغانستان سے غیرقانونی طور پر پاکستان آنے والے 42 ازبک افغانی باشندوں کو گرفتار کرلیا گیا ہے، خواتین اور بچے بھی شامل ہیں۔
سرحدی حکام نے بتایا کہ غیرقانونی طور پر پاکستان آنے والے جن افغان باشندوں کو حراست میں لیا گیا ان میں 20 خواتین اور 10 بچے بھی شامل ہیں، گرفتار غیرملکی افراد کو افغان طالبان حکومت کے حوالے کردیا گیا ہے۔
پاکستان نے پہلے ہی بڑھتی دہشتگری اور دگرگوں صورتحال کے پیش نظر لاکھوں افغان تارکین وطن کو ملک بدر کردیا واپس افغانستان بھیج دیا ہے۔
صنم جاوید رہائی کے بعد پھر سے گرفتار
پاکستانی شہریوں کا کہنا تھا کہ ہمارے یہاں دہشت گری میں سب سے زیادہ غیرمقامی افرد ہی ملوث پائے گئے ہیں۔ ان کے خلاف کارروائی بہترین عمل ہے، 90 فیصد جرائم میں یہی لوگ ملوث ہیں جن کو آپ پکڑیں وہ افغانی نکلتے ہیں۔
عوام کا کہنا تھا کہ بارڈ پر سختی کرنی چاہیے بارڈر کھلا ہوا ہے، افغانی ہمارے بھائی ہیں لیکن ان کو اپنے ملک میں جانا چاہیے کیوں کہ ان کا ملک بھی آباد ہے۔
