Tag: افغان صدر اشرف غنی

  • افغانستان میں خطرناک صورتحال: اشرف غنی کی عالمی برادری سے تعاون کی اپیل

    افغانستان میں خطرناک صورتحال: اشرف غنی کی عالمی برادری سے تعاون کی اپیل

    کابل : افغان صدر اشرف غنی نے افغانستان کی موجودہ صورتحال کے پیش نظرعالمی برادری سے تعاون کی اپیل کردی اور کہا بطور صدر میری توجہ ملک کومزید کشیدگی سے بچانا ہے۔

    تفصیلات کے مطابق افغان صدر اشرف غنی نے اپنے پیغام میں کہا ہے کہ ملک اس وقت خطرناک صورتحال سے دوچار ہے، ہم نے اندرون و بیرون ملک وسیع مشاورت شروع کی ہے، مشاورت کے نتائج جلد عوام کےساتھ شیئر کیے جائیں گے۔

    ،افغان صدر کا کہنا تھا کہ موجودہ صورتحال میں افغان سکیورٹی اورافواج کو پھر متحرک کرنا اولین ترجیح ہے، ہم جانتے ہیں کہ عوام کو اپنے مستقبل کی فکر ہے، بطور صدر میری توجہ ملک کومزید کشیدگی سے بچانا ہے۔

    اشرف غنی نے مزید کہا کہ سرکاری املاک کی تباہی اور مسلسل عدم استحکام کی اجازت نہیں دیں گے اور نہ افغانستان پرمسلط جنگ میں مزید افغان شہریوں کو قتل ہونے دیں گے۔

    ان کا کہنا تھا کہ ہم نہ 20 سال میں حاصل فوائد ضائع ہونے دیں گے اور نہ ہی عوامی املاک کے نقصان اورمسلسل عدم استحکام کی اجازت نہیں دیں گے۔

    افغان صدراشرف غنی نے ریکارڈپیغام میں عالمی برادری سے تعاون کی اپیل کرتے ہوئے کہا حالیہ لڑائی کوروکنے کے لیے تیزی سے مشاورت جاری ہے۔

  • وزیراعظم کا افغان صدر سے رابطہ، افغان تنازعے کے سیاسی حل پر زور

    وزیراعظم کا افغان صدر سے رابطہ، افغان تنازعے کے سیاسی حل پر زور

    اسلام آباد : وزیراعظم عمران خان نے افغان صدر اشرف غنی سے رابطے میں افغان تنازعے کے سیاسی حل پرزور دیتے ہوئے کہا پاکستان افغان امن عمل میں ہرممکن تعاون جاری رکھے گا۔

    تفصیلات کے مطابق وزیراعظم عمران خان نے افغان صدراشرف غنی سےٹیلی فونک رابطہ کیا ، جس میں دونوں رہنماؤں کے درمیان افغان امن عمل سے متعلق تفصیلی تبادلہ خیال کیا گیا اور پاک افغان تعلقات کی مضبوطی پر بھی اظہار خیال کیا گیا۔

    ٹیلیفونک رابطے میں وزیراعظم عمران خان نے افغان تنازعےکےسیاسی حل پرزور دیتے ہوئے کہا تنازعےکاحل افغان قیادت کےزیرانتظام ہی ہوناچاہیے ، پاکستان افغان امن عمل میں ہرممکن تعاون جاری رکھے گا۔

    وزیراعظم نے دوحہ میں انٹراافغان مذاکرات میں حالیہ پیشرفت کاخیرمقدم کرتے ہوئے کہا افغان اسٹیک ہولڈرز کی سیاسی تفصیے تک رسائی میں پاکستان کاکردارہے۔

    عمران خان کا کہنا تھا کہ وسیع البنیاد اورجامع سیاسی تصفیےکی طرف پیشرفت کویقینی بنایا جائے گا، طالبان کی سیاسی کمیٹی کادورہ پاکستان بھی اسی تناظرمیں ہورہا ہے۔

  • اشرف غنی افغانستان کے دورے پرعمران خان  کے مشکور،جلد پاکستان کے دورہ کا اعلان

    اشرف غنی افغانستان کے دورے پرعمران خان کے مشکور،جلد پاکستان کے دورہ کا اعلان

    کابل : افغان صدر اشرف غنی نے افغانستان کے دورے پر وزیراعظم عمران خان کا شکریہ ادا کرتے ہوئے جلد پاکستان کے دورہ کا اعلان کردیا۔

    تفصیلات کے مطابق افغان صدر اشرف غنی نے وزیراعظم عمران خان سے ون آن ون ملاقات کے بعد مشترکہ پریس کانفرنس کرتے ہوئے کہا افغانستان کے دورے پر وزیراعظم عمران خان کو خوش آمدید کہتے ہوئے شکریہ ادا کیا۔

    افغان صدر کا کہنا تھا کہ افغانستان کے دورے پر وزیراعظم عمران خان کا مشکور ہوں، دونوں ممالک کے مفادات مشترکہ ہیں اور دونوں ممالک کےدرمیان غربت کا خاتمہ ،فلاحی بہبود اولین ترجیح ہے۔

    اشرف غنی نے کہا کہ پاکستان اورافغانستان کا تعاون علاقائی ترقی کیلئے ناگزیر ہے، رسولﷺ کی حرمت ہر مسلمان کے ایمان کا حصہ ہے ، تشدد کسی بھی معاملے کا حل نہیں۔

    ان کا کہنا تھا کہ علاقائی روابط کافروغ اورمعاشی سرگرمیاں ہمارے مفاد میں ہیں،افغان عوام کی ترقی کیلئے جنگ بندی اہم ہے ، افغانستان کے عوام جنگ کاخاتمہ چاہتےہیں۔

    افغان صدر نے اعلان کیا کہ وزیراعظم عمران خان کی دعوت پر جلد پاکستان کا دورہ کروں گا۔

  • افغان صوبہ بلخ کے ضلعی ہیڈکوارٹرزپرطالبان کاحملہ،11پولیس اہلکارہلاک

    افغان صوبہ بلخ کے ضلعی ہیڈکوارٹرزپرطالبان کاحملہ،11پولیس اہلکارہلاک

    کابل: افغانستان کے شمالی صوبے بلخ کے ضلعی ہیڈکوارٹرز میں طالبان کے حملے کے نتیجے میں 11 پولیس اہلکار ہلاک ہوگئے۔ادھرافغان طالبان کے ترجمان ذبیح اللہ مجاہد نے کہا ہے کہ جنگجوؤں نے ضلع شورتپہ پر قبضہ کرلیا ہے جبکہ منیر احمد فرہاد نے اس دعوے کو مسترد کردیا۔

    غیرملکی خبررساں ادارے کے مطابق صوبائی حکومت کے ترجمان منیر احمد فرحاد نے کہا کہ حملے کا آغاز یکم اکتوبر کی صبح کو ہوا ،دوسری جانب بلخ صوبائی کونسل کے سربراہ محمد افضل حدید نے خدشہ ظاہر کیا کہ اگر مزید نفری فوری طور پر نہ بھیجی گئی تو ہلاکتوں کی تعداد میں اضافہ ہوسکتا ہے کیونکہ ضلع شورتپہ ایک دور دراز علاقے میں واقع ہے۔

    ادھرافغان طالبان کے ترجمان ذبیح اللہ مجاہد نے کہا کہ جنگجوؤں نے ضلع شورتپہ پر قبضہ کرلیا ہے جبکہ منیر احمد فرہاد نے اس دعوے کو مسترد کردیا۔ذبیح اللہ مجاہد نے کہا کہ شورتپہ کے علاقے میں مزید نفری بھیجی جارہی ہے۔

    خیال رہے کہ افغانستان میں 28 ستمبر کو آئندہ 5 برسوں کے لیے صدر کے انتخاب کے لیے 2019 کے پہلے مرحلے کا عمل سخت سیکیورٹی میں مکمل ہوا تھا۔تاہم انتخابی مہم پر حملوں اور طالبان کی دھمکیوں کے زیر اثر صدارتی انتخاب میں ماضی کے مقابلے میں ووٹ ڈالنے والوں کی شرح انتہائی کم رہی تھی۔

    نگرہار صوبے کے گورنر کے ترجمان عطا اللہ غویانی بتایا تھا کہ جلال آباد میں پولنگ اسٹیشن کے قریب بم دھماکے میں ایک شخص ہلاک اور 2 افراد زخمی ہوئے۔

    علاوہ ازیں قندھار میں ہسپتال کے ڈائریکٹر مقامی صحافی کو بتایا تھا کہ قندھار کے پولنگ اسٹیشن میں بم دھماکے سے 16 افراد زخمی ہوئے۔ان کا کہنا تھا کہ کابل، کندوز، ننگرہار، بامیان اور قندھار سمیت متعدد صوبوں سے واقعات کی اطلاعات موصول ہوئیں۔

    یاد رہے کہ امریکا کے طالبان کے ساتھ امن مذاکرات کی وجہ سے صدارتی انتخاب دو مرتبہ تعطل کا شکار ہوچکے ہیں، چند دن قبل ہی مذاکرات کی ناکامی کے بعد طالبان نے انتخابی عمل کو سبوتاژ کرنے کے لیے حملوں کی دھمکی دی تھی۔

    اس سے قبل 18 ستمبر کو کابل اور افغان صدر اشرف غنی کی انتخابی ریلی کے قریب طالبان نے علیحدہ علیحدہ حملے کیے تھے جس میں 48 افراد ہلاک اور 80 زخمی ہوئے تھے۔

  • وزیر اعظم عمران خان کا افغان صدر اشرف غنی کو ٹیلی فون، خیریت دریافت کی

    وزیر اعظم عمران خان کا افغان صدر اشرف غنی کو ٹیلی فون، خیریت دریافت کی

    اسلام آباد : وزیر اعظم عمران خان نے افغان صدر اشرف غنی سے ٹیلی فونک رابطہ کیا اوران کی خیریت دریافت کی، وزیر اعطم کا کہنا تھا دہشت گردی کا واقعہ افغانستان کے لیے بڑا نقصان ہے۔

    تفصیلات کے مطابق افغانستان میں دہشت گردی کے واقعے میں30 افراد کی ہلاکت پر وزیراعظم عمران خان نے افغان صدراشرف غنی کو ٹیلیفون کیا اور ان کی خیریت دریافت کی۔

    وزیراعظم نے گزشتہ روز افغانستان میں ہونے والے دہشت گرد حملوں میں بےگناہ شہریوں کی جانوں کے ضیاع پر تعزیت اور افسوس کا اظہار کیا۔

    ٹیلی فونک گفتگو میں وزیراعظم عمران خان نے دہشت گرد حملے کی مذمت کی اور افغان صدر کے محفوظ رہنے پر اطمینان کا اظہار بھی کیا۔

    عمران خان نے مزید کہا خطے کے امن کیلئے افغانستان کی حمایت جاری رہے گی۔ عمران خان نے کہا کہ دہشت گرد دونوں ممالک کے لئے خطرہ ہیں بہتر روابط سے دہشت گردی کے ناسور کا خاتمہ کرنا ہوگا۔

    مزید پڑھیں: صدر اشرف غنی کی ریلی سمیت افغانستان میں دو دھماکے، 30 افراد جاں بحق

    واضح رہے کہ گزشتہ روز افغانستان میں مختلف مقامات پر ہونے والے دو دھماکوں میں30 افراد جاں بحق ہوگئے تھے۔ پہلا دھماکہ افغانستان کے وسطی صوبے پروان میں صدر اشرف غنی کی ریلی کے قریب ہوا۔

    دھماکے کے وقت صدر اشرف غنی ریلی سے خطاب کر رہے تھے جو اس ہولناک دھماکے میں محفوظ رہے، دھماکہ ریلی کی طرف جانے والے راستے میں ایک چیک پوائنٹ کے نزدیک ہوا جب ایک موٹر سائیکل سوار خودکش بمبار نے خود کو دھماکے سے اڑا لیا۔

    پروان کے اسپتال ڈائریکٹر کے مطابق حملے میں 24 افراد جاں بحق اور 31 زخمی ہوئے، ہلاک اور زخمی ہونے والوں میں بڑی تعداد خواتین اور بچوں کی بھی ہے۔

    کچھ ہی دیر بعد دارالحکومت کابل میں امریکی سفارتخانے کے نزدیک ایک اور دھماکہ ہوا افغان میڈیا کے مطابق دھماکے میں 6 افراد جاں بحق ہوئے۔

  • وزیر اعظم اور افغان صدر ملاقات کا اعلامیہ، دوستی کے نئے باب کے آغاز پر اتفاق

    وزیر اعظم اور افغان صدر ملاقات کا اعلامیہ، دوستی کے نئے باب کے آغاز پر اتفاق

    اسلام آباد: وزیر اعظم عمران خان اور افغان صدر اشرف غنی کی ملاقات کا اعلامیہ جاری کر دیا گیا، جس میں کہا گیا ہے کہ دونوں رہنماؤں نے ملاقات میں دوستی کے نئے باب کے آغاز پر اتفاق کیا۔

    تفصیلات کے مطابق وزیر اعظم اور افغان صدر کے درمیان ہونے والی ملاقات کے اعلامیے میں کہا گیا ہے کہ خطے میں امن و استحکام اور خوش حالی کے لے مثبت اقدامات کیے جائیں گے، نیز دونوں ممالک میں عوام کی بہتری کے لیے تعاون بڑھانے پر اتفاق کیا گیا۔

    اعلامیے کے مطابق دونوں ممالک نے توانائی سے جڑے منصوبوں کی جلد تکمیل اور دو طرفہ تجارت کے لیے مشترکہ اقتصادی کمیشن کی خدمات لینے پر اتفاق کیا، یہ بھی کہا گیا کہ کاسا 1000، تاپی گیس منصوبے سے اقتصادی سرگرمیوں کو فروغ ملے گا، اور دونوں ممالک کے درمیان اقتصادی، کمرشل رابطے بڑھائیں جائیں گے۔

    دونوں رہنماؤں نے خطے کی مجموعی صورت حال پر بھی تبادلۂ خیال کیا، وزیر اعظم نے جنوبی ایشیا میں امن، ترقی اور خوش حالی کا وژن پیش کیا، اور کہا پاکستان پُر امن ہم سائیگی کے وژن پر یقین رکھتا ہے اور افغانستان کے ساتھ معیاری تعلقات کا خواہاں ہے۔

    یہ بھی پڑھیں:  افغان صدراشرف غنی پاکستان پہنچ گئے

    وزیر اعظم نے افغان امن عمل میں بھرپور حمایت جاری رکھنے کے عزم کا بھی اعادہ کیا اور کہا کہ افغانستان میں دہائیوں کے تنازعے کا حل پُر امن مذاکرات میں ہے، افغان امن کے لیے پاکستان نے مذاکراتی عمل کا ساتھ دیا، پاکستان افغانستان کی خود مختاری اور سالمیت کا احترام کرتا ہے اور مشکل وقت میں افغان عوام کے ساتھ کھرا ہوگا۔

    اعلامیے کے مطابق وزیر اعظم نے افغانستان میں سیاسی، تجارتی اور معاشی مضبوطی کی خواہش کا اظہار کرتے ہوئے کہا پاکستان افغانستان میں امن اور جمہوریت چاہتا ہے، دونوں ممالک کے درمیان عوامی رابطوں کا فروغ ضروری ہے، افغانستان میں پائیدار امن اقتصادی طور پر فائدہ مند ہے۔

    دریں اثنا دونوں رہنماؤں نے ملاقات میں دو طرفہ تجارت، ٹرانزٹ ٹریڈ رابطے بڑھانے کے لیے مشترکہ کوششوں کا عزم دہرایا۔

  • افغان صدر رواں ہفتے پاکستان کا 2 روزہ دورہ کریں گے

    افغان صدر رواں ہفتے پاکستان کا 2 روزہ دورہ کریں گے

    اسلام آباد: پڑوسی ملک افغانستان کے صدر اشرف غنی رواں ہفتے پاکستان کا دورہ کریں گے، وہ 2 روزہ دورے پر پاکستان آئیں گے۔

    تفصیلات کے مطابق افغان صدر اشرف غنی رواں ہفتے 2 روزہ دورے پر پاکستان پہنچیں گے، ذرایع کا کہنا ہے کہ افغان صدر 27 جون کو سرکاری دورے پر پاکستان آئیں گے۔

    صدر اشرف غنی دورۂ پاکستان کے دوران وزیر اعظم عمران خان اور دیگر اعلیٰ حکام سے ملاقات کریں گے۔

    ذرایع کے مطابق افغان صدر لاہور کی بادشاہی مسجد میں نماز جمعہ بھی ادا کریں گے، یاد رہے کہ اشرف غنی وزیر اعظم عمران خان کی دعوت پر پاکستان آ رہے ہیں۔

    یہ بھی پڑھیں:  افغان صدر اشرف غنی کا پاکستان کا دورہ کرنے کا اعلان

    وزیر اعظم عمران خان نے گزشتہ ماہ ٹیلی فونک گفتگو میں افغان صدر اشرف غنی کو دورۂ پاکستان کی دعوت دی تھی۔

    یاد رہے کہ افغان صدر اشرف غنی نے پاکستان کے دورے کا اعلان رواں ماہ کے آغاز میں کیا تھا، دونوں رہنماؤں کی سعودی عرب میں ہونے والے او آئی سی اجلاس میں ملاقات بھی ہوئی، افغان صدر نے ملاقات کو مثبت قرار دیا تھا۔

    انھوں نے عمران خان سے ہونے والی ملاقات کو تعمیری قرار دیتے ہوئے کہا تھا کہ وہ عمران خان سے اگلی ملاقات 27 جون کو اسلام آباد میں کریں گے، توقع ہے دورۂ پاکستان سے تعلقات بہتر ہوں گے۔

  • افغان صدر اشرف غنی کا پاکستان کا دورہ کرنے کا اعلان

    افغان صدر اشرف غنی کا پاکستان کا دورہ کرنے کا اعلان

    کابل : افغان صدر اشرف غنی نے پاکستان کے دورہ کرنے کا اعلان کرتے ہوئے کہا توقع ہےدورہ پاکستان سےتعلقات بہترہوں گے، سعودی عرب میں وزیراعظم عمران خان سےملاقات مثبت رہی۔

    تفصیلات کے مطابق افغان صدر اشرف غنی نے عید کے موقع پر قوم سے خطاب کرتے ہوئے عید کی مبارکباد دی اور دورہ پاکستان کا اعلان بھی کردیا ۔

    اشرف غنی نے وزیر اعظم عمران خان سے ہونیوالی ملاقات کو مثبت اور تعمیری قراردیتے ہوئے کہاہے کہ وہ عمران خان سے اگلی ملاقات 27 جون کو اسلام آباد میں کریں گے، توقع ہے دورہ پاکستان سے تعلقات بہتر ہوں گے۔

    افغان صدر کا کہنا تھا عمران خان سےگزشتہ ہفتےاوآئی سی اجلاس میں ملاقات ہوئی، وزیراعظم عمران خان سےملاقات میں دورہ پاکستان پراتفاق ہوا تھا۔

    عید کے موقع پر انھوں نے 887 قیدیوں کی رہائی کا بھی اعلان کیا اور افغان فورسز اور سرکاری اہلکاروں کو صدارتی انتخابات میں غیر جانبدار رہنے کی ہدایت کرتے ہوئے کہا صدارتی انتخابات کوآزاد اور شفاف ماحول میں ہونا چاہیے۔

    مزید پڑھیں : عمران خان، اشرف غنی ملاقات، پاکستان کا افغانستان کے استحکام کے لئے حمایت جاری رکھنے کا اعلان

    یاد رہے 31 مئی کو دورہ سعودی عرب میں پاکستانی وزیرا عظم عمران خان اور افغان صدر اشرف غنی کے درمیان ملاقات ہوئی تھی ،  ملاقات میں دونوں ممالک کے سربراہان میں افغان امن مذاکرات پر تبادلہ خیال ہوا۔

    اس موقع پر وزیر اعظم عمران خان نے کہا تھا کہ پاکستان خطے میں امن کاخواہاں ہے، افغانستان میں استحکام کے لئے بھرپور حمایت جاری رکھیں گے، پاکستان افغان امن عمل کے سیاسی حل کے لئے تعاون کرے گا۔

    عمران خان کا کہنا تھا افغان صدر کا دورہ پاکستان تعلقات کی مضبوطی میں مددگار ثابت ہوگا،  سیاسی، سیکیورٹی اوراقتصادی معاملات میں تعاون کو فروغ دیں گے۔

  • افغانستان میں قیام امن کیلئے کوشش جاری رہے گی، وزیراعظم عمران خان

    افغانستان میں قیام امن کیلئے کوشش جاری رہے گی، وزیراعظم عمران خان

    اسلام آباد : وزیراعظم عمران خان نے کہا ہے کہ افغان تنازع نے دونوں ممالک کو نقصان پہنچایا، افغانستان میں قیام امن کیلئے پاکستان کی کوششیں جاری رہیں گی۔

    یہ بات انہوں نے افغان صدر اشرف غنی سے ٹیلی فون ہر گفتگو کرتے ہوئے کہی، افغان صدر اشرف غنی نے وزیر اعظم عمران خان کو ٹیلی فون کیا، دونوں شخصیات نے افغانستان کی علاقائی ،سیکیورٹی صورتحال اور باہمی دلسچپی کے امور پر تبادلہ خیال کیا۔

    اس کے علاوہ سماجی و اقتصادی ترقی کیلئے علاقائی رابطوں کو بڑھانے پر بات چیت کی گئی، دونوں رہنماؤں نے غربت میں خاتمے کے لئے مشترکہ کوششیں کرنے پر اتفاق کیا۔

    اس موقع پر وزیراعظم عمران خان نے افغانستان میں قیام امن کیلئے اپنی کوششیں جاری رکھنے کے عزم کا اعادہ کیا۔ انہوں نے کہا کہ افغانستان پاکستان کا برادر ہمسایہ ملک ہے، افغان تنازع نے پاکستان اورافغانستان دونوں کو نقصان پہنچایا۔

    دونوں ممالک کے عوام  کےی خاطر کیلئے خطے میں قیام امن ضروری ہے،خطے کی خوشحالی، علاقائی سالمیت کیلئے اقتصادی ترقی کو فروغ دینا ہوگا۔

    وزیر اعظم کا کہنا تھا کہ افغان تنازعے کا پر امن حل افغان قیادت کو خود تلاش کرنا ہے، مشترکہ مفادات کے تحفظ کیلئے ہر سطح پر کوششیں جاری رکھیں گے۔

    ٹیلیفونک گفتگو میں وزیراعظم عمران خان نے افغان صدر اشرف غنی کو دورہ پاکستان کی دعوت دی، افغان صدر نے دورہ پاکستان کی دعوت قبول کرلی، ذرائع کے مطابق دورے کی تاریخوں کا حتمی فیصلہ سفارتی رابطوں کے بعد کیا جائے گا۔

  • وزیرِ اعظم عمران خان کو افغان صدر اشرف غنی کا فون

    وزیرِ اعظم عمران خان کو افغان صدر اشرف غنی کا فون

    اسلام آباد: وزیرِ اعظم عمران خان کو افغان صدر اشرف غنی نے فون کیا، ٹیلی فونک گفتگو میں افغان صدر نے زلمے خلیل زاد سے ہونے والی بات چیت پر اعتماد میں لیا۔

    ذرائع کے مطابق افغانستان کے صدر اشرف غنی نے وزیرِ اعظم عمران خان کو فون کر کے امریکی نمائندہ خصوصی زلمے خلیل زاد سے ہونے والی بات چیت پر اعتماد میں لیا۔

    [bs-quote quote=”امریکی نمائندۂ خصوصی کی پاکستانی حکام سے بات چیت پر تبادلۂ خیال” style=”style-7″ align=”left” color=”#dd3333″][/bs-quote]

    ذرائع کا کہنا ہے کہ افغان صدر نے مفاہمتی عمل میں پاکستان کی سہولت کاری پر اطمینان کا اظہار کیا۔

    دونوں رہنماؤں کے درمیان امریکی نمائندۂ خصوصی کی پاکستانی حکام سے بات چیت پر تبادلۂ خیال کیا گیا، وزیرِ اعظم عمران خان نے کہا کہ پاکستان افغان مفاہمتی عمل میں مثبت کردار جاری رکھے گا۔

    ذرائع کے مطابق وزیرِ اعظم نے کہا کہ پاکستان افغان فریقین کے درمیان مذاکرات کے لیے کوشاں ہے، مسئلے کا بہتر حل افغان فریقین میں مصالحت اور مذاکرات ہے۔

    خیال رہے کہ گزشتہ روز امریکی صدر کے افغان مفاہمتی عمل کے لیے خصوصی نمائندے زلمے خلیل زاد پاکستان پہنچے تھے، دورے کے دوران انھوں نے اعلیٰ سول و عسکری قیادت سے ملاقاتیں کیں۔

    یہ بھی پڑھیں:  آرمی چیف سے امریکی نمائندہ خصوصی کی ملاقات، افغان امن اور خطے کی صورت حال پر تبادلہ خیال

    زلمے خیل زاد کی سربراہی میں امریکی وفد نے جی ایچ کیو میں آرمی چیف سے ملاقات کی، جس میں افغان امریکی مشن کے سربراہ جنرل اوسٹن، امریکی صدر کی نائب معاون لیزا کرسٹن، امریکی ناظم الامور و دیگر بھی موجود تھے۔

    ملاقات میں علاقائی صورتِ حال بالخصوص افغان امن عمل پر بات چیت کی گئی، امریکی وفد نے امن عمل کے لیے پاکستان کی کوششوں کو سراہا اور آپریشن ردّ الفساد میں پاک فوج کی کام یاب کوششوں کی تعریف کی۔