Tag: اقتصادی امور ڈویژن رپورٹ

  • رواں مالی سال غیرملکی امداد، ایکسٹرنل فنناسنگ سے 5.5 ارب ڈالرزملے، اقتصادی رپورٹ

    رواں مالی سال غیرملکی امداد، ایکسٹرنل فنناسنگ سے 5.5 ارب ڈالرزملے، اقتصادی رپورٹ

    اسلام آباد: غیرملکی امداد، ایکسٹرنل فنناسنگ کی مد میں رواں مالی سال 19 ارب 39 کروڑ ڈالرز تخمینہ میں سے 5 ارب 50 کروڑ ڈالرز ملے۔

    تفصیلات کے مطابق اقتصادی امور ڈویژن کی جولائی سے مارچ کے دوران غیرملکی امداد اور قرضوں کی رپورٹ جاری کردی گئی، دستاویزی رپورٹ میں بتایا گیا ہے کہ وفاقی حکومت غیرملکی قرضوں میں سستے قرض پر ہی انحصار کرنے لگی ہے۔

    رپورٹ میں بتایا گیا کہ گزشتہ مالی سال 17 ارب 61 کروڑ ڈالرز تخمینہ میں سے 6 ارب 90 کروڑ ڈالرز ملے تھے، گزشتہ ماہ مارچ کے دوران 55 کروڑ 52 لاکھ ڈالرز کی ایکسٹرنل فنانسنگ حاصل کی گئی۔

    جولائی سے مارچ مالیاتی اداروں سے 2 ارب 82 کروڑ 76 لاکھ ڈالرز موصول ہوئے، جولائی سے مارچ باہمی معاہدوں کے تحت 35 کروڑ 84 لاکھ ڈالرز کا قرض حاصل کیا گیا۔

    اقتصادی امور رپورٹ میں بتایا گیا کہ کمرشل بینکوں سے 56 کروڑ ڈالرز حاصل کیے گئے، نیا پاکستان سرٹیفکیٹس سے 1 ارب 45 کروڑ ڈالرز فنانسنگ حاصل کی گئی۔

    فرانس سے 10 کروڑ 80 لاکھ ڈالرز، چین سے 9 کروڑ 91 لاکھ ڈالرز اور امریکا سے 4 کروڑ ڈالرز کی فنانسنگ ہوئی۔

    رپورٹ میں بتایا گیا کہ سعودی عرب سے 1 کروڑ 35 لاکھ ڈالرز، جاپان سے 2 کروڑ 88 لاکھ ڈالرز کی فنانسنگ ہوئی، جولائی سے مارچ 1 ہزار 533 ارب 44 کروڑروپے کا قرض حاصل کیا گیا۔

    https://urdu.arynews.tv/governments-borrowed-in-last-5-year-details/

  • پاکستان کو 5 ماہ کے دوران ساڑھے تین ارب ڈالرز کی بیرونی فنڈنگ موصول

    پاکستان کو 5 ماہ کے دوران ساڑھے تین ارب ڈالرز کی بیرونی فنڈنگ موصول

    اقتصادی امور ڈویژن کی رپورٹ میں بتایا گیا ہے کہ رواں مالی سال جولائی تا نومبر 3 ارب 57 کروڑ ڈالرز کی بیرونی فنڈنگ موصول ہوئی۔

    تفصیلات کے مطابق اقتصادی امور ڈویژن نے 5 ماہ میں بیرونی قرضوں اور گرانٹس کی تفصیلات جاری کردیں، رپورٹ میں بتایا گیا ہے کہ بیرونی فنڈنگ میں آئی ایم ایف قرض پروگرام کی 1 ارب ڈالر کی پہلی قسط شامل ہے، گزشتہ سال کے مقابلے بیرونی فنڈز میں 43 فیصد کمی ہوئی تاہم آئندہ مہینوں میں تیزی متوقع ہے۔

    رپورٹ میں کہا گیا کہ رواں مالی سال 24 ارب ڈالرز کی مجموعی بیرونی مالی معاونت ملنے کا تخمینہ ہے، چین، سعودی عرب اور یو اے ای کا 12 ارب ڈالرز کا مجموعی قرضہ رول اوور ہونے کا امکان ہے۔

    سعودی عرب سے 1.2 ارب ڈالرز کی ادھار تیل کی سہولت بھی ملنے کا امکان ہے، ابتدائی 5 ماہ میں آئی ایم ایف کے سوا دیگر اداروں اور ممالک سے 2.57 ارب ڈالرز ملے۔

    ایشیائی ترقیاتی بینک نے پاکستان کو 76 کروڑ 70 لاکھ ڈالرز فراہم کیے، نیا پاکستان سرٹیفکیٹ میں 73 کروڑ 50 لاکھ ڈالرز کی سرمایہ کاری ہوئی، عالمی بینک نے 30 کروڑ 50 لاکھ ڈالرز کا رعایتی قرضہ دیا،

    اقتصادی امور ڈویژن کی رپورٹ میں مزید بتایا گیا کہ چین نے 9 کروڑ 80 لاکھ ڈالرز جبکہ فرانس نے 8 کروڑ 90 لاکھ ڈالرز فنڈز دیے۔

    رپورٹ کے مطابق پانچ ماہ میں امریکا نے 3 کروڑ 80 لاکھ ڈالرز کی فنڈنگ فراہم کی، پانچ ماہ کے دوران 20 کروڑ ڈالرز کا چینی قرضہ رول اوور کیا گیا۔