ARYNews.tv | Urdu – Har Lamha Bakhabar

Tag: اقوام متحدہ

  • بیلجیئم کا اقوام متحدہ میں فلسطینی ریاست تسلیم کرنے کا اعلان

    بیلجیئم کا اقوام متحدہ میں فلسطینی ریاست تسلیم کرنے کا اعلان

    برسلز (02 ستمبر 2025): بیلجیئم نے اقوام متحدہ میں فلسطینی ریاست تسلیم کرنے کا اعلان کیا ہے۔

    تفصیلات کے مطابق فرانس، برطانیہ، آسٹریلیا اور کینیڈا کے بعد بیلجیئم نے بھی فلسطین کو بطور ریاست تسلیم کرنے کا فیصلہ کر لیا ہے۔

    بیلجیئم کے وزیر خارجہ میکسم پریوٹ نے اعلان کیا ہے کہ بیلجیئم اس ماہ کے آخر میں اقوام متحدہ کی جنرل اسمبلی (UNGA) میں ریاست فلسطین کو تسلیم کر لے گا۔

    انھوں نے اسرائیل پر سخت پابندیاں عائد کرنے کا بھی اعلان کیا، وزیر خارجہ نے منگل کو سوشل میڈیا پر لکھا کہ اسرائیل کے خلاف 12 سخت پابندیاں نافذ کی جا رہی ہیں، ان میں غیر قانونی اسرائیلی آبادکاریوں سے مصنوعات کی درآمد پر پابندی، اسرائیلی کمپنیوں کے ساتھ سرکاری معاہدوں کا دوبارہ جائزہ اور اسرائیلی پروازوں اور ٹرانزٹ پر پابندی سمیت دیگر شامل ہیں۔

    یہ اقدامات فلسطین خصوصاً غزہ میں جاری انسانی المیے اور اسرائیل کی جانب سے بین الاقوامی قوانین کی خلاف ورزیوں کے جواب میں اٹھائے گئے ہیں۔

    امریکا کا فلسطینی پاسپورٹ کے حامل تمام افراد کو ویزا دینے سے انکار

    تاہم، بیلجیئم کے وزیر خارجہ نے یہ بھی کہا کہ غزہ سے آخری یرغمالی کی رہائی کے بعد ہی فلسطینی ریاست کو تسلیم کیا جائے گا اور یہ طے ہونے کے بعد کہ اب حماس کا فلسطین کے انتظام میں کوئی کردار نہیں رہا ہے۔ یاد رہے کہ بیلجیئم کے وزیر اعظم بارٹ ڈی ویور نے گزشتہ ماہ کہا تھا کہ فلسطین کو تسلیم کرنے کا تعلق سخت شرائط سے ہونا چاہیے۔

    جولائی کے آخر میں فرانسیسی صدر ایمانوئل میکرون نے اعلان کیا تھا کہ جب عالمی رہنما اقوام متحدہ کی جنرل اسمبلی کے اجلاس میں شرکت کریں گے تو فرانس فلسطینی ریاست کو تسلیم کرے گا۔ فرانس اور سعودی عرب 22 ستمبر کو اقوام متحدہ کی جنرل اسمبلی کے دوران فلسطین کو تسلیم کرنے سے متعلق اجلاس کی مشترکہ میزبانی بھی کریں گے۔ آسٹریلیا، کینیڈا اور برطانیہ نے بھی کہا ہے کہ وہ اس ماہ فلسطین کو تسلیم کرنے کا ارادہ رکھتے ہیں لیکن بھی شرائط کے ساتھ۔

    اس سال اپریل تک تقریباً 147 ممالک، جو اقوام متحدہ کے 75 فی صد ارکان کی نمائندگی کرتے ہیں، پہلے ہی فلسطینی ریاست کو تسلیم کر چکے ہیں۔

  • اقوام متحدہ نے پاکستان میں مائیگریشن نیٹ ورک قائم کردیا

    اقوام متحدہ نے پاکستان میں مائیگریشن نیٹ ورک قائم کردیا

    اسلام آباد: اقوام متحدہ نے پاکستان میں مائیگریشن نیٹ ورک قائم کردیا ، یو این این ایم کا قیام انسانی ہجرت اور تارکین وطن کی اسمگلنگ جیسی مشکلات سے نمٹنے کی طرف ایک اہم قدم ہے۔

    تفصیلات کے مطابق اقوام متحدہ نے پاکستان میں یونائیٹڈ نیشنز نیٹ ورک آن مائیگریشن قائم کردیا۔ اس حوالے سے اسلام آباد میں افتتاحی تقریب منعقد ہوئی جس میں مختلف وزارتوں کے حکام اور یو این نمائندوں نے شرکت کی۔

    وزارت داخلہ کے حکام سیپ جان نے تقریب سے خطاب کرتے ہوئے بتایا کہ حالیہ واقعات کے بعد حکومت نے غیر قانونی ہیومن ٹریفکرز اور اسمگلرز کے خلاف بڑے پیمانے پر کریک ڈاؤن کیا ہے۔ اب تک 1,550 انسانی اسمگلرز کو گرفتار کیا جاچکا ہے جبکہ 53 موسٹ وانٹڈ ٹریفکرز کو ریڈ نوٹس میں شامل کیا گیا ہے۔ ان اسمگلرز کے بینک اکاؤنٹس اور جائیدادیں بھی منجمد کردی گئی ہیں۔

    سیپ جان کا کہنا تھا کہ پاکستان انسانی اسمگلنگ کے خلاف مؤثر اقدامات کر رہا ہے اور صرف 2024 میں تقریباً 28 ہزار افراد کو آف لوڈ کیا گیا، یو این این ایم کا قیام انسانی ہجرت اور تارکین وطن کی اسمگلنگ جیسی مشکلات سے نمٹنے کی طرف ایک اہم قدم ہے۔

    اس موقع پر اقوام متحدہ کے ریزیڈنٹ کوآرڈینیٹر محمد یحیی نے کہا کہ نیٹ ورک کا قیام اجتماعی عزم کا مظہر ہے کہ انسانی ہجرت محفوظ اور منظم ہونی چاہیے، یہ نیٹ ورک ایسا پلیٹ فارم فراہم کرے گا جس کے ذریعے ہجرت کے بیانیے کو مثبت انداز میں بدلا جاسکے گا۔

    ان کا مزید کہنا تھا کہ اقوام متحدہ انسانی نقل و حرکت سے جڑی مشکلات کے حل اور تارکین وطن کے حقوق کے تحفظ کے لیے پرعزم ہے۔

    افتتاحی تقریب میں یو این مائیگریشن نیٹ ورک سیکرٹریٹ کے سربراہ جوناتھن پرینٹس کا ویڈیو پیغام بھی دکھایا گیا، تقریب میں وزارت خارجہ، وزارت داخلہ اور وزارت برائے سمندر پار پاکستانیوں کے نمائندوں نے بھی شرکت کی۔

  • اقوام متحدہ نے پاکستان میں سیلاب سے متعلق ابتدائی رپورٹ تیار کر لی

    اقوام متحدہ نے پاکستان میں سیلاب سے متعلق ابتدائی رپورٹ تیار کر لی

    اسلام آباد (01 ستمبر 2025): اقوام متحدہ نے پاکستان میں سیلاب سے ہونے والے نقصانات سے متعلق ابتدائی رپورٹ تیار کر لی۔

    سیلاب کے نقصانات سے متعلق رپورٹ یو این او سی ایچ اے کی تیار کردہ ہے، ذرائع کا کہنا ہے کہ یو این او سی ایچ اے نے رپورٹ حکومت پاکستان کو بھجوا دی ہے، جو 26 جون سے 30 اگست تک ہونے والے نقصانات پر مشتمل ہے۔

    رپورٹ کے مطابق 26 جون تا 30 اگست سیلاب سے 829 اموات ہوئیں، اور 1116 افراد زخمی ہوئے، اس دوران سیلاب سے 8975 گھروں کو نقصان پہنچا، اور 6138 مویشی ہلاک ہوئے۔

    رپورٹ میں کہا گیا ہے کہ 26 جون تا 30 اگست سیلاب سے 655 کلومیٹر سڑکوں، اور 238 پلوں کو نقصان پہنچا، خیبرپختونخوا میں 432، آزاد کشمیر میں 201 کلو میٹر شاہرات کو نقصان پہنچا، گلگت بلتستان میں 17.6، بلوچستان میں 3.6 کلو میٹر شاہرات کو سیلاب سے نقصان پہنچا، آزاد کشمیر 94، جی بی 87، کے پی 52، اسلام آباد 3 پلوں کو نقصان ہوا۔

    ممکنہ سیلاب کا خدشہ ، سندھ کے حساس اضلاع کیلئے امدادی سامان روانہ

    سیلاب سے خیبرپختونخوا میں 5406 مویشی، آزادکشمیر میں 237 مویشی، سندھ میں 231، پنجاب میں 121، جی بی میں 67، بلوچستان میں 22 مویشی ہلاک ہوئے۔

    سیلاب سے کے پی میں 4659 گھروں، آزادکشمیر میں 2010 مکانات، گلگت بلستان میں 1253، بلوچستان 671، پنجاب میں 226، سندھ میں سیلاب سے 91، اور اسلام آباد میں 65 مکانات کو نقصانات پہنچا۔

    رپورٹ کے مطابق کے پی میں سیلاب سے 479 اموات ہوئیں، اور 350 زخمی ہوئے، اسلام آباد میں سیلاب سے 8 اموات، 3 شہری زخمی، پنجاب میں 191 اموات، 599 زخمی، سندھ میں 57 اموات، 78 زخمی، بلوچستان میں 24 اموات، 5 زخمی، جی بی میں 41 اموات، 52 زخمی، اور آزاد کشمیر میں سیلاب سے 29 اموات، 28 زخمی ہوئے۔

  • اقوام متحدہ کے سربراہ نے چینی صدر کی تعریف میں کیا کہا؟

    اقوام متحدہ کے سربراہ نے چینی صدر کی تعریف میں کیا کہا؟

    بیجنگ(یکم ستمبر 2025): اقوام متحدہ کے سیکرٹری جنرل انتونیو گوتریس نے چینی صدر شی جن پنگ کو "واضح اسٹریٹجک وژن کا حامل شخص” قرار دیا ہے۔

    اتوار سے پیر تک تیانجن میں جاری شنگھائی تعاون تنظیم کے سربراہی اجلاس کے موقع پر چائنا میڈیا گروپ کو دیے گئے ایک انٹرویو میں انتونیو گوتریس نے کہا کہ صدر شی ہمیشہ طویل المدتی نقطہ نظر سے معاملات کو دیکھتے ہیں، اور ان کے مقرر کردہ اہداف متوقع طور پر وقت سے پہلی ہی حاصل کیے جا سکتے ہیں۔

    اقوام متحدہ کے سربراہ نے کہا کہ "اگر مجھے ایک ایسی خصوصیت کا انتخاب کرنا ہو جو میرے خیال میں صدر شی جن پنگ کی شخصیت کو نمایاں کرتی ہے تو وہ ہے ان کا واضح اسٹریٹجک وژن اور انہیں مقرر وقت میں کرنے کی صلاحیت، وہ نہ صرف اپنے اہداف کو حاصل کرتے ہیں بلکہ وہ انہیں وقت سے پہلے پورا کرتے ہیں، اس طرح کی کئی مثالیں بھی ہمارے سامنے ہیں۔

    انہوں نے کہا کہ مجھے یاد ہے کہ صدر شی جن پنگ نے اعلان کیا تھا کہ چین 2030 تک 1,200 گیگاواٹ قابل تجدید توانائی حاصل کر لے گا۔ یہ ہدف وقت سے قبل ہی اب حاصل ہو چکا ہے۔

    انہوں نے مزید کہا جب بہت سے لوگ ابھی تک ڈیزل گاڑیوں کو بہتر بنانے کے بارے میں سوچ رہے تھے، چین نے کئی سال پہلے ہی الیکٹرک گاڑیوں پر توجہ دینے کا فیصلہ کیا، اور اس کے لیے تمام ضروری ٹیکنالوجیز تیار کیں، آج ہم دیکھتے ہیں کہ چینی الیکٹرک گاڑیاں دنیا بھر کے مارکیٹ میں غلبہ رکھتی ہیں اور بہت عمدہ کارکردگی دکھا رہی ہیں۔

    اقوام متحدہ کے سربراہ نے کہا کہ ایک ایسی دنیا ہے جہاں ایک دن میں بہت سے فیصلے کیے جاتے ہیں اور اگلے ہی دن اس فیصلے کو تبدیل کردیا جاتا ہے وہیں صدر شی جن پنگ اپنے اہداف کو وقت سے پہلے مکمل کرنے کی صلاحیت رکھتے ہیں، اسٹریٹجک وژن ان کی خصوصیت ہے۔

  • اسرائیلی فوج کی بمباری، مزید 50 فلسطینی جام شہادت نوش کرگئے

    اسرائیلی فوج کی بمباری، مزید 50 فلسطینی جام شہادت نوش کرگئے

    غزہ: اسرائیلی فوج کی جانب سے غزہ میں خون کی ہولی کھیلنے کا سلسلہ جاری ہے، شہر کے مشرقی اور جنوبی حصوں میں شدید اسرائیلی بمباری کے باعث جمعرات کی صبح سے اب تک کم از کم 50 فلسطینی جام شہادت نوش کرگئے۔

    عرب خبر رساں ادارے کی رپورٹ کے مطابق اسرائیلی فوج غزہ شہر پر مکمل قبضہ کرنے کی تیاریوں میں مصروف ہے جبکہ اقوام متحدہ اور دیگر عالمی اداروں نے اس کارروائی پر سخت تشویش کا اظہار کیا ہے۔

    رپورٹس کے مطابق اقوام متحدہ کے سیکریٹری جنرل انتونیو گوتریس کا کہنا تھا کہ غزہ میں فوجی کارروائی تباہ کن ثابت ہو گی اور لاکھوں شہری گھروں سے محروم ہوجائیں گے۔

    غزہ کی سول ڈیفنس ایجنسی کا کہنا ہے کہ زیتون اور شجاعیہ کے علاقوں میں اسرائیلی زمینی آپریشن کے دوران 1500 سے زائد گھروں کو تباہ کردیا گیا ہے۔

    بے گھر ہونے والے شہریوں کا کہنا ہے کہ وہ اپنے گھروں سے نکل کر ساحل کی طرف پناہ لینے پر مجبور ہوچکے ہیں۔

    غزہ کی وزارتِ صحت کی جانب سے اس بات کی تصدیق کی جاچکی ہے کہ غذائی قلت کے باعث مزید 4 افراد جام شہادت نوش کرگئے ہیں۔ شہید ہونے والوں میں 2 بچے بھی شامل ہیں۔

    یمن پر اسرائیلی بمباری، انصاراللہ سے منسلک وزیراعظم احمد غالب جاں بحق

    اس کے علاوہ غذائی قلت کے سبب شہید ہونے والوں کی تعداد 317 تک پہنچ گئی ہے۔ مجموعی طور پر اب تک غزہ میں 62 ہزار 900 سے زائد فلسطینی جام شہادت نوش کرچکے ہیں۔ جن میں اکثریت عورتوں اور بچوں کی ہے۔

  • اقوام متحدہ نے سیلاب متاثرین کے لیے مالی امداد جاری کردی

    اقوام متحدہ نے سیلاب متاثرین کے لیے مالی امداد جاری کردی

    نیو یارک (28 اگست 2025) اقوام متحدہ نے پاکستان میں حالیہ طوفانی بارشوں اور سیلاب سے متاثرہ افراد کی بحالی کے لیے ابتدائی طور پر 6 لاکھ ڈالر کی مالی امداد جاری کر دی۔

    اس حوالے سے اقوام متحدہ سیکریٹری جنرل کے ترجمان اسٹیفن دوجارک نے نیویارک میں میڈیا سے گفتگو کے دوران بتایا کہ یو این ہنگامی امدادی فنڈ سے پاکستان کے سیلاب متاثرین کیلئے 6 لاکھ امریکی ڈالر کی امداد جاری کی گئی ہے۔

    ترجمان نے بتایا کہ پاکستان میں گزشتہ 10 روز میں طوفانی بارشوں اور سیلاب سے مجموعی طور پر 400 افراد جاں بحق اور 190سے زائد زخمی ہوئے۔ جبکہ 20ہزار سے زائد افراد بے گھر ہوئے۔اقوام متحدہ

    ترجمان نے کہا کہ متاثرہ علاقوں میں بنیادی ضروریات کی اشیاء کی شدید قلت ہے۔ سیلاب متاثرین کو پناہ گاہوں، طبی امداد کے لئے نقد معاونت، حفظان صحت کے سامان، پینے کے صاف پانی کی اشد ضرورت ہے۔

    ان کا کہنا تھا کہ خصوصی طور پر سیلاب متاثرین خواتین اور بچیوں کے تحفظ کے اقدامات کی اشد ضرورت ہے۔

    پاکستان میں 26 جون سے جاری مون سون کی شدید بارشوں اور سیلاب سے بہت زیادہ تباہ کاریاں ہوئی ہیں، مقامی حکام کے مطابق اب تک مجموعی طور پر 798افراد جاں بحق اور ایک ہزار سے زائد زخمی ہوئے ہیں۔

    مزید پڑھیں : پنجاب سیلاب، گوجرانوالہ ڈویژن میں 15 افراد جاں بحق

    یاد رہے کہ محکمہ موسمیات پاکستان نے آئندہ دنوں میں مزید بارشوں کی پیش گوئی کی ہے، جس کے باعث صورتحال مزید خراب ہونے کا خدشہ ہے۔

  • دنیا میں ہر 4 میں سے ایک فرد گندا پانی پینے پر مجبور ہے، ڈبلیو ایچ او کا انکشاف

    دنیا میں ہر 4 میں سے ایک فرد گندا پانی پینے پر مجبور ہے، ڈبلیو ایچ او کا انکشاف

    عالمی ادارہ صحت (ڈبلیو ایچ او) اور یونیسیف نے ایک رپورٹ میں انکشاف کیا ہے کہ دنیا کے تقریباً 210 کروڑ لوگ گندا پانی پینے پر مجبور ہیں۔

    تفصیلات کے مطابق ورلڈ ہیلتھ آرگنائزیشن (WHO) اور یونیسیف نے منگل کو ایک رپورٹ جاری کی ہے، جس میں انکشاف کیا گیا کہ پوری دنیا میں دو ارب سے زائد (210 کروڑ) لوگوں کو پینے کا صاف پانی نہیں مل رہا ہے۔

    رپورٹ کے مطابق گزشتہ سال پوری دنیا میں ہر 4 میں سے ایک فرد کو محفوظ طریقے سے پینے کا پانی دستیاب نہیں تھا، جب کہ 10 کروڑ سے بھی زائد لوگ ندیوں، تالابوں اور نہروں سے پینے کا پانی حاصل کر رہے ہیں۔

    عالمی ادارہ صحت کا کہنا ہے کہ پانی، صفائی اور صحت کی خدمات میں پس ماندگی کے باعث اربوں لوگ بیمار ہو رہے ہیں، اس لیے پوری دنیا میں اس مسئلہ پر توجہ دینے کی اشد ضرورت ہے، لیکن 2030 تک اس کی امید کم ہے۔

    اسرائیلی محاصرہ، غزہ میں نایاب مرض ‘گیلین بیری سنڈروم’ کے کیسز میں اضافہ

    اس رپورٹ میں 5 اقسام کے ڈرنکنگ واٹر (پینے کے پانی) کو لے کر بات کی گئی ہے، پہلا ایسا پانی جو آپ کے گھر تک پہنچے اور اس میں گندگی اور کیمیکلز موجود نہ ہوں۔ دوسرا بنیادی (صاف پانی، جو 30 منٹ سے کم وقت میں مل جائے)، تیسرا محدود (صاف، لیکن اسے ملنے میں زیادہ وقت لگتا ہے)، چوتھا گندا (مثال کے لیے گندے کنوئیں یا جھرنے سے) اور پانچواں سطح کا پانی۔

    رپورٹ کے مطابق 2015 سے اب تک 96 کروڑ 10 لاکھ لوگوں کو پینے کا صاف پانی فراہم ہو چکا ہے، لوگوں تک اس کی رسائی 68 فی صد سے بڑھ کر 74 فی صد تک ہو چکی ہے، گزشتہ سال 210 کروڑ لوگوں کے لیے صاف پینے کا پانی دستیاب نہیں تھا، ان میں سے 10.6 کروڑ لوگ سطح کا پانی استعمال کر رہے تھے، یہ گزشتہ دہائی کے مقابلے میں 6.1 کروڑ کی کمی کو ظاہر کرتا ہے۔

    اگرچہ دیہی علاقوں میں رہنے والے لوگوں کے لیے کچھ بہتری دیکھنے میں آئی ہے، لیکن وہ اب بھی پیچھے ہیں۔ 2015 سے 2024 کے دوران محفوظ طریقے سے فراہم کیے جانے والے پینے کے پانی کی سہولت کا تناسب 50 فی صد سے بڑھ کر 60 فی صد ہو گیا، جب کہ بنیادی صفائی ستھرائی کی سہولت 52 فی صد سے بڑھ کر 71 فی صد تک پہنچ گئی۔ اس کے برعکس، شہری علاقوں میں پینے کے پانی اور صفائی ستھرائی کی سہولیات میں کوئی خاص بہتری نہیں آئی۔

    70 ممالک سے حاصل کردہ اعداد و شمار سے پتا چلتا ہے 15 سے 19 سال کی عمر کی نو عمر لڑکیاں، حیض کے دنوں میں بالغ خواتین کے مقابلے میں تعلیم، ملازمت اور سماجی سرگرمیوں میں حصہ لینے کے امکانات کم رکھتی ہیں۔ زیادہ تر ممالک میں، جہاں اس حوالے سے معلومات دستیاب ہیں، خواتین اور لڑکیاں ہی عام طور پر پانی لانے کی ذمہ دار ہوتی ہیں، اور ذیلی صحارا افریقہ، وسطی اور جنوبی ایشیا میں بہت سی خواتین روزانہ 30 منٹ سے زیادہ وقت پانی لانے میں صرف کرتی ہیں۔

    رپورٹ میں کہا گیا ہے کہ جب ہم پائیدار ترقی کے اہداف (SDGs) کی مدت کے آخری پانچ سالوں کی طرف بڑھ رہے ہیں، تو کھلے میں رفع حاجت کے خاتمے اور تمام افراد کے لیے بنیادی پانی، صفائی اور حفظانِ صحت کی خدمات کی فراہمی کے 2030 کے اہداف حاصل کرنے کے لیے رفتار میں تیزی لانا ضروری ہوگا۔

    عالمی ادارہ صحت کے ماحولیاتی سربراہ روڈیگر کریچ کا کہنا ہے کہ پانی اور صفائی بنیادی انسانی حقوق ہیں، مراعات نہیں۔

  • پاکستان کا اقوام متحدہ میں سرحد پار ریاستی سرپرستی میں دہشتگردی کے خطرات پر انتباہ

    پاکستان کا اقوام متحدہ میں سرحد پار ریاستی سرپرستی میں دہشتگردی کے خطرات پر انتباہ

    اقوام متحدہ میں پاکستان کے مستقل مندوب عاصم افتخار نے کہا ہے کہ کالعدم ٹی ٹی پی، بی ایل اے، مجید بریگیڈ کا گٹھ جوڑ علاقائی و عالمی امن کیلئے خطرہ ہے۔

    تفصیلات کت مطابق پاکستان کے سفیر عاصم افتخار نے  سلامتی کونسل کے اجلاس سے خطاب کیا، جس کا موضوع ’دہشت گردانہ کارروائیوں سے بین الاقوامی امن و سلامتی کو لاحق خطرات‘ تھا۔

    اقوام متحدہ میں مستقل مندوب عاصم افتخار نے سلامتی کونسل اجلاس سے خطاب میں  سرحد پار ریاستی سرپرستی میں دہشتگردی کے خطرات پر انتباہ کیا، انہوں نے کہا کہ دہشتگردوں کے تربیتی کیمپ پاکستانی شہریوں، معیشت، اسٹریٹجک ڈھانچے کو نشانہ بنا رہے ہیں۔

    پاکستانی مندوب کا کہنا تا کہ افغان سرزمین سے سرگرم ٹی ٹی پی قومی سلامتی کیلئے بڑا خطرہ ہے، داعش خراسان کے 2,000 جنگجو افغانستان میں سب سے سنگین خطرہ ہیں، داعش اب بھی عراق وشام میں 3,000 جنگجوؤں کیساتھ متحرک ہے، افریقہ و مغربی افریقہ میں داعش کا دائرہ کار بڑھ رہا ہے۔

    عاصنم افتخار نے کہا کہ ہمارا سب سے بڑا علاقائی حریف دہشتگردی کو اسپانسر کررہا ہے، دشمن ریاست دہشتگردوں کو مالی مدد، تربیت اور سرحد پار کارروائیوں میں ملوث ہے، بھارتی ریاستی دہشت گردی کو بے نقاب کیا جائے، بھارت نے مئی میں دانستہ عام آبادی پر حملے کیے، 54 پاکستانی شہید ہوئے، ریاستی دہشتگردی کو انسدادِ دہشتگردی کا لبادہ دینا عالمی امن کیلئے خطرہ ہے۔

    پاکستانی مندوب نے اپنے خطاب میں کہا کہ سلامتی کونسل کو خاموش تماشائی نہیں بننا چاہیے، دہشت گردی کے خلاف جامع، طویل المدتی حکمت عملی اپنائی جائے، ریاستی جبر اور غیرقانونی قبضے کیخلاف عوام کی جدوجہد کو دہشتگردی نہ کہا جائے۔

    پاکستان نے مقبوضہ کشمیر اور فلسطین میں انسانی حقوق کی خلاف ورزیوں کی مذمت کی، اور کہا کہ اقوام متحدہ کی دہشتگرد فہرست میں صرف مسلمان، کوئی غیر مسلم دہشتگرد شامل نہیں، یہ دہرا معیار ناقابل قبول ہے، فہرست کو انصاف کی بنیاد پر اپڈیٹ کیا جائے۔

    عاصم افتخار کاکہنا تھا کہ دہشتگردی کی نئی اقسام آن لائن شدت پسندی اور ڈیجیٹل مالی معاونت ہے، نوجوانوں کو سوشل میڈیا پر شدت پسندی کے جال میں پھنسانا خطرناک رجحان ہے، انسدادِ دہشت گردی اقدامات بین الاقوامی قانون اور اتفاقِ رائے پر مبنی ہوں، ہم متحد ہو کر اور انصاف کیساتھ لڑیں تو دہشتگردی کو شکست دے سکتے ہیں۔

  • اقوام متحدہ کے سیکریٹری جنرل کا پاکستان میں سیلاب سے نقصانات پر گہرے دکھ کا اظہار

    اقوام متحدہ کے سیکریٹری جنرل کا پاکستان میں سیلاب سے نقصانات پر گہرے دکھ کا اظہار

    نیویارک : اقوام متحدہ کے سیکریٹری جنرل انتونیو گوتریس نے  پاکستان میں سیلاب سے نقصانات پر گہرے دکھ کا اظہار کیا۔

    تفصیلات کے مطابق اقوام متحدہ کے سیکریٹری جنرل انتونیو گوتریس نے پاکستان میں حالیہ سیلاب سے ہونے والے جانی و مالی نقصانات پر گہرے دکھ اور افسوس کا اظہار کیا ہے۔

    اپنے بیان میں انتونیو گوتریس نے کہا کہ انہیں سیلاب کے باعث قیمتی جانوں کے ضیاع پر گہرا دکھ ہے۔ انہوں نے متاثرہ خاندانوں سے دلی تعزیت کی اور جاں بحق افراد کے لواحقین کے ساتھ اظہار ہمدردی کیا۔

    سیکریٹری جنرل نے مزید کہا کہ اقوام متحدہ مشکل کی اس گھڑی میں پاکستان کے عوام کے ساتھ کھڑا ہے اور متاثرین کی امداد کے لیے عالمی تعاون جاری رکھا جائے گا۔

    یاد رہے پاکستان میں حالیہ تباہ کن بارشوں اور فلش فلڈز سے اب تک کم از کم 328 افراد جان کی بازی ہار چکے ہیں، جن میں زیادہ تر خیبر پختونخوا کے رہائشی شامل ہیں۔

    مزید پڑھیں : خیبرپختونخوا: این ڈی ایم اے نے 328 اموات کی تصدیق کر دی

    بونیر میں شدید بارشوں اور کلاؤڈ برسٹ کے باعث پہاڑوں سے پانی کا ریلہ گھروں پر آ گیا، جس نے بڑے پیمانے پر تباہی مچائی۔

    حکام کا کہنا تھا کہ اگرچہ علاقے میں ابتدائی وارننگ سسٹم موجود تھا لیکن بارش کی شدت اتنی غیر معمولی تھی کہ پانی کے ریلے نے رہائشیوں کو سنبھلنے کا موقع ہی نہیں دیا۔

    چیئرمین نیشنل ڈیزاسٹر مینجمنٹ اتھارٹی لیفٹیننٹ جنرل انعام حیدر نے اسلام آباد میں پریس کانفرنس کرتے ہوئے کہا تھا کہ پاکستان میں موسمیاتی تبدیلی کے باعث موسم کے انداز تیزی سے بدل رہے ہیں۔ ان کے مطابق رواں برس جون سے مون سون کے آغاز کے بعد اب تک ملک میں گزشتہ سال کی نسبت 50 فیصد زیادہ بارشیں ہو چکی ہیں۔

  • اسرائیل کا غزہ پر قبضے کا منصوبہ، برطانیہ اور آسٹریلیا کا بڑا بیان سامنے آگیا

    اسرائیل کا غزہ پر قبضے کا منصوبہ، برطانیہ اور آسٹریلیا کا بڑا بیان سامنے آگیا

    (8 اگست 2025): برطانوی وزیراعظم اور آسٹریلیا نے اسرائیل کے غزہ پر کنٹرول سے متعلق فوری نظر ثانی کی اپیل کی ہے۔

    برطانوی وزیر اعظم کیئر اسٹارمر نے ایک بیان میں کہا کہ اسرائیل کا غزہ شہر کا کنٹرول سنبھالنے کا فیصلہ غلط تھا اور اسرائیلی حکومت پر دوبارہ غور کرنے کی اپیل کی ہے۔

    انہوں نے ایک بیان میں کہا کہ اسرائیلی حکومت کا غزہ میں جارحیت کو مزید تیز کرنے کا فیصلہ غلط ہے، اور ہم اس پر فوری طور پر نظر ثانی کرنے کی اپیل کرتے ہیں، غزہ میں ہر روز انسانی بحران سنگین ہوتا جا رہا ہے فوری جنگ بند کی جائے۔

    دوسری جانب آسٹریلوی وزیرِ خارجہ پینی وونگ نے کہا اسرائیل غزہ پر فوجی قبضے کی جانب مت جائے، اس سے صورتحال مزید خرابی کی طرف چلی جائے گی۔

    آسٹریلوی وزیرِ خارجہ کا کہنا تھا کہ آبادی کو بےگھر کرنا بین الاقوامی قوانین کی خلاف ورزی ہے، انہوں نے مزید کہا دو ریاستی حل ہی پائیدار امن کو محفوظ بنانے کا واحد راستہ ہے۔

    ترکی کا اقوام متحدہ کی شمولیت کا مطالبہ

    ترکی کی وزارت خارجہ نے کہا کہ وہ غزہ شہر پر کنٹرول حاصل کرنے کے اسرائیل کے منصوبے کی سخت ترین الفاظ میں مذمت کرتے ہیں، اور بین الاقوامی برادری اور اقوام متحدہ کی سلامتی کونسل سے اس منصوبے پر عمل درآمد کو روکنے کے لیے کارروائی کرنے کا مطالبہ کرتے ہیں۔

    ترکی کی وزارت خارجہ نے کہا کہ اسرائیل کو اپنے جنگی منصوبوں کو فوری طور پر روکنا چاہیے، غزہ میں جنگ بندی پر اتفاق کرنا چاہیے، اور دو ریاستی حل کے لیے بات چیت شروع کرنی چاہیے۔

    https://urdu.arynews.tv/hamass-strong-response-to-israeli-declaration-of-control-over-gaza/