ARYNews.tv | Urdu – Har Lamha Bakhabar

Tag: اقوام متحدہ رپورٹ

  • غزہ کا صرف 4.6 فیصد زرعی رقبہ قابل کاشت رہ گیا، اقوام متحدہ رپورٹ

    غزہ کا صرف 4.6 فیصد زرعی رقبہ قابل کاشت رہ گیا، اقوام متحدہ رپورٹ

    اقوام متحدہ نے اپنی رپورٹ میں بتایا ہے کہ غزہ کا صرف 4.6 فیصد زرعی رقبہ قابل کاشت رہ گیا ہے، بیشتر زرعی زمین ملیا میٹ ہوچکی۔

    تفصیلات کے مطابق اقوام متحدہ کی رپورٹ میں بتایا گیا ہے کہ اسرائیل کے مسلسل وحشیانہ حملوں کے بعد غزہ میں 80 فیصد سے زائد زرعی زمین تباہ ہوچکی ہے، غزہ میں 77.8 فیصد زرعی رقبہ کسانوں کی رسائی سے باہر ہے۔

    اسرائیل کی پوری مستقل فوج، بکتر بند بریگیڈ غزہ میں تعینات

    رپورٹ میں کہا گیا کہ زرعی نظام کی تباہی سےغزہ میں قحط کا خطرہ شدیدتر ہوگیا ہے، غزہ کے 71.2 فیصد گرین ہاؤسز اور 82.8 فیصد زرعی کنویں تباہ ہوچکے ہیں۔

    غزہ میں خوراک کی کمی اسقاط حمل کا باعث بننے لگی

    اقوام متحدہ کی رپورٹ میں وہاں کے رہائشیوں کو درپیش قحط سالی کے حوالے سے انتباہ دیا گیا ہے کہ غزہ میں 2.1 ملین آبادی قحط کے دہانے پر ہے۔

    https://urdu.arynews.tv/israeli-official-dismisses-hamas-ceasefire-proposal/

  • اسرائیلی بمباری سے غزہ میں انفرااسٹرکچر کو تاریخی نقصان پہنچا، اقوام متحدہ

    اسرائیلی بمباری سے غزہ میں انفرااسٹرکچر کو تاریخی نقصان پہنچا، اقوام متحدہ

    اقوام متحدہ کی رپورٹ میں انکشاف کیا گیا ہے کہ اسرائیلی بمباری سے غزہ میں انفرااسٹرکچر کو تاریخی نقصان پہنچا، ایک لاکھ کے قریب یونٹس تباہ ہوئے۔

    تفصیلات کے مطابق غزہ پر کی جانے والی وحشیانہ اسرائیلی بمباری کے بعد اقوام متحدہ نے رپورٹ جاری کی ہے جس میں بتایا گیا ہے کہ غزہ میں 25 فیصد رہائشی عمارتیں مکمل طور پر تباہ ہوچکی ہیں۔ اسرائیلی بمباری سے غزہ میں 98 ہزار سے زائد رہائشی یونٹس تباہ ہوچکے ہیں۔

    رپورٹ میں کہا گیا ہے کہ اسرائیلی فوج کی جانب سے غزہ میں صحت کے سہولت مراکز پر 59 حملوں کے ثبوت موجود ہیں۔

    اقوام متحدہ کی جانب سے جاری رپورٹ کے مطابق اسرائیلی فوج نے 17 اسپتالوں اور 23 ایمبولینسز کو نشانہ بنایا۔ صحت کے مراکز پر حملوں میں مجموعی طور پر 491 افراد مارے گئے۔

    اسرائیلی حملوں میں 16 ہیلتھ ورکرز اپنی جانوں سے ہاتھ دھو بیٹھے ہیں۔ اسرائیلی فوج نے بمباری کر کے 170 تعلیمی مراکز کو بھی نشانہ بنایا۔