Tag: اقوام متحدہ کو خط

  • خدارا جنگ رکوائی جائے !! دنیا کی سیکڑوں شخصیات کا اقوام متحدہ کو خط

    خدارا جنگ رکوائی جائے !! دنیا کی سیکڑوں شخصیات کا اقوام متحدہ کو خط

    دنیا کی 298 اہم اور ممتاز شخصیات نے اقوام متحدہ کے سیکریٹری جنرل کو خط لکھ کر غزہ پر اسرائيل کی جارحیت کی مذمت کی ہے اور غزہ جنگ کے خاتمے کے لئے اقوام متحدہ کی مداخلت کی اپیل کی ہے۔

    دنیا کی 298 اہم اور ممتاز شخصیات نے اقوام متحدہ کے سیکریٹری جنرل اینٹونیو گوتریس کے نام ایک خط لکھا ہے جس میں انہوں نے غزہ پر اسرائيلی فوج کے وحشیانہ حملوں کی مذمت کی ہے اور غزہ جنگ کو ختم کرانے کے لئے اقوام متحدہ سے مداخلت کی اپیل کی ہے۔

    مذکورہ خط میں لکھا ہے کہ اسرائیلی فوج نے غزہ پر وحشیانہ بمباری میں شہری بنیادی ڈھانچے کو نشانہ بنا کر بین الاقوامی قوانین کی سنگین خلاف ورزی کی ہے۔

    اینٹونیو گوتریس کے نام خط میں ان اہم شخصیات نے لکھا ہے کہ اسرائیلی فوج غزہ اور غرب اردن میں رہائشی عمارتوں، اسکولوں، ہسپتالوں، مسجدوں، گرجا گھروں اور ایمبولینسوں کو بھی نشانہ بنایا ہے۔

    خط میں مزید کہا گیا ہے کہ ہم آپ سے گزارش اور توقع کرتے ہیں کہ آپ اب ضرورت کے وقت اٹھیں گے اور خون خرابہ کو ختم کرانے میں کوئی دریغ نہیں کریں گے۔

  • کشمیر پر پاک بھارت جنگ کا خطرہ ہے، اقوام متحدہ کردار ادا کرے: اراکین برطانوی پارلیمنٹ

    کشمیر پر پاک بھارت جنگ کا خطرہ ہے، اقوام متحدہ کردار ادا کرے: اراکین برطانوی پارلیمنٹ

    لندن: برطانوی ممبران پارلیمنٹ نے اقوام متحدہ کے سیکریٹری جنرل کو خط لکھ کر اپیل کی ہے کہ مسئلہ کشمیر پر پاکستان اور بھارت جنگ کے دہانے پر کھڑے ہیں، اقوام متحدہ کردار ادا کرے۔

    تفصیلات کے مطابق مقبوضہ کشمیر میں بھارت کی جانب سے غیر قانونی اقدام کے خلاف برطانوی پارلیمنٹ کے اراکین بھی خاموش نہ رہ سکے۔

    پارلیمنٹ کے اراکین نے اقوام متحدہ کے سیکریٹری جنرل کو خط لکھ کر کردار ادا کرنے کی اپیل کی، اس خط پر 47 ممبران پارلیمنٹ نے دستخط کیے۔

    خط میں کہا گیا کہ بھارت نے کشمیری قیادت کو نظر بند کر رکھا ہے، بھارت نے کشمیر کا رابطہ دنیا سے منقطع کر دیا ہے، کشمیر پر پاکستان، بھارت جنگ کے دہانے پر کھڑے ہیں۔

    یہ بھی پڑھیں:  بھارتی اقدامات کے خلاف سلامتی کونسل میں جانے کا فیصلہ کیا ہے: وزیر خارجہ

    برطانوی ممبران پارلیمنٹ نے خط میں لکھا کہ اقوام متحدہ اس مسئلے کے حل کے لیے اپنا کردار ادا کرے۔

    واضح رہے کہ بھارت نے آئین کے آرٹیکل 370 کی منسوخی کے ذریعے جموں و کشمیر کی خصوصی حیثیت تبدیل کر کے وادی کو انڈیا کے ساتھ باقاعدہ طور پر شامل کر لیا ہے۔

    بھارت کی جانب سے وادی میں اضافی فوج بھی تعینات کی جا چکی ہے، اور اس وقت وہاں کرفیو نافذ ہے، مقبوضہ کشمیر ایک قید خانے میں تبدیل ہو چکا ہے۔

    پاکستان نے بھی بھارت کے غیر قانونی اقدام پر اقوام متحدہ کے سلامتی کونسل میں جانے کا فیصلہ کیا ہے، وزیر خارجہ شاہ محمود قریشی نے پریس کانفرنس کرتے ہوئے کہا کہ 28 ممالک سے مقبوضہ کشمیر سے متعلق اپنی تشویش سے اظہار کر دیا ہے۔