اقوام متحدہ کی جانب سے خبردار کیا گیا ہے کہ غزہ میں اسرائیلی جبری توسیع کے خطرناک نتائج سامنے آئیں گے۔
بین الاقوامی خبر رساں ادارے کی رپورٹ کے مطابق اقوام متحدہ کے ڈپٹی سیکریٹری جنرل میروسلاو جینکا نے سیکیورٹی کونسل کے اجلاس میں کہا ہے کہ غزہ کو ضم کرنے کے خطرناک نتائج سامنے آئیں گے۔
ڈپٹی سیکریٹری جنرل کا کہنا تھا کہ 2 سال سے جاری غزہ جنگ میں اب نیتن یاہو نے اپنے سینئر سلامتی حکام سے غزہ کے حوالے سے حتمی فیصلہ کیا ہے کہ اب غزہ انکلیو پر مکمل قبضہ کرلیا جائے۔
سیکیورٹی کے اجلاس میں چین کے نائب مندوب نے بھی غزہ پر مکمل کنٹرول حاصل کرنے کے عمل کو پرخطر قرار دیا اور کہا کہ ہم اسرائیل کو کہیں گے کہ وہ یہ اکشن فوری روک دے۔
اس سے قبل غزہ میں امدادی سامان سے لدا ٹرک دشوار سڑکوں کے باعث فلسطینیوں پر الٹ گیا جس کے نتیجے میں 20 شہری جاں بحق ہوگئے۔
وفا نیوز ایجنسی کی رپورٹ کے مطابق وسطی غزہ میں امدادی سامان لے جانے والا ٹرک فلسطینیوں پر الٹ گیا جو امداد وصول کرنے کیلیے جمع تھے۔
رپورٹ میں بتایا گیا کہ 20 فلسطینی موقع پر ہی جاں بحق ہوگئے جبکہ متعدد شہری زخمی ہیں۔
یہ حادثہ اُس وقت پیش آیا جب بھوک سے نڈھال فلسطینیوں کی ایک بڑی تعداد امداد وصول کرنے کیلیے جمع تھی۔ اسرائیل کی ناکہ بندی کے باعث غزہ میں 70 فیصد فلسطینی امداد نہ ملنے کے بعد جسمانی کمزوری کا شکار ہیں۔
وفا نیوز ایجنسی نے بتایا کہ قابض اسرائیلی فوج نے امدادی سامان سے لدے ٹرک کو جان بوجھ کر دشوار سڑکوں پر چلانے پر مجبور کیا جس کے باعث حادثہ پیش آیا۔
لبنان کا حزب اللہ کو غیر مسلح کرنے کا منصوبہ، ایران کا موقف سامنے آگیا
یہ انسانی المیہ فلسطینیوں کو درپیش بھوک کے مسائل کی عکاسی کرتا ہے کیونکہ بگڑتے ہوئے تباہ کن حالات کے بنیادی اور تیز رفتار حل کی عدم موجودگی میں روٹی کے ایک نوالہ کی تلاش خطرے سے بھری پڑی ہے۔
