ARYNews.tv | Urdu – Har Lamha Bakhabar

Tag: اقوام متحدہ

  • وزیر اعظم عمران خان کا اقوام متحدہ کے پلیٹ فارم پر ایک اور منفرد اعزاز

    وزیر اعظم عمران خان کا اقوام متحدہ کے پلیٹ فارم پر ایک اور منفرد اعزاز

    وزیر اعظم عمران خان کا اقوام متحدہ کے پلیٹ فارم پر ایک اور منفرد اعزاز

    اسلام آباد: وزیر اعظم عمران خان کا اقوام متحدہ کے پلیٹ فارم پر ایک اور منفرد اعزاز، وزیر اعظم عمران خان اقوام متحدہ کی سب سے زیادہ مؤثر آواز بن گئے۔

    تفصیلات کے مطابق وزیر اعظم عمران خان نے ویور شپ میں تمام عالمی رہنماؤں کو پیچھے چھوڑ دیا، وزیر اعظم مسلسل دوسری بار اقوام متحدہ میں زیادہ سنے اور دیکھے جانے والے سربراہ بن گئے۔

    اقوام متحدہ کے آفیشل یوٹیوب چینل پر وزیر اعظم کی حالیہ تقریر زیادہ دیکھی گئی، امریکی صدر ڈونلڈ ٹرمپ اور بھارتی وزیر اعظم مودی بھی ویور شپ میں عمران خان سے پیچھے ہیں۔

    وزیر اعظم عمران خان کی تقریر کو اب تک ایک لاکھ 69 ہزار افراد دیکھ چکے ہیں، ان کی گزشتہ سال کی تقریر کو بھی اب تک 28 لاکھ سے زائد افراد نے دیکھا۔

    رواں برس امریکی صدر ٹرمپ ایک لاکھ 37 ہزار ویور شپ کے ساتھ دوسرے نمبر پر ہیں، انڈونیشیا کے صدر جوکو ودودو 94 ہزار ویوز کے ساتھ ٹاپ 3 میں شامل ہیں۔

    ایرانی صدر حسن روحانی کی تقریر 67 ہزار، بھارتی وزیر اعظم نریندر مودی کی تقریر 62 ہزار، روسی صدر کی تقریر 59 ہزار، چینی صدر کی تقریر 44 ہزار اور افغان صدر اشرف غنی کی تقریر کو صرف 8 ہزار لوگوں نے دیکھا۔

    پاکستان اور بھارت کے درمیان رائٹ آف رپلائی بھی دنیا کی توجہ کا مرکز رہا، پاکستانی سفیر کا رائٹ آف رپلائی 88 ہزار مرتبہ دیکھا گیا، بھارتی سفیر کی رائٹ آف رپلائی کی تقریر کو 60 ہزار افراد نے دیکھا۔

  • پاکستان موسمیاتی تبدیلیوں سے متاثرہ ممالک میں شامل ہے: وزیر اعظم عمران خان

    پاکستان موسمیاتی تبدیلیوں سے متاثرہ ممالک میں شامل ہے: وزیر اعظم عمران خان

    اسلام آباد: وزیر اعظم عمران خان کا کہنا ہے کہ پاکستان موسمیاتی تبدیلیوں سے متاثرہ ممالک میں شامل ہے، ہماری حکومت حیاتیاتی تنوع کے تحفظ کے لیے اقدامات کر رہی ہے۔

    تفصیلات کے مطابق وزیر اعظم عمران خان نے ماحولیاتی مسائل پر عالمی سربراہوں سے خطاب کیا، اپنے خطاب میں وزیر اعظم کا کہنا تھا کہ پاکستان کے پاس 12 موسمیاتی زون اور عمودی ڈھلوان موجود ہے۔

    وزیر اعظم کا کہنا تھا کہ پاکستان موسمیاتی تبدیلیوں سے متاثرہ ممالک میں شامل ہے، پاکستان کے شمال میں بلند ترین پہاڑی سلسلہ ہے۔ ہماری حکومت حیاتیاتی تنوع کے تحفظ کے لیے اقدامات کر رہی ہے۔

    انہوں نے کہا کہ مقامی افراد کو روزگار کی فراہمی کی جا رہی ہے، جنگلات کا تحفظ اور پودوں کی نرسریاں بنائی جا رہی ہیں، موسمیاتی چیلنج سے نمٹنے کے لیے 10 ارب پودے لگانے کا فیصلہ کیا گیا۔

    وزیر اعظم کا کہنا تھا کہ نیشنل پارکس کی تعداد 39 تک لے گئے ہیں مزید بھی بنائیں گے، فلورا اور فونا کے تحفظ کے لیے مقامی آبادی کا تعاون حاصل ہے۔ اقوام متحدہ کا شکریہ ادا کرتا ہوں کہ حیاتیاتی تنوع پر سمٹ کا انعقاد کیا۔

  • ’وزیر اعظم نے پوری دنیا میں مسلمانوں کا سر فخر سے بلند کر دیا‘

    ’وزیر اعظم نے پوری دنیا میں مسلمانوں کا سر فخر سے بلند کر دیا‘

    اسلام آباد: وفاقی وزیر مواصلات مراد سعید نے کہا ہے کہ وزیر اعظم نے پوری دنیا میں مسلمانوں کا سر فخر سے بلند کیا، عمران خان نہ صرف عالم اسلام کے ترجمان بلکہ عالمی رہنما کے طور پر سامنے آئے۔

    اپنے بیان میں مراد سعید کا کہنا تھا کہ ہمیں ایمان دار رہنما ملا ہے جو دنیا کی آنکھوں میں آنکھیں ڈال کر اسلام کا مقدمہ لڑ رہا ہے، وزیر اعظم عمران خان کے اقوام متحدہ کی جنرل اسمبلی کے 75 ویں اجلاس سے خطاب سے قبل ہی بھارتی نمائندوں نے راہ فرار اختیار کر کے شکست تسلیم کی۔

    انھوں نے کہا کہ پہلے قیادت پاناما، اقامہ اور جعلی اکاؤنٹس والوں کے پاس تھی، پہلے ہاتھ میں پرچی، جھکے سر اور ڈو مور پر جی حضور کہنے والے تھے، پہلے مودی کو گھر بلاتے تھے، جندال کی دعوتیں ہوتی تھیں، کھٹمنڈو میں خفیہ ملاقاتیں تھیں جو کلبھوشن کا نام لینے کے قابل نہیں تھے۔

    اقوام متحدہ خطاب : پاکستان کیخلاف مذموم عزائم اور کشمیر پر مظالم، وزیر اعظم نے بھارت کو خبردار کردیا

    انھوں نے مزید کہا کہ کرپشن سے بھرپور زرداری لیگ ڈرون حملوں پر خاموش تھی، زرداری لیگ آقاؤں کو خوش کرنے کے لیے مزید ڈرونز کا مطالبہ کرتی تھی، کہتی تھی مزید ڈرون گراتے رہو ہم سنبھال لیں گے، کرپٹ قیادت کی وجہ سے ملک دہشت گردی کا شکار تھا، لیکن آج پاکستان ٹیرر ازم سے نہیں ٹورزم سے پہچانا جانے لگا ہے۔

    مراد سعید کا کہنا تھا کہ آج دنیا ڈو مور کا مطالبہ نہیں کرتی بلکہ افغانستان میں مدد کی درخواست کرتی ہے، عمران خان کو کوئی بلیک میل نہیں کر سکتا، آج دنیا میں پاکستان، اسلام کا اصل بیانیہ سامنے آ گیا ہے۔

    وفاقی وزیر نے مزید کہا کہ مسلمانوں کو آج مضبوط آواز مل گئی ہے جو اقوام عالم میں گونج رہی ہے، پورا عالم اسلام آج شکریہ عمران خان کہہ اٹھا ہے۔

  • کشمیر بھارت کا حصہ نہ کبھی تھا، نہ ہے اور نہ ہوگا: پاکستان کا بھارت کو بھرپور جواب

    کشمیر بھارت کا حصہ نہ کبھی تھا، نہ ہے اور نہ ہوگا: پاکستان کا بھارت کو بھرپور جواب

    نیویارک: اقوام متحدہ کی جنرل اسمبلی میں پاکستان نے بھارتی ردعمل پر جواب دیتے ہوئے کہا کہ بھارت ایک فسطائی ریاست بننے کی طرف تیزی سے گامزن ہے، بھارت ہمسایوں کے خلاف توسیع پسندانہ عزائم رکھتا ہے، جموں و کشمیر بھارت کا حصہ نہ کبھی تھا، نہ ہے اور نہ ہوگا۔

    تفصیلات کے مطابق اقوام متحدہ میں پاکستان نے بھارت کے ردعمل پر بھرپور جواب الجواب دے دیا، پاکستانی سفارتکار ذوالقرنین چھینہ کا کہنا تھا کہ بھارت پاکستان میں دہشت گرد کارروائیوں میں ملوث ہے، بھارت کالعدم ٹی ٹی پی اور جے یو اے کو معاونت فراہم کر رہا ہے۔

    پاکستانی سفارتکار کا کہنا ہے کہ بھارت پاکستان کے مغربی اور جنوبی حصے کی ترقی میں خلل ڈالنا چاہتا ہے، کلبھوشن یادیو دہشت گرد گروپوں کو منظم کرنے کا اعتراف کر چکا ہے۔ بھارت نے تمام ہمسایوں کے خلاف ریاستی دہشت گردی کا استعمال کیا۔

    انہوں نے کہا کہ بھارت ایک فسطائی ریاست بننے کی طرف تیزی سے گامزن ہے، بھارت ہمسایوں کے خلاف توسیع پسندانہ عزائم رکھتا ہے۔ بھارت میں ریاستی ادارے بھی ہندو توا ایجنڈے کے تابع ہیں۔

    ذوالقرنین چھینہ کا کہنا تھا کہ جموں و کشمیرکی متنازع حیثیت عالمی طور پر تسلیم شدہ ہے، کشمیر میں استصواب رائے کے لیے سلامتی کونسل قراردادیں پاس کر چکی ہے۔ مقبوضہ وادی میں انسانی حقوق کی سنگین پامالی ہو رہی ہے۔ بھارت سمجھتا ہے طاقت کے استعمال سے کشمیریوں کو دبا دے گا۔ جموں و کشمیر بھارت کا حصہ نہ کبھی تھا، نہ ہے اور نہ ہوگا۔

    انہوں نے کہا کہ بھارت نے مقبوضہ کشمیر پر غاصبانہ تسلط قائم کر رکھا ہے، پاکستانی عوام اور مسلم امہ کشمیریوں کی جدوجہد میں ان کے ساتھ ہے۔ کشمیریوں کو بھارتی تسلط کے خلاف ہر طرح کی مزاحمت کا حق حاصل ہے، کشمیریوں کی جدوجہد کو دہشت گردی سے تعبیر نہیں کیا جا سکتا۔ محکوم کشمیریوں کے خلاف دہشت گردی کا ذمہ دار بھارت ہے۔

    ذوالقرنین چھینہ کا کہنا تھا کہ بھارت اپنے جرائم کے احتساب سے بھاگ نہیں سکتا، مودی سرکار مقبوضہ کشمیر میں ناکامی سے دو چار ہوگی۔ مقبوضہ کشمیر ایک دن آزاد ہو کر رہے گا، بھارتی حکومت کشمیر میں ریاستی دہشت گردی میں ملوث ہے۔ بھارت کے لیے بہتر ہوگا اپنا گھر ٹھیک کرے۔ بھارت میں ریاستی دہشت گردی سے اس کے اپنے عوام بھی محفوظ نہیں۔

    انہوں نے کہا کہ بھارت میں انتہا پسندوں سے اقلیتیں غیر محفوظ ہیں، بی جی پی حکومت نے شہریت کا متنازعہ قانون متعارف کروایا، متنازعہ قانون کے خلاف دہلی شاہین باغ میں مظاہرہ ہوا۔ دہلی میں بہت سے پر امن مسلمان مظاہرین کو قتل کیا گیا۔ بھارتی حکومت کی ملی بھگت سے عبادت گاہوں کا تقدس پامال کیا گیا۔

    ذوالقرنین چھینہ کا مزید کہنا تھا کہ گجرات قتل عام کے سرپرستوں نے دہلی میں فسادات کروائے، ریاستی سرپرستی میں تاریخی بابری مسجد کو شہید کیا گیا، بھارت برابری اور باہمی احترام کی بنیاد پر امن کی جدوجہد کرے۔

  • مفادات کی وجہ سے کئی ممالک کے مسئلہ کشمیر پر منہ بند ہیں،منیر اکرم

    مفادات کی وجہ سے کئی ممالک کے مسئلہ کشمیر پر منہ بند ہیں،منیر اکرم

    نیویارک: اقوام متحدہ میں پاکستانی سفیر منیر اکرم کا کہنا ہے کہ مفادات کی وجہ سے کئی ممالک کے مسئلہ کشمیر پر منہ بند ہیں۔

    تفصیلات کے مطابق اقوام متحدہ میں پاکستانی مندوب منیر اکرم نے اے آروائی نیوز سے گفتگو کرتے ہوئے کہا کہ وزیر اعظم اقوام متحدہ سے اہم خطاب کرنے جا رہے ہیں۔

    منیر اکرم نے کہا کہ وزیر اعظم کشمیرسمیت تمام معاملات پر کھلی بات چیت کریں گے،پاکستانی وقت کے مطابق وزیراعظم رات 9 بجکر 45 منٹ پر خطاب کریں گے۔

    پاکستانی سفیر کا کہنا تھا کہ شاہ محمود قریشی نے اقوام متحدہ کی ساکھ سے متعلق صحیح سوالات اٹھائے،ہمیں کئی معاملات پر اپنی واضح پوزیشن لیناضروری تھی،اقوام متحدہ کو سپورٹ کرنا ہوگا،چھوڑ نہیں سکتے۔

    اقوام متحدہ میں پاکستانی مندوب نے کہا کہ دنیا کا ہر ملک مسئلہ کشمیر کی حقیقت سے آگاہ ہے،مفادات کی وجہ سے کئی ممالک کے مسئلہ کشمیر پر منہ بند ہیں،مسئلہ کشمیر پر چپ رہنے والے ممالک کو شرمندہ کریں گے۔

    منیر اکرم کا کہنا تھا کہ یو این سیکریٹری جنرل کا 8 اگست کا بیان بڑا واضح ہے، اقوام متحدہ قراردادوں پر عملدرآمد کی پوزیشن سے پیچھے نہیں ہوئی،سیکریٹری جنرل کے پاس فوج نہیں،نہ ہی سلامتی کونسل کی طاقت ہے۔

    انہوں نے کہا کہ بھارت چھوٹے ممبر ممالک کو مسئلہ کشمیر پر مسلسل دھمکا رہا ہے،اقوام متحدہ کو کشمیر میں تحقیقاتی ٹیم بھجوانی چاہیے۔

    پاکستانی سفیر کا کہنا تھا کہ اقوام متحدہ کی انسانی حقوق کی کمشنر نے کشمیر پر 2 رپورٹس جاری کیں،انسانی حقوق کی کمشنر نے کشمیر پر انکوائری کمیٹی بنانی کی تجویز دی۔انہوں نے بتایا کہ بھارت میں انسانی حقوق کی پامالی پر 18ممالک کا اعلامیہ جاری ہوا۔

    اقوام متحدہ میں پاکستانی مندوب منیر اکرم نے اے آروائی نیوز سے گفتگو کرتے ہوئے کہا کہ ترک صدر کا مسئلہ کشمیر پر بیان حوصلہ افزا ہے۔

  • بھارت اقوام متحدہ میں مسئلہ کشمیر سے متعلق ترک صدر کے موقف تلملا اٹھا

    بھارت اقوام متحدہ میں مسئلہ کشمیر سے متعلق ترک صدر کے موقف تلملا اٹھا

    نئی دہلی : اقوام متحدہ میں مسئلہ کشمیر سے متعلق ترک صدر کے موقف پربھارت تلملا اٹھا اور ہٹ دھرمی برقرار رکھتے ہوئے مقبوضہ کشمیرکو بھارت کا اندرونی معاملہ قرار دے دیا۔

    تفصیلات کے مطابق جنرل سیکریٹری کے اجلاس میں ترک صدر کی کشمیریوں کی حمایت بھارت پربجلی بن کرگری ، اقوام متحدہ میں بھارتی نمائندے نے کہا ترکی کو دوسرے ملک کی خودمختاری کا احترام کرنا چاہئیے

    اقوام متحدہ میں بھارتی نمائندے ٹی ایس تریمورتی نے ہٹ دھرمی برقرار رکھتے ہوئے مقبوضہ کشمیرکو بھارت کا اندرونی معاملہ قرار دیا۔

    مزید پڑھیں : ترک صدر نے اقوام متحدہ کی جنرل اسمبلی میں مسئلہ کشمیر ایک بار پھر اٹھا دیا

    یاد رہے ترک صدر رجب طیب اردوان نے اقوام متحدہ کی جنرل اسمبلی میں مسئلہ کشمیر ایک مرتبہ پھر اٹھاتے ہوئے کہا تھا کہ جنوبی ایشیا میں امن کا انحصار مسئلہ کشمیر پر ہے ، اس لئے مسئلہ کشمیر اقوام متحدہ کی قراردادوں کے مطابق حل ہونا چاہئے۔

    ان کا کہنا تھا کہ دنیا بھر میں امن اور انسانیت کے لیے آواز اٹھاتے رہیں گے اور اپنے موقف سے دستبردار نہیں ہوں گے۔

  • کشمیر،فلسطین کے تنازعات اقوام متحدہ کی ناکامیاں ہیں،وزیر خارجہ

    کشمیر،فلسطین کے تنازعات اقوام متحدہ کی ناکامیاں ہیں،وزیر خارجہ

    اسلام آباد: وزیر خارجہ شاہ محمود قریشی کا کہنا ہے کہ کشمیر،فلسطین کے تنازعات اقوام متحدہ کی ناکامیاں ہیں۔

    تفصیلات کے مطابق اقوام متحدہ کے 75ویں اجلاس سے وزیرخارجہ نے ویڈیولنک کے ذریعے خطاب کرتے ہوئے کہا کہ اقوام متحدہ کی ڈائمنڈ جوبلی منانا ایک تاریخی موقع ہے۔

    شاہ محمود قریشی کا کہنا تھا کہ اقوام متحدہ کے ادارے کے وجود نے تاریخی ضروری تقاضا پورا کیا تھا،ضروری تقاضا تھا آئندہ نسلوں کو جنگ کےعفریت سے بچایا جائے۔

    وزیر خارجہ نے کہا کہ آج خوش کن اتحادکی خوشنیاں منانے کا موقع ہے،یہ باوقار انداز میں خوداحتسابی کا موقع بھی ہے۔انہوں نے کہا کہ اقوام متحدہ کے بنیادی اصولوں کی طرف پلٹ کر دیکھنے کا موقع ہے،ادارےکی کامیابیوں کے ساتھ ناکامیوں کو بھی ملا کر دیکھنا ہوگا۔

    انہوں نے کہا کہ کشمیروفلسطین کے تنازعات دیرینہ واضح ناکامیوں کے مظاہر میں سے ہیں،جموں وکشمیر کے عوام سے استصواب رائے کے حق کا وعدہ کیا گیا تھا، مقبوضہ کشمیر کے عوام استصواب رائے کے حصول کے آج بھی منتظر ہیں۔

    شاہ محمود قریشی کا کہنا تھا کہ اقوام متحدہ کی قراردادوں،فیصلوں کی دھجیاں اڑائی جا رہی ہیں،سلامتی کونسل کے معاملے پر باہمی تعاون کم ترین سطح پر رہا، عالمی ماحول کے تحفظ،ترقی کے کلیدی معاہدے اٹھا کر پھینکے جا رہے ہیں۔

    وزیر خارجہ نے کہا کہ نسل پرستانہ،فسطائی قوتیں دوسری جنگ عظیم کا مؤجب بنیں،نسل پرستانہ قوتیں غیرملکیوں،اسلام سے نفرت کی شکل میں پھر سر اٹھا رہی ہیں۔

    کرونا کے حوالے سے شاہ محمود قریشی کا کہنا تھا کہ اگرچہ کرونا کے مقابلے کے لیے بے پناہ عالمی تعاون دیکھ چکے ہیں،اقوام متحدہ بنی نوع انسان کو ایسے متحد کرنے میں ناکام رہی جیسا کیا جاسکتا تھا۔

    وزیر خارنہ شاہ محمود قریشی نے مزید کہا کہ ادارہ طاقت کے بہیمانہ استعمال کے سامنے بے بس دکھائی دیتا ہے۔

  • امن کا عالمی دن: فاختہ کو امن کی علامت کیوں مانا جاتا ہے؟

    امن کا عالمی دن: فاختہ کو امن کی علامت کیوں مانا جاتا ہے؟

    آج پاکستان سمیت دنیا بھر میں امن کا عالمی دن منایا جارہا ہے جس کا مقصد دنیا بھر میں امن کی کوششوں کو فروغ دینا ہے، کیا آپ جانتے ہیں فاختہ کو امن کی علامت کیوں مانا جاتا ہے؟

    اقوام متحدہ کے زیر اہتمام اس دن کو پہلی بار سنہ 1982 میں منایا گیا۔ 2001 میں اقوام متحدہ کی جنرل اسمبلی کی قرارداد نمبر 52 کے تحت اس دن کو منا نے کا فیصلہ کیا گیا، اور 2002 میں اسے پہلی بار عالمی طور پر منایا گیا۔

    اس دن کو منانے کا اہم مقصد دنیا کو ہتھیاروں سے پاک کرنا اور امن کی اہمیت کو اجاگر کرنا ہے۔

    رواں برس اس دن کا مرکزی خیال مل کر امن قائم کرنا ہے۔

    مغربی ممالک اور اقوام متحدہ جہاں ایک جانب مساوات عالم کا پیغام دے رہے ہیں وہیں کشمیر، فلسطین، برما اور دنیا کے دیگر خطوں میں مسلمانوں پر ہونے والے یکطرفہ مظالم اقوام متحدہ کے ادارے کی کارکردگی پر ایک بہت بڑا سوالیہ نشان ہیں۔

    فاختہ ۔ امن کی علامت

    فاختہ یونانی عقائد میں محبت اور زندگی کی علامت سمجھی جاتی تھی، عیسائیت میں بھی اسے اہم حیثیت حاصل ہے۔ انجیل میں کہا گیا ہے کہ جب سیلاب آنے لگا تو حضرت نوح علیہ السلام نے ایک فاختہ کو فضا میں چھوڑ دیا۔

    کچھ دن بعد فاختہ واپس آئی تو اس کی چونچ میں زیتون کی شاخ تھی جو اس بات کا اظہار تھی کہ سیلاب ختم ہوچکا ہے اور زمین پر زندگی لوٹ آئی ہے۔

    زیتون کی شاخ کو بھی امن کی علامت سمجھا جاتا ہے، یونانیوں کا ماننا تھا کہ جس جگہ زیتون کی شاخ موجود ہو اس جگہ سے شیطانی قوتوں کا خاتمہ ہوجاتا ہے۔

    انیسویں صدی کے ایک معروف فرانسیسی مصور ہنری میٹسی نے فاختہ اور اس کی چونچ میں زیتون کی شاخ نہایت خوبصورتی سے پینٹ کر کے اپنے بہترین دوست، حریف اور ایک اور معروف ہسپانوی مصور پابلو پکاسو کو بھجوائی۔

    پکاسو نے اس فاختہ کی حاشیے (لکیر) سے دوبارہ تصویر بنائی۔ سنہ 1949 میں اقوام متحدہ نے امن کی عالمی کانفرنس کے دوران اسی تصویر کو امن کی علامت کے طور پر پیش کیا۔

    تب سے سیاہ حاشیے سے کھنچی فاختہ اور اس کی چونچ میں زیتون کی شاخ امن کی عالمی علامت مانی جاتی ہے۔

  • بارش سے متاثرہ خاندانوں کو بحالی کے لیے ایک لاکھ نقد دینا چاہتے ہیں: سندھ حکومت

    بارش سے متاثرہ خاندانوں کو بحالی کے لیے ایک لاکھ نقد دینا چاہتے ہیں: سندھ حکومت

    کراچی: اقوام متحدہ کے وفد کو آج بارش سے نقصانات پر حکومت سندھ کی جانب سے بریفنگ دی گئی۔

    تفصیلات کے مطابق وزیر اعلیٰ سندھ مراد علی شاہ کے توسط سے وزرا اور چیف سیکریٹری نے آج اقوام متحدہ کے وفد کو صوبے میں بارشوں سے ہونے والے نقصانات پر بریفنگ دی۔

    چیف سیکریٹری نے وفد کو بتایا کہ سندھ حکومت ہر متاثرہ خاندان کو بحالی کے لیے 1 لاکھ روپے نقد دینا چاہتی ہے، متاثرہ علاقوں میں ریلیف کے کاموں کی مزید ضرورت ہے۔ یو این وفد نے کہا کہ ڈبلیو ایف پی متاثرہ علاقوں میں کام کر رہی ہے۔ وفد نے سندھ حکومت کو بھرپور تعاون کی یقین دہانی بھی کرائی۔

    بریفنگ میں کہا گیا کہ سندھ میں اگست کی بارشوں سے 136 لوگ انتقال کر گئے ہیں، جب کہ 86 افراد زخمی ہوئے، سیلابی صورت حال سے 15 ہزار 233 دیہات شدید متاثر ہوئے، جب کہ 10 لاکھ 94 ہزار 150 ایکڑ پر کھڑی فصلیں تباہ ہو گئیں۔

    بریفنگ میں بتایا گیا کہ 5 ہزار 729 پکے گھر مکمل تباہ ہوئے، 71 ہزار 614 کچے گھر مکمل تباہ ہوئے، ایک لاکھ 26 ہزار 674 کو جزوی نقصان پہنچا، بارشوں کے باعث 45 ہزار 961 مویشی بھی ہلاک ہوئے۔

    اجلاس میں سندھ حکومت کی جانب سے یو این وفد کو کہا گیا کہ حکومت سندھ نے بارش متاثرین کے لیے 76 ارب کا تخمینہ لگایا ہے، 73 کفیل کے لیے 3 کروڑ 65 لاکھ روپے کا تخمینہ ہے، 63 غیر کفیل کے لیے ایک کروڑ 89 لاکھ روپے کا تخمینہ ہے، 86 شدید زخمیوں کے لیے 8 کروڑ 6 لاکھ روپے تخمینہ لگایا گیا۔

    منہدم مکانات کی تعمیر کے لیے 11 ارب 45 کروڑ 8 لاکھ تخمینہ لگایا گیا، نقصان پہنچنے والے مکانات کے لیے 1 ارب 50 کروڑ 4 لاکھ تخمینہ لگایا گیا، 71 ہزار 614 کچے مکانات کی تعمیر کے لیے 7 ارب 16 کروڑ 14 لاکھ تخمینہ لگایا گیا، تباہ کچے مکانات کے لیے 6 ارب 33 کروڑ 37 لاکھ تخمینہ لگایا گیا ہے۔

    بریفنگ میں بتایا گیا کہ ہلاک مویشیوں کے لیے فی گھرانہ 50 ہزار کے حساب سے 1 ارب 5 کروڑ تخمینہ لگایا گیا ہے، 24961 ہلاک بھیڑ بکریوں کے لیے 24 کروڑ 96 لاکھ 10 ہزار مقرر کیے گئے ہیں، برسات متاثرین کی بحالی کے لیے 67 ارب 54 کروڑ 9 لاکھ 10 ہزار درکار ہیں۔

    یو این وفد نے اس موقع پر کہا کہ میرپورخاص اور حیدرآباد کے علاقوں کا دورہ کر کے دیکھا کہ متاثرہ علاقوں کے افراد کافی تکلیف میں ہیں، لیکن میڈیا ان کو اجاگر نہیں کر رہا۔

  • پاکستان نے کرونا کے خلاف کامیاب حکمت عملی سے نام پیدا کیا،منیر اکرم

    پاکستان نے کرونا کے خلاف کامیاب حکمت عملی سے نام پیدا کیا،منیر اکرم

    نیویارک: اقوام متحدہ میں پاکستانی سفیر منیر اکرم نے کہا کہ پاکستان نے کرونا کےخلاف کامیاب حکمت عملی سے نام پیدا کیا۔

    تفصیلات کے مطابق اقوام متحدہ میں پاکستانی مشن کے زیر اہتمام میڈیا کے لیے ایک غیر رسمی تقریب ہوئی جس میں مستقل مندوب نے جنرل اسمبلی کے 75 ویں اجلاس سے متعلق آگاہ کیا۔

    منیر اکرم کا کہنا تھا کہ رواں سال جنرل اسمبلی کا سیشن ہائبرڈ ہو گا،سر براہان کی تقریر ویڈیو لنک کے ذریعے نشر کی جائےگی۔انہوں نے بتایا کہ پاکستان مختلف فورمز پر اپناموقف بھرپور انداز میں پیش کرے گا۔

    اقوام متحدہ میں پاکستانی سفیر نے کہا کہ وزیراعظم کشمیری جدوجہد پر پاکستان کا موقف ایک بار پھر پیش کریں گے، وزیراعظم اسلامو فوبیا جیسے اہم مسائل پر بھی روشنی ڈالیں گے۔

    منیر اکرم کا کہنا تھا کہ وزیراعظم فائنانسنگ فار ڈویلپمنٹ سمٹ سے بھی خطاب کریں گے، بائیو ڈائیورسٹی سمٹ سے بھی وزیراعظم 30 ستمبر کو خطاب کریں گے۔

    اقوام متحدہ میں پاکستانی سفیر کا مزید کہنا تھا کہ پاکستان نے کرونا کے خلاف کامیاب حکمت عملی سے نام پیدا کیا۔