Tag: اقوام متحدہ

کابل میں غیر ملکی ریستوران پر خودکش حملے میں سولہ افراد ہلاک جبکہ اقوام متحدہ کے چار اہلکار لاپتہ ہوگئے۔

غیر ملکی میڈیا کے مطابق کابل میں ایک خودکش حملہ آور نے غیر ملکی ریستوران میں داخل ہوکر خود کو دھماکے سے اڑا دیا, جس کے نتیجے میں سولہ افراد ہلاک ہوئے۔

میڈیا کے مطابق دھماکے کے وقت ریستوران میں غیر ملکیوں کی ایک بڑی تعداد میں موجود تھی، دھماکے کے بعد قانون نافذ کرنے والے اداروں نے علاقے کو گھیرے میں لیکر لاشوں اور زخمیوں کو اسپتال منتقل کیا۔

طالبان ترجمان نے اس حملے کی ذمہ داری قبول کرلی ہے، اقوام متحدہ نے دھماکے کے بعد اپنے چار اہلکاروں کے لاپتہ ہونے کی تصدیق کی ہے، کابل پولیس سربراہ کے مطابق ہلاک ہونے والوں میں افغان اور غیر ملکی شامل ہیں۔

جن کی شناخت بعد میں جاری کی جائے گی، دوسری جانب برطانوی محکمہ خارجہ نے اپنے ایک شہری جبکہ آئی ایم ایف نے ایک مقامی اہلکار کے ہلاکت کی تصدیق کردی ہے۔
    
   

وسطی افریقی جمہوریہ میں بحران شدت اختیار کرگیا، فرانسیسی سفیر برائے اقوام متحدہ نے خبردار کیا ہے کہ موثر اقدامات نہ کئے گئے تو ملک ناکام ریاست بن جائیگا۔

غیر ملکی خبر رساں ادارے کے مطابق صحافیوں کو بریفنگ دیتے ہوئے فرانس کے سفیر برائے اقوام متحدہ  گیرارڈ کا کہنا تھا کہ سلیکا کی افواج نے سب کچھ تہس نہس کر دیا ہے۔

سفیر نے تشویش کا اظہار کرتے ہوئے کہا کہ حکومتی امور چلانے کیلئے کسی قسم کے کاغذات نہیں ہیں، تمام ریکارڈ کو جلا کر خاکستر کر دیا گیا ہے۔

جسکی وجہ سے شدید دشواری پیش آرہی ہے، افریقی ملک کے دارالحکومت بینگوئی میں جاری تشدد کے حالیہ واقعات میں دو متحارب گروہوں کے مابین تصادم کے باعث ایک ہزار سے زائد افراد ہلاک جب کہ نو لاکھ بے دخل ہوئے۔
   

شام میں انسانی حقوق کی بدترین صورتحال اور مہاجرین کی بحالی پر نظر ثانی کیلئے اقوام متحدہ کے ہائی کمشنر برائے مہاجرین اور مختلف ممالک کے وزرا ترکی پہنچ گئے۔

ترکی میں شامی مہاجرین کی بحالی کے لیے مہاجر کیمپ میں ہونے والے اجلاس کی سربراہی اقوام متحدہ کے ہائی کمشنر برائے مہاجرین انٹونیو گٹرز اور ترکی کے وزیر خارجہ احمد داؤدلو نے کی۔

عرب اور مغربی ممالک کی جانب سے شامی متاثرین کے لیے دو ارب چالیس کروڑ ڈالر امداد کی اپیل کی تھی، تاہم اقوام متحدہ نے صورتحال کے پیش نظر چھ ارب چالیس کروڑ کا تخمینہ لگایا ہے، جو اقوام متحدہ کی تاریخ کی سب سے بڑی امداد ہے۔

شام میں تین سالہ خانہ جنگی کے باعث ایک لاکھ سے زائد افراد ہلاک ہوچکے ہیں جبکہ اکیس لاکھ افراد نقل مکانی پر مجبور ہوئے۔
   

اقوام متحدہ کے بان کی مون کا کہنا ہے کہ جنگ سے متاثرہ شام کے بحران کو فوری طور پر حل کرنے کے لئے دوعرب چالیس کروڑ کی امداد عرب امریکہ کے اتحادی کررہے ہیں۔

کویت کے امیر شیخ صباح الاحمد الجابر الصباح نے کانفرنس کا افتتاح کرتے ہوئے کہا کہ شام میں جاری خانہ جنگی کی وجہ سے شام کے لاکھوں افراد بے کو امداد فراہم کرنا ایک بڑا چیلنج ہے، اس موقع پر پچاس کروڑ ڈالر دینے کا اعلان کیا جبکہ امریکہ کے وزیرخارجہ جان کیری نے اڑتیس کروڑ اضافی امداد کا اعلان کیا۔

اقوام متحدہ نے تمام ممالک سے اپیل ہے کہ دو ہزار چودہ تک کم ازکم چھ اعشاریہ پانچ کروڑ امریکی ڈالر کی امداد دی جائے، تنظیم کی تاریخ میں یہ سب سے بڑی امداد ہے، اجلاس میں تقریبا ستر ممالک اور چوبیس بین الاقوامی تنظیموں کے نمائندے اقوام متحدہ کے سربراہ بان کی مون کی زیر صدارت اجلاس میں شرکت کی۔

عراقی دارالحکومت بغداد زور دار دھماکوں سے لرز اٹھا، دو کار بم دھماکوں کے نتیجے میں اٹھارہ افراد جاں بحق جبکہ درجنوں زخمی ہوگئے۔

غیرملکی میڈیا کے مطابق بغداد کے نواحی علاقے میں بس ٹرمینل کے باہر کار میں نصب بم پھٹنے سے بارہ افراد لقمہ اجل بن گئے، دھماکے کے بعد سیکیورٹی اہلکاروں نے علاقے کو گھیرے میں لے کر زخمی افراد کو اسپتال منتقل کیا جبکہ بغداد میں ہی ایک اور کار بم دھماکے میں چھ افراد جان کی بازی ہار گئے۔

اقوام متحدہ کی جاری کردہ رپورٹ کے مطابق گذشتہ سال عراق میں بم دھماکوں اور پرتشدد واقعات میں ساڑھے آٹھ ہزار افراد جاں بحق جبکہ ایک لاکھ سے زائد زخمی ہوگئے۔

اقوام متحدہ کی سلامتی کونسل نے عراق کی صورتحال پر ہنگامی اجلاس طلب کرلیا۔

عرب ٹی وی کی رپورٹ کے مطابق اقوام متحدہ کی سلامتی کونسل نے رمادی اورفلوجہ کی صورتحال پرتشویش کا اظہار کرتے ہوئے ہنگامی اجلاس طلب کیا ہے۔

اجلاس میں رمادی اور فلوجہ میں جاری فوجی آپریشن میں شہریوں کے تحفظ کویقینی بنانے کا مطالبہ کیا جائے گا جبکہ عراقی حکومت سےاس معاملے پر اقوام متحدہ کی تنظیموں سے تعاون کرنے پر بھی زور دیا جائے گا۔

اقوام متحدہ نے جنوبی سوڈان کے ہزاروں پناہ گزین کے لیے انسانی بنیادوں پراقوام عالم سے ننانوے ملین ڈالر امداد کی درخواست کی ہے۔

اقوام متحدہ کے ادارہ برائے پناگزین نے افریقی ملک جنوبی سوڈان کے ہزاروں بے گھر افراد کی رہائش و طعام اور علاج معالجے کے لیے انسانی ہمدردی کی بنیاد پر اقوام عالم سے درخواست کی ہے، فوری طور ننانوے ملین ڈالرکی امداد فراہم کی جائے تاکہ بے گھر افراد کی کفالت بہتر طریقے سے کی جاسکے۔

جنوبی سوڈان کے دارلحکومت جوبا میں قائم عارضی کیمپوں میں ہزاروں بے گھر افراد انتہائی کسمپرسی کی زندگی گزار رہے ہیں، رپورٹ کے مطابق پناگزینوں غذائی اجناس کی قلت اور علاج معالجے کے لیے دشواریوں کا سامنا کرنا پڑ رہا ہے۔
   

اقوام متحدہ کے سیکرٹری جنرل بان کی مون کا کہنا ہے کہ سال دو ہزار چودہ میں سخت چیلنجزکا سامنا ہے۔

نئے سال کی پہلی نیوز کانفرنس کرتے ہوئے اقوام متحدہ کے سیکرٹری جنرل بان کی بان نے شام ، جنوبی سوڈان اور جمہوریہ وسطی افریقہ میں جاری تنازعات، پر توجہ مرکوز کروائی۔

بان کی مون نے بین الاقوامی برادری پر زور دیا کہ وہ سیاسی کشیدگی کو ختم کرنے کے لئے ان تمام ممالک کی مدد کریں اور ان ممالک میں امن کی راہ تلاش کرنے میں اپنا اہم کردار ادا کریں۔

بان کی مون نے جنوبی سوڈان کے باغیوں اورخاص کر حکومت پر زور دیا ہے کہ فوری طور پر جنگ بندی کرنے کے اقدامات کریں۔
   

جمہوریہ وسطی افریقی ملک میں حالیہ پرتشدد واقعات کے نتیجے میں نو لاکھ پینتیس ہزار افراد بے گھر ہوگئے۔

اقوام متحدہ کی کمیشن برائے مہاجرین کی ایک رپورٹ میں بتایا گیا ہے کہ وسطی جمہوریہ افریقہ میں ہلاک ہونے والوں کی تعداد ان کے اندازوں سے دگنی ہے۔

باغیوں نے دو دنوں کے دوران خواتین اور بچوں سمیت ایک ہزار سے زائد شہریوں کا قتل عام کیا جبکہ لاکھوں شہری بے گھر ہوئے، جنہوں نے گرجا گھروں اور اسکولوں میں پناہ حاصل کی۔

اقوامِ متحدہ کی جانب سے علاقے میں امن بحال کرنے کی کوششوں کے سلسلے میں فرانس کے سینکڑوں فوجی اہلکار بنگوئی پہنچ چکے ہیں، فرانس کے صدر فرانسوا اولاند نے کہا تھا کہ ساڑھے چھے سو فوجی فوری طور پر علاقے میں روانہ کیے گئے۔
   

وسط افریقی ریپبلکن میں جاری کشیدگی کے باعث لاکھوں افراد بے گھر ہوگئے، بے سروسامانی کے عالم میں اقوام متحدہ کے کیمپوں میں رہائش پر مجبور ہیں۔

غیر ملکی خبر رساں ادارے کے مطابق بینگوئی میں جاری دو متحارب گروہوں کے درمیان لڑائی کے باعث عوام کی بڑی تعداد ہجرت کرکے اقوام متحدہ کی جانب سے بنائے گئے کیمپوں میں پناہ حاصل کررہی ہے، جہاں سہولیات نہ ہونے کے باعث عوام کو شدید دشواری کا سامنا ہے۔

اقوام متحدہ کا کہنا ہے کہ کشیدگی کے باعث ہجرت کرنے والوں میں بڑی تعداد میں بچے بھی شامل ہیں، یاد رہے کہ بینگوئی میں باغی رہنما فرانکوئیس کی عیسائی ملیشیا نےمسلمانوذں کے خلاف اعلان جنگ کر رکھا ہے، جس کے نتیجے میں اب تک ہزار سے زائد مسلمان لقمہ اجل بن چکے ہیں۔