اسلام آباد: الیکشن کمیشن نے پاکستان پیپلز پارٹی (پی پی پی) کو تلوار کا انتخابی نشان الاٹ کر دیا۔
تفصیلات کے مطابق پاکستان پیپلز پارٹی (پی پی پی) کے سیکرٹری جنرل نیئر بخاری الیکشن کمیشن میں پیش ہوئے جہاں الیکشن کمیشن نے پیپلز پارٹی کو انتخابی نشان تلوار الاٹ کیا۔
پیپلز پارٹی کے مرکزی سیکریٹری جنرل نیئر بخاری نے اس موقع پر کہا کہ آج بانی پیپلز پارٹی ذوالفقار علی بھٹو شہید کا انتخابی نشان تلوار الاٹ کروالیا ہے۔
سیکریٹری جنرل نیئر بخاری نے مزید کہا کہ بلاول بھٹو کو ذوالفقارعلی بھٹو شہید کی پارٹی کا انتخابی نشان الاٹ ہونا اعزاز ہے۔
