ARYNews.tv | Urdu – Har Lamha Bakhabar

Tag: التجا مفتی

  • کشمیری رہنما نے غیرملکی سفارتکاروں کا مقبوضہ کشمیر کا دورہ مسترد کر دیا

    کشمیری رہنما نے غیرملکی سفارتکاروں کا مقبوضہ کشمیر کا دورہ مسترد کر دیا

    سری نگر: مقبوضہ کشمیرکی سابق وزیراعلی محبوبہ مفتی کی بیٹی التجا مفتی نے غیرملکی سفارت کاروں کا مقبوضہ کشمیر کا دورہ مسترد کر دیا۔

    تفصیلات کے مطابق کشمیری رہنما التجا مفتی نے غیرملکی سفارت کاروں کا مقبوضہ کشمیر کا دورہ مسترد کرتے ہوئے کہا کہ بھارت منصوبہ بندی سے سفارت کاروں کا دورہ کرا کرگمراہ کرنا چاہتا ہے۔

    التجا مفتی کا کہنا تھا کہ بھارت نے یہ دورہ منظم طریقے سے کرایا، سری نگر کے راستے جو تاج اور گرینڈ پیلس جاتے تھے ان کو بند کر دیا گیا۔

    کشمیری رہنما کا مزید کہنا تھا کہ کشمیریوں کی نظر میں یہ دورہ کوئی معنی نہیں رکھتا، مقبوضہ کشمیرمیں حالات ٹھیک ہیں تو وفد کو آزادانہ دورے کی اجازت دی جائے۔

    دوسری جانب حریت رہنماؤں نے بھی مقبوضہ کشمیر میں غیر ملکی سفارت کاروں کے دورے کو مسترد کرتے ہوئے کہا کہ مودی سرکار سفارت کاروں کو منتخب دورہ کروا کر وادی کی صورت حال سے متعلق سچ نہیں چھپا سکتی۔

    بھارتی سپریم کورٹ نے کشمیریوں کے حق میں فیصلہ سنادیا

    واضح رہے کہ بھارتی سپریم کورٹ نے مقبوضہ وادی میں انٹرنیٹ بحال کرنے کا حکم دیتے ہوئے کہا کہ جاری پابندیو ں کے نوٹیفکیشن کو چھاپا جائے، غیر معینہ مدت کے لیے انٹرنیٹ کی بندش کی اجازت نہیں ہے۔

  • کشمیریوں کو عمران خان کا اقوام متحدہ میں کشمیر پربات کرنا اچھا لگا، التجا مفتی

    کشمیریوں کو عمران خان کا اقوام متحدہ میں کشمیر پربات کرنا اچھا لگا، التجا مفتی

    سری نگر : مقبوضہ کشمیرکی سابق وزیراعلی محبوبہ مفتی کی بیٹی التجا مفتی نے کہا کہ کشمیریوں کوعمران خان کا اقوام متحدہ میں کشمیر پربات کرنا اچھا لگا، نوجوان عمران خان کی تقریر کے بعد سڑکوں پر نکلے اور نعرے لگائے۔

    تفصیلات کے مطابق مقبوضہ کشمیرکی سابق وزیراعلی محبوبہ مفتی کی بیٹی التجا مفتی نے برطانوی نشریاتی ادارے کوانٹرویو میں کہا ہے کہ عمران خان نے اقوام متحدہ میں کشمیر پر بات کی، کشمیریوں کو عمران خان کا کشمیر پر بات کرنا اچھا لگا، کشمیری نوجوان عمران خان کی تقریر کے بعد سڑکوں پر نکلے اور نعرے لگائے۔

    التجا مفتی کا کہنا تھا کہ مقبوضہ کشمیرمیں زندگی معمول کے مطابق نہیں، کشمیری نوجوانوں میں بھارت مخالف جذبات ہیں، بھارت لنچستان بن چکا ہے، ہجوم کے ساتھ مل کرمسلمانوں پر تشدد کرنے والے وزیروں کو ہار پہنائے جاتے ہیں۔

    مودی حکومت کے مقبوضہ کشمیر کی خصوصی حیثیت ختم کرنے کے اقدام کو مسترد کرتے ہوئے انھوں نے کہا کہ آئین کی شق 370 اور ترقی کا آپس میں کوئی لینا دینا نہیں ہے لیکن چونکہ بھارتی حکومت دنیا کے سامنے ایک جواز پیش کرنا چاہتی ہے اس لیے وہ عذرلنگ تراش رہی ہے۔

    مودی حکومت کے اقدامات اور عزائم کے حوالے سےالتجا مفتی کا کہنا تھا کہ یہ نہیں چاہتے ہیں کہ کشمیر پر کوئی آواز اٹھے۔

    محبوبہ مفتی کی بیٹی نے مزید کہا کہ ایک دفعہ انٹرنیٹ آجائے گا تو کشمیری بتائیں گے کہ دو ماہ میں ان پر کیا گزری ہے؟ انہیں کیسے قید میں رکھا گیا ؟ اور کس طرح لوگوں کو تشدد کا نشانہ بنایا گیا؟

    یاد رہے چند روز قبل بھی ایک انٹرویو کے دوران التجا نے کہا تھا کہ کشمیریوں کے ساتھ بہت ظلم ہورہا ہے، نوجوان بوڑھے اور بچے سب پریشان ہیں، بازار بند ہیں، مواصلاتی نظام بھی شروع نہیں ہوا جبکہ پابندی ڈال کر 52 دن گزر چکے ہیں۔

    ان کا کہنا تھا کہ بی جے پی قانون کی دھجیاں اُڑا رہی اور کشمیریوں پر ظلم کرکے یہ سمجھ رہے ہیں کہ وہ کشمیریوں کے حق میں ہے، مگر عوام پریشان ہیں، لوگ مکمل طور پر ایک دوسرے سے کٹے ہوئے ہیں کو خیر خیریت معلوم نہیں ہو رہی ہے یہ کہاں کا انصاف ہے۔

  • مودی سرکارسے پوچھتی ہوں میری والدہ سےدہشت گردوں جیساسلوک کیوں کیاجارہاہے،التجا مفتی

    مودی سرکارسے پوچھتی ہوں میری والدہ سےدہشت گردوں جیساسلوک کیوں کیاجارہاہے،التجا مفتی

    سری نگر : مقبوضہ کشمیرکی سابق وزیراعلی محبوبہ مفتی کی بیٹی التجا مفتی نے کہا میری والدہ مقبوضہ کشمیرکی سابق وزیراعلی ہیں، مودی سرکارسے پوچھتی ہوں کہ ان سے دہشتگردوں جیسا سلوک کیوں کیا جارہا ہے۔

    تفصیلات کے مطابق تفصیلات کے مطابق مقبوضہ کشمیرکی گرفتار سابق وزیراعلیٰ محبوبہ مفتی کی بیٹی التجا مفتی نے اپنے بیان میں کہا ہے کہ مقبوضہ کشمیرمیں بیٹے اوربھائی لاپتہ ہیں، کشمیریوں کودواؤں کے سنگین بحران کا سامنا ہے۔

    التجا مفتی کا کہنا تھا کہ میری والدہ مقبوضہ کشمیرکی سابق وزیراعلی ہیں۔مودی سرکارسے پوچھتی ہوں کہ ان سے دہشتگردوں جیسا سلوک کیوں کیا جارہا ہے۔

    یاد رہے مقبوضہ کشمیرکی گرفتار سابق وزیراعلیٰ محبوبہ مفتی کی بیٹی التجا مفتی نے بھارتی وزیرداخلہ امیت شاہ کو خط لکھا ، جس میں کہا تھا کہ کشمیریوں کو جانوروں کی طرح پنجرےمیں قیدکردیاگیاہے، کشمیریوں کوبنیادی انسانی حقوق سےمحروم کردیاگیاہے۔

    مزید پڑھیں : کشمیریوں کو جانوروں کی طرح پنجرے میں قیدکردیا ہے، محبوبہ مفتی کی بیٹی کا امیت شاہ کوخط

    التجا مفتی کا کہنا تھا کہ محبوبہ مفتی سےکسی کوملنےنہیں دیاجارہاہے، یہ توہین آمیزسلوک ہے۔

    خیال رہے مقبوضہ کشمیرمیں مسلسل پچیسویں روزبھی کرفیو جاری ہے ، بچوں کا دودھ اور جان بچانے والی ادویات سمیت کھانے پینے کی اشیا ختم ہونے سے بحران سنگین ہوگیا ہے جبکہ نیٹ موبائل، انٹرنیٹ سروس اورٹی وی نشریات بھی بدستوربند ہیں۔

    پانچ اگست سے اب تک دس ہزارسے حریت رہنماؤں اورکارکنوں کوگرفتارکیا جاچکا ہے، گرفتارافرادکورکھنے کے لئے تھانوں اورجیلوں میں جگہ کم پڑگئی ہے جبکہ سیدعلی گیلانی اور میرواعظ عمرفاروق ، محبوبہ مفتی گھروں میں نظربند ہیں اور یاسین ملک بدستورتہاڑجیل میں قید ہیں۔