Tag: الرٹ جاری

اسلام آباد : رمضان کا آخرے عشرے میں موسلادھار بارش اور طوفان کا الرٹ جاری کردیا گیا ، مغربی ہواؤں کا سلسلہ 24 مارچ کی رات سے ملک میں داخل ہوگا۔

تفصیلات کے مطابق ملک میں بارش،آندھی اورگرج چمک کیساتھ طوفان کی پیشگوئی کے پیش نظر محکمہ موسمیات نے الرٹ جاری کردیا۔

محکمہ موسمیات نے کہا کہ مغربی ہواؤں کا سلسلہ 24 مارچ کی رات سے ملک میں داخل ہوگا، 25 سے 27 مارچ کے دوران بالائی اور وسطی علاقوں میں بارش ، آندھی اور ژالہ باری کا امکان ہے۔

الرٹ میں کہا گیا کہ جی بی اورکشمیرمیں 25 سے 28 مارچ تک وقفے وقفے سے موسلادھار بارش اور پہاڑوں پر برفباری متوقع ہے جبکہ کے پی کے مختلف علاقوں میں 25 سے 27 مارچ گرج چمک کیساتھ بارش اور چند مقامات پر ژالہ باری کا امکان ہے۔

پنجاب اور اسلام آباد میں 25 سے27 مارچ کےدوران بارش اورچند مقامات پر ژالہ باری متوقع ہے۔

محکمہ موسمیات نے بلوچستان کے مختلف اضلاع میں 25 اور 26 مارچ کو بارش اور آندھی کی پیشگوئی کی ہے جبکہ سندھ کےبالائی علاقوں میں 25 اور 26 مارچ کو گرد آلود ہوائیں،آندھی چلنے کا امکان ہے۔

تیز ہواؤں،آندھی،ژالہ باری سے بجلی کے کھمبے،درخت اور سولر پینلز کونقصان پہنچنے کا خدشہ ہے، مری، گلیات، ناران، کاغان، چترال، دیر اور سوات میں لینڈ سلائیڈنگ اور سڑکوں پر پھسلن کا خطرہ ہے۔

چترال، دیر، سوات، کوہستان اور مانسہرہ میں 26 اور 27 مارچ کو سیلابی صورتحال پیدا ہوسکتی ہے

اسلام آباد: شدید بارشوں سے سیلابی صورتحال کا خطرہ سامنے آنے کے بعد نیشنل ڈیزاسٹر مینجمنٹ اتھارٹی نے الرٹ جاری کردیا ہے۔

محکمہ موسمیات نے 26 تا 28 اگست کے دوران پنجاب، کے پی میں گرج چمک کیساتھ بارش کی پیش گوئی کی گئی ہے، اس دوران پنجاب اور خیبرپختونخوا میں شدید بارشوں سے نشیبی علاقوں میں طغیانی کا خطرہ ہے۔

این ڈی ایم اے نے کہا کہ موسلا دھار بارش سے متعدد اضلاع میں سیلابی صورتحال پیدا ہوسکتی ہے، گوجرانوالہ، لاہور، شیخوپورہ، سیالکوٹ، سرگودھا، فیصل آباد اور ملتان میں سیلابی صورتحال کا خدشہ ہے۔

کے پی میں سوات، دیر، مردان، کوہستان اور بونیرمیں ندی نالوں میں بہاؤ میں اضافہ متوقع ہے، گلیات، پشاور، صوابی، کوہاٹ، کرک، لکی مروت اور مانسہرہ میں بھی بہاؤ تیز ہونے کا امکان ہے۔

بٹگرام، کوہاٹ، اورکزئی، خیبر اور ڈی آئی خان کے ندی نالوں میں بہاؤ میں اضافے کا خطرہ ہے، نشیبی علاقوں میں طغیانی، موسلادھاربارش اور بجلی گرنے سےمعمولات متاثر ہوسکتے ہیں، کچے مقانات کی چھتوں، دیواروں، کھمبوں، بل بورڈز اور سولرپینل وغیرہ کونقصان کا خدشہ ہے۔

الرٹ میں کہا گیا ہے کہ متعلقہ ادارے ممکنہ ہنگامی صورتحال سے نمٹنے کیلئے احتیاطی تدابیر اختیار کریں، ایمرجنسی رسپانس ٹیموں کو الرٹ رہنے اور ہنگامی صورتحال پر فوری رسپانس یقینی بنانے کی ہدایت کی گئی ہے۔

پی ڈی ایم اےالرٹ میں کہا گیا ہے کہ عوام سیلابی صورتحال سے بچاؤ کے لیے احتیاطی تدابیر اپنائیں، سیاح اور مسافر شدید بارشوں کے دوران ان علاقوں میں سفر سے گریز کریں۔

کراچی: کراچی میں ممکنہ آندھی اور طوفانی بارشوں کے سبب سول ایوی ایشن اتھارٹی نے کراچی ائیرپورٹ پر الرٹ جاری کردیا ۔

تفصیلات کے مطابق سول ایوی ایشن اتھارٹی نے کراچی میں کل گرج چمک کے ساتھ بارش کی پیش گوئی کے پیش نظر کراچی ائیرپورٹ پر الرٹ جاری کردیا۔

جس میں ہدایت کی گئی ہے کہ چھوٹے طیاروں کو محفوظ مقامات پر پارک کیا جائے اور چھوٹے طیاروں کے ونگز کے ساتھ وزن لگا کر پارک کیا جائے۔

بارش کے باعث کیڑے مکوڑے ہونے سے پرندے رن وے کے اطراف آسکتے ہیں تو محفوظ فلائٹ آپریشن کے لیے اضافی برڈ شوٹر تعینات کیے جائیں۔

الرٹ میں کہا ہے کہ بارش کے دوران طیاروں کے محفوظ فلائٹ آپریشن کو یقینی بنایا جائے اور بارش کے پانی کی نکاسی کے لیے ایرپورٹ رن وے سے منسلک نالوں کی صفائی کے انتظامات کیے جائیں۔

کوئٹہ : محکمہ موسمیات نے25 فروری سے بارشوں کے نئے سلسلے کا الرٹ جاری کردیا، جس میں بلوچستان کے بیشتر علاقوں میں بارش اور پہاڑوں پر برفباری کی پیشگوئی کی  گئی ہے۔

تفصیلات کے مطابق بارشوں کے نئے سلسلے کی پیشگوئی کے بعد محکمہ موسمیات نے الرٹ جاری کردیا، جس میں کہا ہے کہ مغربی ہواوں کا سلسلہ 25 فروری سے بلوچستان میں داخل ہوگا، مغربی ہواؤں کا یہ سلسلہ 26 فروری تک ملک کے بیشتر علاقوں کو اپنی لپیٹ میں لے گا۔

محکمہ موسمیات نے 25 کی رات اور 26 فروری کو بلوچستان کے بیشتر علاقوں میں بارش اور پہاڑوں برفباری کی پیشگوئی کی ہے۔

محکمہ موسمیات کا کہنا ہے کہ کوئٹہ، چاغی، نوشکی ، خاران ، گوادر ،پنجگور ، آواران خضدار ، سبی میں بارش متوقع ہے جبکہ کوئٹہ، قلات، کوئٹہ، زیارت، چمن ،پشین قلعہ عبداللہ، قلعہ سیف اللہ میں پہاڑوں پر برفباری بھی ہوگی۔

، محکمہ موسمیات نے کوئٹہ، ژوب ، شیرانی ، بارکھان، موسی خیل اور کوہلو میں بھی بارش کی پیشگوئی کرتے ہوئے کہا ہے کہ کوئٹہ، چند مقامات پر موسلادھار بارش بھی متوقع ہے۔

شمالی بلوچستان میں برفباری سے سڑکیں بند اور ٹریفک میں خلل کا امکان ہے جبکہ کوئٹہ، گوادر ،کیچ پنجگور آواران میں ندی نالوں میں طغیانی آسکتی ہے۔

محکمہ موسمیات نے تمام متعلقہ اداروں کو اس دوران الرٹ رہنے کی ہدایت جاری کردی ہے۔