Tag: الزامات

ماسکو: روسی دفتر خارجہ کےترجمان کا کہناہےکہ وکی لیکس کے تازہ انکشافات پرامریکہ کو جواب دیناہوگا۔

تفصیلات کےمطابق ترجمان روسی دفتر خارجہ ماریہ زاک ہاروا نے پریس کانفرنس میں کہا ہے کہ وکی لیکس نے امریکی انٹیلی جنس ایجنسی سی آئی اے پردنیا بھر میں جاسوسی کے جو الزامات عائد کیے ہیں،جس کا واضح اور موثر جواب امریکہ کودینا ہوگا۔

ترجمان روسی دفترخارجہ نےکہا اگروکی لیکس کی یہ رپورٹ صداقت پر منبی ہوئی تو اس سے دنیا بھر کی سیکورٹی کو شدید خطرات لاحق ہوں گے۔ان کا کہنا تھا کہ اس طرح کے اقدامات سے تعلقات میں بہتری کے بجائے تناؤ پیدا ہوتا ہے۔

خیال رہےکہ گزشتہ دنوں وکی لیکس نے سی آئی اے کے خفیہ ہیکنگ ہتھیاروں کا انکشاف کیاتھا،جس کے مطابق سی آئی اے کے پاس کمپیوٹر، فون ہیکنگ کے خفیہ ہتھیار موجود ہیں۔

مزید پڑھیں:عالمی خبریں وکی لیکس کے انکشافات، امریکی صدر ٹرمپ کا اظہارِ تشویش

یاد رہےکہ دوروزقبل امریکی صدر ڈولڈ ٹرمپ نے وکی لیکس کی جانب سے امریکی سی آئی اے پر لگائے گئےالزام پرشدید تشویش کا اظہار کیاتھا۔

مزید پڑھیں: امریکی سی آئی اے کی خفیہ دستاویزات تک عوام کی رسائی

واضح رہےکہ رواں سال جنوری میں امریکی انٹیلی جنس ایجنسی سی آئی اے نے ایک کروڑ تیس لاکھ صفحات پر مشتمل خفیہ دستاویزات آن لائن جاری کیں تھی۔

ماسکو: روسی صدر ولادی میر پیوٹن نے ان الزامات کی تردید کی ہےکہ روس کے پاس امریکی نومنتخب صدر ڈونلڈ ٹرمپ کے بارے میں خفیہ معلومات ہیں۔

تفصیلات کےمطابق ماسکو میں پریس کانفرنس کے دوران روس کے صدر ولادی میر پیوٹن نے کہاکہ روسی انٹیلی جنس ادارے ٹرمپ کے سیاست میں آنے سے قبل ان کی جاسوسی کیوں کریں گے۔

ڈونلڈ ٹرمپ کے حوالے سےگزشتہ دنوں ایسی خبریں شائع ہوئی تھی کہ ڈونلڈ ٹرمپ کی الیکشن ٹیم نے روس کے ساتھ ساز بازکررکھی تھی کیونکہ روس کے پاس ٹرمپ قابل اعتراض ویڈیوز ہیں۔

نو منتخب امریکی صدر ڈونلڈ ٹرمپ نے بھی ان الزامات کی تردید کرتے ہوئےکہا ہےکہ ان کے پیچھے ایک سابق برطانوی جاسوس ہیں اور یہ غلط خبرہے۔

روسی صدر نے کہا کہ شائع ہونے والی دستاویزات’واضح طور پر جعلی ہیں اور ان کا مقصد منتخب صدر کے قانونی جواز کو نقصان پہنچانا ہے۔

ولادی میر پیوٹن کا کہناتھاکہ جب ٹرمپ ماسکو آئے تب وہ سیاسی شخصیت نہیں تھے،ہمیں یہ تک معلوم نہیں تھا کہ ان کے سیاسی عزائم ہیں۔کیا کوئی سمجھتا ہے کہ ہمارے خفیہ ادارے ہر امریکی ارب پتی کا تعاقب کریں گے؟ ۔

روسی صدر کے بیان سے قبل روسی وزیرِ خارجہ سرگے لاوروف نے کہا تھا کہ وہ برطانوی سابق جاسوس جس نے یہ میمو تیار کیا ہے وہ ایم آئی سکس کابھگوڑا ہے۔

مزید پڑھیں:بزفیڈ اورسی این این جھوٹی خبریں دیتے ہیں ،امریکی صدرڈونلڈ ٹرمپ

واضح رہےکہ گزشتہ ہفتے نو منتخب امریکی صدر ڈونلڈ ٹرمپ نےبزفیڈ اور سی این این کو مخاطب کرتے ہوئے کہاتھا کہ تم لوگ جھوٹی خبریں دیتے ہو، روسی ہیکنگ کی کہانیاں جھوٹی ہیں جو کچھ لوگوں نے مل کر بنائی ہیں۔

نیویارک: نومنتخب امریکی صدر ڈونلڈ ٹرمپ کا کہنا ہے کہ صدارتی انتخاب میں ہیکنگ میں روس ملوث ہوسکتا ہے۔

تفصیلات کےمطابق ڈونلڈ ٹرمپ نے امریکی صدر منتخب ہونے کے بعد اپنی پہلی پریس کانفرنس میں صدارتی انتخاب سے متعلق ہیکنگ میں روس کے ملوث ہونے کا امکان ظاہر کرتےہوئے کہا کہ ’روسی صدر ولادی میر پیوٹن اگر مجھے پسند کرتے ہیں تو یہ خوشی کی بات ہے،لیکن روس سے میری کوئی ڈیل نہیں۔‘

ڈونلڈ ٹرمپ نے اوباما انتظامیہ کو شدید تنقید کا نشانہ بناتے ہوئے الزام لگایا کہ اوباما انتظامیہ نے داعش کو جنم دیا، جبکہ 20 جنوری کے بعد جاپان، روس اور چین کو امریکہ کا احترام کرنا ہوگا۔

انہوں نے چند میڈیا ہاؤسز کوسخت تنقید کا نشانہ بناتے ہوئے کہا کہ جھوٹی خبریں پھیلانے والے میڈیا ہاؤسز کے خلاف کارروائی ہوگی۔

ڈونلڈ ٹرمپ نے پریس کانفرنس کے دوران 90 روز کے اندر انٹیلی جنس ایجنسیوں سے متعلق اصلاحات کی جامع رپورٹ جاری کرنے کا اعلان کیا۔

انہوں نے خود کو کاروبار سے علیحدہ کرنے کا بھی اعلان کرتے ہوئے کہا کہ اب ان کے دو بیٹے ان کا تمام کاروبار سنبھالیں گے اور ان سے تجارت سے متعلق کوئی بھی بات نہیں کریں گے۔

واضح رہے کہ ڈونلڈ ٹرمپ 20 جنوری 2017 کو براک اوباما کی جگہ عہدہ صدارت کا حلف اٹھائیں گےاور وہ امریکہ کی 240 سالہ تاریخ میں معمر ترین صدر ہوں گے۔

یروشلم : اسرائیلی وزیر اعظم بنیامن نیتن یاہو پر لگے کرپشن کے الزامات کی تفتیش کرنے کے لیے پولیس ان کے گھر پہنچ گئی۔

تفصیلات کےمطابق اسرائیلی وزیراعظم نے ایک بار اپنے اوپر لگائے گئے بدعنوانی کے تمام ترالزامات کو مستردکرتے ہوئے کہاکہ مخالفین کو خوش ہونے کی ضرورت نہیں کیونکہ ایسا کچھ نہیں ہے جیسا وہ سوچ رہے ہیں۔’

اسرائیلی وزارتِ انصاف کے مطابق ’وزیر اعظم سے کاروباری شخصیات سے فائدے حاصل کرنے کے حوالے سے پولیس سوالات کیے گئے۔‘

اسرائیلی وزیراعظم سے یروشلم میں ان کی رہائش گاہ پر پولیس کے3افسران نے تین گھنٹے تک تفتیش کی۔

خیال رہے کہ اسرائیلی وزیراعظم پر کاروباری شخصیات سےبڑے پیمانے پر تحائف وصول کرنے کے الزامات ہیں۔

مزید پڑھیں:اسرائیلی وزیر اعظم نیتن یاہو کے خلاف تحقیقات کا حکم

یاد رہےکہ نیتن یاہو کے حوالے سے حالیہ مہینوں میں سامنے آنے والے سکینڈلز پر ان کے مخالفین نے تحقیقات کا مطالبہ کیا تھا تاہم ان میں سے ایک پر بھی مقدمہ نہ چل سکا۔

واضح رہےکہ اسرائیلی وزیراعظم پر1لاکھ 27 ہزار ڈالرزبرطانیہ کے ایک دورے کے دوران حسب ضرورت ذاتی بیڈ روم پرخرچ کرنے کا الزام ہے۔

گوا: روسں کے صدر ولادی میر پیوٹن کا کہنا ہے کہ امریکہ خود سیاسی مقاصد کے لیے سائبرحملوں میں ملوث ہے۔انہوں نے امریکہ کی جانب سے لگائے گئے روس پرہیکنگ کے الزمات کو مسترد کردیا۔

تفصیلات کے مطابق بھارت کے شہر گوا میں منعقدہ برکس کانفرنس کے بعد میڈیا سے گفتگو میں روسی صدر ولادی میر پیوٹن کا کہنا تھا امریکہ کی جانب سے روس پر ہیکنگ کے الزامات صدارتی الیکشن کےلیے وائٹ ہاوس کی انتخابی مہم کاحصہ ہوسکتے ہیں۔

صدر پیوٹن نے امید ظاہر کی کہ امریکی صدارتی الیکشن کے بعد دونوں ملکوں کے باہمی تعلقات میں بہتری آئے گی۔

مزیدپڑھیں:امریکہ کاروس پر سائبر حملے کا الزام

خیال رہےکہ رواں ماہ کے آغاز میں امریکہ کی جانب سے پہلی بار روس کو باضابطہ طور پرڈیموکریٹک پارٹی کے اکاونٹس کی ہیکنگ کا ذمہ دار ٹھہرایا گیاتھا۔

مزیدپڑھیں:امریکہ اوراس کےاتحادی شامی تنازع پرسیاست کررہےہیں، پیوٹن

واضح رہے کہ گزشتہ ہفتےروسی صدرولادیمیرپیوٹن کا کہناتھا کہ امریکہ اور اس کے اتحادی شامی تنازع پر سیاست کررہے ہیں۔یورپی ممالک اورامریکہ مشرق وسطیٰ میں عدم استحکام کےذمہ دار ہیں۔