Tag: الطاف حسین

  • ایم کیو ایم کے قائد الطاف حسین کی کراچی میں انسداد پولیو ٹیم پر حملے کی مذمت

    ایم کیو ایم کے قائد الطاف حسین کی کراچی میں انسداد پولیو ٹیم پر حملے کی مذمت

    ایم کیو ایم کے قائد الطاف حسین نے کراچی میں انسداد پولیو ٹیم پر حملے کی مذمت کی ہے،  ایم کیو ایم کے ارکان سندھ اسمبلی کا کہنا ہے کہ پولیو ٹیمز کو تحفظ فراہم نہ کرنا قابل مذمت ہے۔

    متحدہ قومی موومنٹ کے قائد الطاف حسین نے کراچی کے علاقے قیوم آباد میں پولیو ٹیم پر حملے کی شدید الفاظ میں مذمت کرتے ہوئے کہا ہے کہ پولیو ٹیم ورکرز انسانیت کی خدمت کررہے ہیں، انھیں مکمل تحفظ فراہم کیاجائے۔

    الطاف حسین نے سندھ حکومت سے مطالبہ کیا کہ جہاں یہ سفاکانہ واقعہ ہوا اُس علاقے کا محاصرہ کرکے قاتلوں کو فوری گرفتار کیاجائے۔ الطاف حسین نے جاں بحق پولیو رضاکاروں کے لواحقین سے تعزیت کا اظہار کیا اور زخمیوں کی جلد صحت یابی کیلئے دعا کی۔

    ایم کیو ایم کے ارکان سندھ اسمبلی نے اپنے بیان میں کہا کہ قیوم آبادمیں پولیوورکزکی شہادت پرشر مندگی اورذمہ داری قبول کرنے کے بجائے الٹا پولیوورکرزکوواقعے کاذمہ دارٹھہرایاجارہاہے۔ ایم کیو ایم ارکان اسمبلی کا کہنا تھا کہ حکومت سندھ پولیوورکرزکوتحفظ فراہم نہیں کرسکتی توانھیں دہشت گردوں کے رحم وکرم پر چھوڑکران کی زندگیوں سے کیوں کھیل رہی ہے۔
       

  • طالبان سے مذاکرات کرنے ہیں یا نہیں فیصلہ جلد کیا جائے، الطاف حسین

    طالبان سے مذاکرات کرنے ہیں یا نہیں فیصلہ جلد کیا جائے، الطاف حسین

    متحدہ قومی موومنٹ کے قائد الطاف حسین نے بنوں میں سیکورٹی فورسز کے قافلے پرحملے کی شدید الفاظ میں مذمت کی ہے۔ الطاف حسین نے اپنے ایک بیان میں کہاکہ بنوں دھماکے کی ذمہ داری طالبان نے قبول کرلی ہے۔

    وزیراعظم اور سربراہان سر جوڑ کر بیٹھیں اور لائحہ عمل تشکیل دیں۔ الطاف حسین نے کہا کہ طالبان سے مذاکرات کرنے ہیں یا کوئی اور فیصلہ کرنا ہے اس میں جتنی تاخیر کی جائے گی اتنا ہی فوجیوں کے ساتھ ساتھ عام شہریوں کا نقصان ہوگااور حملوں میں اضافہ بھی ہوسکتا ہے۔

    الطاف حسین نے بم دھماکے میں شہید و زخمی ہونے والے سیکورٹی اہلکاروں اور شہریوں کے سوگوار لواحقین سے دلی تعزیت وہمدردی کااظہارکیا اور شہداء کے بلند درجات اور زخمیوں کی جلد ومکمل صحت یابی کیلئے دعا کی ۔
        

     

  • بنوں بم دھماکے:صدر،وزیراعظم ودیگر کا شدید الفاظ میں اظہار مذمت

    بنوں بم دھماکے:صدر،وزیراعظم ودیگر کا شدید الفاظ میں اظہار مذمت

    صدر ممنون حسین اور وزیراعظم میاں نواز شریف سمیت مختلف رہنماؤں نے بنوں میں سیکیورٹی فورسز کی گاڑی میں دھماکے کی شدید الفاظ میں مذمت کی ہے۔ بنوں میں سیکیورٹی فورسز کے قافلے پر حملے کے نتیجے میں ہلاکتوں پر صدر ممنون حسین اور وزیراعظم نواز شریف نے شدید مذمت کی۔

    ان کا کہنا تھا کہ دہشتگردوں کی بزدلانہ کارروائیوں سے جوانوں کے حوصلے پست نہیں ہونگے۔ جماعت اسلامی کے امیر منور حسن اور لیاقت بلوچ نے بھی بنوں دھماکے کی مذمت اور اہلکاروں کی شہادت پر افسوس کا اظہار کیا۔

    الطاف حسین اور عمران خان کی جانب سے بھی بنوں میں فورسز کے قافلے پر حملے کی مذمت کی گئی۔ منور حسن کا کہنا تھا کہ دھماکوں اور ٹارگٹ کلنگ میں بیرونی قوتوں کا ملوث ہونا خارج از امکان نہیں۔

    وزیراعلیٰ پنجاب شہباز شریف نے بنوں دھماکے کی مذمت کرتے ہوئے کہا کہ دہشتگردوں کے مزموم عزائم پورے نہیں ہونے دیں گے۔
        

     

  • مفتی عثمان قتل: سمیع الحق، فضل الرحمن، الطاف حسین اور وزیرَاعلی سندھ کی مذمت

    مفتی عثمان قتل: سمیع الحق، فضل الرحمن، الطاف حسین اور وزیرَاعلی سندھ کی مذمت

    جمعیت علما  اسلام کے رہنما مولانا سمیع الحق نے مفتی عثمان یار پر فائرنگ کی شدید الفاظ میں مذمت کرتے ہوئے تین روزہ سوگ کا اعلان کردیا 

    جمعیت علما اسلام کے رہنما مولانا سمیع الحق کا کہنا ہے کہ سندھ حکومت عام لوگوں کو تحفظ دینے میں ناکام ہوگئی ہے۔

    ان کا کہنا تھا کہ مفتی عثمان یار خان کی شہادت علمی دنیا کا بڑا سانحہ ہے ۔۔مولانا سمیع الحق کا کہنا تھا کہ کراچی میںکوئی محفوظ نہیں علما کرام  کو بھی قتل کیا جارہا ہے انہوں نے بتایا کہ مفتی عثمان مرکزی ڈپٹی جنرل سیکریٹری اورسندھ کےامیرتھے۔

     

    وزیراعلیٰ سندھ سید قائم علی شاہ نے آج  مفتی عثمان یار خان کی گاڑی پر مسلح افراد کی فائرنگ سے انکے ساتھیوں سمیت انکے قتل کی سخت الفاظ میں مذمت کی ہے انہوں نے سوگوار خاندانوں کے ساتھ اپنے رنج و دکھ کا اظہار کیا ہے وزیراعلیٰ سندھ سید قائم علی شاہ نے مفتی عثمان یار خان اور انکی ساتھیوں کی شہادت کا نوٹس لیتے ہوئے آئی جی پولیس سندھ کو معاملے کی چھان بین کرنے اور قاتلوں کو جلد سے جلد گرفتار کرنے کے ہدایت کی ہے  اور اسکے ساتھ ساتھ انہوں نے شہر کی اہم شاہراہوں پر مزید گشت بڑھانے اور حساس اداروں کو اپنے نیٹ ورک کو مزید موئثر بنانے کی بھی ہدایت کی ہے تاکہ آئندہ اس قسم کے ناخوشگوار واقعات سے بروقت نمٹا جاسکے۔

     دوسری جانب وزیراعلیٰ سندھ سید قائم علی شاہ نے ایکسپریس ٹی وی چینل کی گاڑی پر فائرنگ کے نتیجے میں 3افراد کے قتل کی سخت الفاظ میں مذمت کی ہے انہوں نے سوگوار خاندانوں اور ایکسپریس ٹی وی کی انتظامیہ کے ساتھ اپنے رنج و دکھ کا اظہار کیا ہے۔ وزیراعلیٰ سندھ سید قائم علی شاہ نے ایکسپریس ٹی وی چینل کی ٹیم کی شہادت کا نوٹس لیتے ہوئے آئی جی پولیس سندھ سے فوری رپورٹ طلب کرتے ہوئے قاتلوں کو جلد سے جلد گرفتار کرنے کے ہدایت کی ہے اور کہا ہے کہ واقع شہر میں امن و امان کو بگاڑنے کی ایک سوچی سمجھی سازش ہے  انہوں نے ٹی وی چینل کی انتظامیہ اور سوگوار خاندان کو انصاف مہیا کرنے کی بھی یقین دھانی کرائی۔


    متحدہ قومی موومنٹ کے قائدالطاف حسین نے کراچی میں مسلح دہشت گردوں کی فائرنگ سے جمعیت علمائے اسلام( سمیع الحق گروپ )کے رہنمامفتی عثمان یارخان اوران کے دوساتھیوں کے بہیمانہ قتل کی شدیدمذمت کی ہے

     اپنے بیان میں الطاف حسین نے کہاکہ حکومت سندھ کی جانب سے کراچی میں قیام امن کیلئے ٹارگٹڈآپریشن کے دعوے کئے جارہے ہیں لیکن حکومت کے تمام تردعووں کے باوجود شہرمیں روزانہ قتل اوردہشت گردی کے واقعات ہورہے ہیں۔ لیکن حکومت کی جانب سے کوئی سنجیدہ ایکشن نہیں کیاجارہاہے ۔الطاف حسین نے حکومت سے مطالبہ کیاکہ مفتی عثمان یارخان اورانکے ساتھیوں کے بہیمانہ قتل کے واقعہ کی تحقیقات کرائی جائے اور قاتلوں کوفی الفورگرفتارکیا جائے۔

    دوسری جانب جمعیت العلمائے اسلام (فضل) کے سربراہ مولانا فضل الرحمن نے بھی مفتی عثمان کے قتل کی شدید مذمت کرتے ہوئے کل احتجاج کا اعلان بھی کیا ہے۔

  • معصوم شہریوں کی ہلاکتوں پر حکومت کب تک خاموش رہے گی، الطاف حسین

    معصوم شہریوں کی ہلاکتوں پر حکومت کب تک خاموش رہے گی، الطاف حسین

    متحدہ قومی موومنٹ کے قائد الطاف حسین نے صوبہ خیبرپختونخوا کے دارالحکومت پشاور میں واقع تبلیغی مرکز کے اندربم دھماکے کی سخت ترین الفاظ میں مذمت کی ہے اورمتعدد نمازیوں کے شہید وزخمی ہونے پر گہرے دکھ اور افسوس کا اظہار کیا ہے۔

    ایک بیان میں الطاف حسین نے تبلیغی مرکز میں بارودی دھماکہ کے ذمہ دار طالبان دہشت گردوں کی مذمت کرتے ہوئے وزیراعظم پاکستان میاں محمد نواز شریف اور آرمی چیف جنرل راحیل شریف سے کہامعصوم شہریوں کی ہلاکتوں پر حکومت اور مسلح افواج کب تک خاموش تماشائی بنی رہیں گی ۔

    ان کا کہنا تھا حکومت اور مسلح افواج ایک ہفتہ کے اندراندر معصوم شہریوں کوخاک وخون میں نہلانے والے دہشت گردوں سے نمٹنے کاکوئی حتمی فیصلہ کرلیں ۔الطاف حسین کا کہنا تھا دہشت گردوں کی حمایت کرنے والے سیاسی رہنماء اورسیاسی جماعتیں معصوم شہریوں کی ہلاکتوں میں برابر کی شریک ہیں ۔

    الطاف حسین نے کہاکہ قوم کو اب جاگنا ہوگا اور ایسی سیاسی جماعتوں کا سوشل بائیکاٹ کرنا ہوگا ورنہ کل دہشت گردی کی یہ آگ کسی کے گھر میں بھی لگ سکتی ہے۔
       

  • ایم کیوایم کا چوہدری اسلم شہید کی شہادت پر18جنوری کو یوم خراج عقیدت منانے کا فیصلہ

    ایم کیوایم کا چوہدری اسلم شہید کی شہادت پر18جنوری کو یوم خراج عقیدت منانے کا فیصلہ

    ایم کیو ایم کے قائد الطاف حسین نے ایس پی سی آئی ڈی چوہدری اسلم کی بیوہ کو ٹیلی فون کیا اور ان سے چوہدری اسلم اور ان کے ساتھیوں کی شہادت پر تعزیت کی ۔

    ایم کیو ایم کے قائد الطاف حسین نے ایس پی سی آئی ڈی چوہدری اسلم شہید کی بیوہ نورین اسلم سے ٹیلی فون پر رابطہ کیا۔ الطاف حسین نے کہا کہ آزمائش کی اس گھڑی میں آپ نے جس طرح ہمت وجرات اور صبروتحمل کا مظاہرہ کیا ہے وہ ایک مثال ہے۔

    چوہدری اسلم کی بیوہ نورین اسلم کاکہنا تھا کہ چوہدری اسلم شہید نے ملک وقوم کی خاطر اپنی جان کا نذرانہ پیش کیا ہے ، وہ اپنے بہادر شوہرچوہدری اسلم شہید کا نام زندہرکھیں گی۔

    رابطہ کمیٹی کے فیصلے کے تحت اس سلسلے میں لیاری ایکسپریس وے کے اس مقام پر جہاں ایس پی چوہدری اسلم کی شہادت کاواقعہ پیش آیا وہاں شہید کوخراج عقیدت پیش کرنے کیلئے گلدستے اورپھول رکھے جائیں گے اورشہیدوں کی یاد میں شمعیں روشن کی جائیں گی ۔

    ایم کیوایم کی رابطہ کمیٹی نے سول سوسائٹی،وکلاء اور تمام عوام سے اپیل کی کہ وہ پاکستان کے لئے اپنی جانیں قربان کرنے والے بہادراورنڈرافسر چوہدری اسلم شہید اوران کے ساتھ شہیدہونے والے پولیس کے جوانوں کوخراج عقیدت پیش کرنے کیلئے ہفتہ 18جنوری کو شام پانچ بجے شہادت کے مقام پرپہنچ کر گلدستے رکھیں اورشمعیں جلائیں۔

    رابطہ کمیٹی نے پولیس افسران اورجوانوں سے بھی اپیل کی کہ وہ بھی چوہدری اسلم شہید اوراپنے دیگر شہید ساتھیوں کوخراج عقیدت پیش کرنے کیلئے پھول چڑھائیں اورشمع جلائیں اوراس عزم کااظہارکریں کہ ملک وقوم کی بقاء کیلئے وہ بھی جرات وہمت کامظاہرہ کرتے رہیں گے اوراپنے شہیدساتھیوں کامشن جاری رکھیں گے۔

    رابطہ کمیٹی نے کہاکہ چوہدری اسلم شہید نے پاکستان کے خلاف سرگرم دہشت گردوں کے خلاف کارروائیاں کرتے ہوئے اپنی جان دی ہے اورپوری قوم چوہدری اسلم شہید اوران کے شہیدساتھیوں کوسلام پیش کرتی ہے ۔