Tag: الطاف حسین

کراچی: ایم کیو ایم کے سینئر ڈپٹی کنوینر ڈاکٹر فاروق ستار نے ایم کیو ایم قائد کی تصویر اور تقاریرپرپابندی کے خلاف 19 فروری سے 22 فروری تک چار روزہ علامتی بھوک ہڑتال کااعلان کردیا۔

کراچی میں پریس کانفرنس کرتے ہوئے ایم کیو ایم کے رہنما ڈاکٹر فاروق ستار نے کہا کہ نے بھوک ہڑتال صبح گیارہ بجے سے رات گیارہ بجے تک پریس کلب کے باہر کی جائے گی، جس میں ایم کیو ایم کے رہنماؤں کے شعبہ جات کے اراکین ، اراکین پارلیمنٹ اور نومنتخب امیدواروں سمیت کارکنان شرکت کریں گے۔

فاروق ستار نے کہا کہ ایم کیو ایم اب احتجاجی ریلیوں کے بعد بھوک ہڑتال کرنے پر مجبور ہے ، انہوں نے کہاکہ ایم کیو ایم دھرنا دینے پر بھی غور کررہی ہے ، اگر ایم کیو ایم نے دھرنا دیاتو صدر اور وزیراعظم ملک سے باہر نہیں جاسکیں گے۔

فاروق ستار کاکہنا تھا کہ ہمارا موقف سنے بغیر چھ ماہ سے ایم کیو ایم قائد پرپابندی عائد ہے ، ریاستی ادارے، عدلیہ انصاف کرتے ہوئے ظلم کا خاتمہ کرائیں۔حکمران منصفانہ پالیسیاں بنائین نہ کی کسی کے مفاد کیلئے پالیسیان بنائی جائیں۔

ایم کیو ایم رہنماؤں کاکہنا تھا کہ ملک اس وقت لٹیروں یا پھر دہشت گردوں کے ہاتھوں میں ہے ، ملک میں جمہوریت کے نام پر آمریت قائم کی جارہی ہے۔

لندن / کراچی : ایم کیو ایم نے کراچی کے عوام سے 15 روز کیلئے اپنی ضروری ادویات اور روزمرہ استعما ل کی اشیاء کا ذخیرہ کرنے کی اپیل کردی۔

تفصیلات کے مطابق متحدہ قومی موومنٹ کی رابطہ کمیٹی لندن اور پاکستان کے ارکا ن کا مشترکہ ہنگامی اجلاس ہوا ۔ جس میں ملک کی مجموعی سیاسی صورتحال، عالمی سطح پر ہونے والی ماحولیاتی تبدیلیوں، پاکستان میں زلزلے ، سیلاب اور دیگرقدرتی آفات کے تناظر میں قائد تحریک الطاف حسین کی محب وطن پاکستانیوں کے نام حالیہ دردمندانہ اپیل پرغوروخوض کیا گیا۔

اجلاس میں کہاگیا کہ قائد تحریک الطاف حسین نے اپنی 38 سالہ جدوجہدکے دوران جو جو پیش گوئیاں کیں وہ ایک ایک کرکے سچ ثابت ہوتی رہی ہیں ۔

ایم کیوایم کے خلاف کی جانے والی سازشوں کے علاوہ قائد تحریک الطاف حسین نے کراچی میں طالبائزیشن اور پھر داعش کے خطرے سے ملک بھرکے عوام کو پیشگی آگاہ کردیا تھا لیکن ارباب اقتدار واختیار اور میڈیا کے نمائندوں کی جانب سے الطاف حسین کے خدشات پر سنجیدگی کا مظاہرہ کرنے کے بجائے ان کا مذاق اڑایا گیا ۔

اجلاس میں مزید کہاگیا کہ آج پاکستان کے ہر حصے میں طالبانائزیشن ، داعش اور کالعدم جہادی تنظیموں کی موجودگی اس بات کا کھلا ثبوت ہے کہ قائد تحریک الطاف حسین کے خدشات درست تھے لیکن ایم کیوایم دشمنی میں الطاف حسین کی باتوں کو دانستہ نظرانداز کیا گیا جس کا نقصان ملک وقوم کو اٹھانا پڑا۔

اجلاس میں کہاگیاکہ قائد تحریک الطاف حسین نے اپنے حالیہ بیان میں جن خدشات کا اظہار کیا ہے ، اس پر رابطہ کمیٹی کے مشترکہ اور طویل اجلاس متفقہ طورپر طے کیاگیا کہ ملک وقوم کیلئے آئندہ 15 روز انتہائی اہمیت کے حامل ہیں لہٰذا ایم کیوایم کے تمام ذمہ داران اور کارکنان پر لازم ہے کہ وہ ملک بھر کے عوام میں قائد تحریک الطاف حسین کا پیغام پہنچانے کیلئے اپنا بھرپورکردار ادا کریں ۔

رابطہ کمیٹی نے ملک بھر کے عوام سے اپیل کی کہ وہ آئندہ 15 روز اپنی آمدورفت میں انتہائی احتیاط سے کام لیں ، 15 روز کیلئے اپنی ضروری ادویات اور روزمرہ استعما ل کی اشیاء کا ذخیرہ کرلیں۔