Tag: الطاف حُسین

  • کارکن دھرنے کی تیاری کر لیں، یہ دھرنا تاریخی ہوگا، الطاف حُسین

    کارکن دھرنے کی تیاری کر لیں، یہ دھرنا تاریخی ہوگا، الطاف حُسین

    لندن : ایم کیوا یم کے قائد الطاف حُسین نے کہا ہے کہ کارکن دھرنے کی تیاری کر لیں، یہ دھرنا تاریخی ہوگا۔

    الطاف حُسین کا یہ کہنا تھا کہ اگر گرفتار ہوجائیں یا زیرحراست مارے جائیں تو کارکن تحریک جاری رکھیں اور اُن کے قتل کا بدلہ لیں، انھوں نے کہا کہ  اُن کا یا اُن کی جماعت کا را سے کوئی تعلق نہیں اگر مشکل وقت آیا تو متحدہ کے کارکن پاک فوج کے ساتھ مل کرلڑیں گے۔ .

    انکا کہنا تھا کہ ہم پاکستان سے غیر مشروط محبت کرتے ہیں پاکستان ہمارا وطن ہے اور ہمیشہ رہے گا۔

    اس سے قبل الطاف حسین نے ایم کیو ایم کے کارکنوں سے خطاب کرتے ہوئے کہا کہ قسم کھا کر کہتا ہوں را سے کوئی تعلق نہیں ہے، سازشی عناصرمتحدہ کو ملک دشمن جماعت ثابت کرنا چاہتے ہیں،  ایم کیو ایم پر بغیر ثبوت الزامات لگانے والے خود اندرونی وبیرونی ممالک کے ایجنٹ ہیں۔

    انھوں نے کہا کہ ایم کیوایم نے ہمیشہ کوٹہ سسٹم اور ناانصافی کیخلاف آواز بلند کی ہے، مائنس الطاف حسین فارمولے کی سازشیں ہورہی ہیں۔

  • فلسفہ حقیقت پسندی،عملیت پسندی ہی مسائل کا حل ہے،الطاف حُسین

    فلسفہ حقیقت پسندی،عملیت پسندی ہی مسائل کا حل ہے،الطاف حُسین

    لندن :متحدہ کے قائد الطاف حُسین کا کہنا ہے کہ اُن کا فلسفہ حقیقت پسندی اور عملیت پسندی ہی مسائل کا حل ہے۔

    متحدہ قومی موومنٹ کے قائدالطاف حسین نے پاکستان اورلندن کی رابطہ کمیٹی اور مختلف شعبہ جات کو” رئیل ازم اور پریکٹیکل ازم “ کے موضوع پر دیئے گئے ایک لیکچر میں کہا کہ میری فلاسفی ” رئیل ازم اورپریکٹیکل ازم “ ایک ایسا پیمانہ اورایسا فکری آلہ ہے، جس پر ہرنظریہ اور منشور کوجانچا اور پرکھا جاسکتا ہے ۔

    انھوں نے کہا کہ یہ فلاسفی صرف نظام کی خرابیوں اور معاشرتی بیماریوں کی تشخیص ہی نہیں کرتی بلکہ اس کے علاج کیلئے عملی اقدامات کی بھی نشاندہی کرتی ہے۔

    انہوں نے کہا کہ صرف رئیل ازم سے مسائل حل ہونہیں سکتے اور پریکٹیکل ازم کے بغیررئیل ازم بے معنی ہے، انہوں نے کہا کہ حقیقت پسندی یہ ہے کہ فرسودہ جاگیردارنہ نظام اور اختیارات کی مرکزیت ہی پاکستان کے مسائل کا سبب ہے اورعملیت پسندی کا تقاضہ ہے کہ اس فرسودہ نظام کوجڑسے اکھاڑ پھینکا جائے۔