Tag: العزیزیہ اور ایون فیلڈ ریفرنس

اسلام آباد : سابق وزیراعظم نوازشریف آج العزیزیہ اور ایون فیلڈ ریفرنس میں اسلام آباد ہائی کورٹ میں پیش ہوں گے، اس موقع پر سیکیورٹی کے سخت انتظامات کئے گئے ہیں۔

تفصیلات کے مطابق اسلام آباد ہائی کورٹ میں العزیزیہ اور ایون فیلڈریفرنسز میں سابق وزیراعظم نوازشریف کی اپیلوں پر سماعت آج ہوگی۔

چیف جسٹس اسلام آباد ہائی کورٹ جسٹس عامر فاروق اور جسٹس میاں گل حسن اورنگزیب پر مشتمل ڈویژن بینچ نواز شریف کی سزا کے خلاف اپیلوں پر دوپہر 12 بجے کے بعد سماعت کرے گا۔

ذرائع کا کہنا ہے کہ نوازشریف مریم نواز کے ہمراہ اسلام آباد آئیں گے اور عدالت میں پیش ہوں گے، اس موقع پر نوازشریف ن لیگ کی قانونی ٹیم سے بھی ملاقات کریں گے۔

مسلم لیگ ن کے قائد نواز شریف کی پیشی کے موقع پر سیکیورٹی کے سخت انتظامات کئے گئے ہیں۔

سابق وزیراعظم شہبازشریف کی بھی اسلام آباد روانگی متوقع ہے۔

اسلام آباد ہائی کورٹ میں پیشی کے بعد نواز شریف کا مری میں قیام کاامکان ہے، جہاں ان کی خیبرپختونخواکے رہنماؤں سےاہم ملاقاتیں ہوں گی۔

نواز شریف کی اتحادی جماعت کے رہنماؤں سے ملاقات کاشیڈول طے کیا جارہاہے، نواز شریف رواں ہفتے پارٹی کے پارلیمانی بورڈ کےاعلان پر حتمی مشاورت کریں گے۔

اسلام آباد : العزیزیہ اور ایون فیلڈ ریفرنس میں سابق وزیراعظم نواز شریف آج اسلام آباد ہائی کورٹ میں پیش ہوں گے ، عدالت نے آج 26 اکتوبر تک نوازشریف کی حفاظتی ضمانت بھی منظور کر رکھی ہے۔

تفصیلات کے مطابق اسلام آباد ہائی کورٹ میں العزیزیہ و ایون فیلڈریفرنس میں سابق وزیراعظم نوازشریف کی سزا کیخلاف اپیلیں بحال کرنے کی متفرق درخواستوں پر آج سماعت ہوگی۔

اسلام آبادہائی کورٹ میں کیس کی سماعت2بجکر30منٹ پر ہوگی، چیف جسٹس عامرفاروق اورجسٹس میاں گل حسن اورنگزیب سماعت کریں گے۔

عدالت نےآج26اکتوبرتک نوازشریف کی حفاظتی ضمانت بھی منظورکررکھی ہے اور نیب سےجواب طلب کیا ہے کہ نوز شریف کی اپیلوں کی پیروی کرنی ہے یا ریفرنس واپس لینا ہے ،

سابق وزیراعظم نواز شریف کی العزیزیہ ،ایون فیلڈ ریفرنس میں اپیلیں بحال کرنے کے کیس سے متعلق رجسٹرار آفس نے سیکیورٹی سرکلر جاری کردیا ہے۔

جس میں کہا تھا کہ نواز شریف کیس کی سماعت کل ڈھائی بجے مقرر ہے خصوصی پاسز جاری ہوں گے اور نواز شریف کی لیگل ٹیم کے 15 افراد کی اجازت ہوگی جبکہ لا افسران کو 10 پاسز جبکہ صحافیوں کو 30 پاسز جاری کیے جائیں گے۔

یاد ہے گزشتہ سماعت میں اسلام آباد ہائی کورٹ میں سابق وزیراعظم نواز شریف کی پیشی کے موقع پر بغیر چیکنگ 300 افراد کمرہ عدالت میں داخل ہو گئے تھے۔