العلا رائل کمیشن کی قائمقام چیف ایگزیکیٹو آفیسر سعودی خاتون عبیر العقل کو تعینات کردیا گیا ہے۔
غیر ملکی ذرائع ابلاغ کے مطابق سعودی خاتون عبیر العقل نے سال 2017 میں العلا رائل کمیشن کو جوائن کیا تھا۔ انہوں نے اس دوران مختلف اہم عہدوں پر ذمہ داریاں ادا کیں۔
ایکس اکاونٹ کے مطابق پرائیویٹ انیشیٹو اور پارٹنرشپ سیکٹر کی سربراہ کے طور پر بھی ذمہ داریاں ادا کیں۔ عبیر العقل متعدد قائدانہ عہدوں پر فرائض انجام دے چکی ہیں۔
سعودی خاتون عبیر العقل ہیڈ آف سٹراٹیجیک ڈیلیوری، سعودی برٹش بینک ’ساب‘ میں ڈائریکٹر انفارمیشن ٹیکنالوجی، ساب بینک میں پروڈکٹیویٹی میجنمنٹ مینیجر کے علاوہ برائس واٹر ہاوس کوپرز انٹرنیشنل لیمٹڈ میں سینئرمینیجر کے طورپر بھی امور انجام دے چکی ہیں۔
کویت کے فیملی ویزے کھولنے کی اہم وجہ سامنے آگئی
واضح رہے انہوں نے ہاروڈ یونیورسٹی سے لیڈر شپ ڈویلپمنٹ پروگرام میں بھی ڈپلومہ حاصل کیا ہے۔ عبیر العقل شاہ سعود یونیورسٹی سے آئی ٹی گریجویٹ ہیں۔