کیمبرج ڈکشنری نے سوشل میڈیا پر مقبول اور جن زی کے زیر استعمال کئی نئے الفاظ سمیت 6 ہزار سے زائد الفاظ کو انگریزی لغت میں شامل کر لیا۔
بی بی سی کا کہنا ہے کہ کیمبرج ڈکشنری نے سوشل میڈیا کے سلینگ الفاظ کو لغت کا حصہ بنایا ہے، ان میں اِسکیبیڈی (skibidi)، ٹریڈ وائف (tradwife) اور ڈی لولو (delulu) جیسے الفاظ بھی شامل ہیں، جو انٹرنیٹ پر بہت زیادہ استعمال ہوتے ہیں۔
اسکبیڈی ایک بے معنی اصطلاح ہے جو مذاق میں یا کسی بات پر زور دینے کے لیے استعمال ہوتی ہے۔ ٹریڈ وائف کا مطلب ایسی شادی شدہ خاتون ہے جو گھریلو امور انجام دینے کے ساتھ ساتھ سوشل میڈیا استعمال کرتی ہے۔ ڈی لولو کا مطلب ایسی چیزوں پر یقین رکھنا ہے جو حقیقت نہ ہو۔
کرونا وبا کے بعد ریموٹ ورکنگ میں اضافے کے باعث ماؤس جگلر جیسے الفاظ بھی لغت کا حصہ بن گئے ہیں، ماؤس جگلر ایسا آلہ یا سافٹ ویئر ہے جو تاثر دیتا ہے کہ آپ کام کر رہے ہیں جب کہ حقیقت میں ایسا نہیں ہوتا۔
Social media slang words like ‘skibidi’, ‘broligarchy’ and ‘tradwife’ are among the 6,000 new words added to the Cambridge Dictionary this year. pic.twitter.com/uK3u0p7ckM
— Channel 4 News (@Channel4News) August 18, 2025
کیمبرج یونیورسٹی نے اپنی ویب سائٹ پر بتایا کہ یہ نئے الفاظ، فقرے اور معانی پچھلے 12 مہینوں میں انگریزی سیکھنے والوں کے لیے دنیا کی سب سے مشہور آن لائن لغت کیمبرج ڈکشنری میں شامل کیے گئے ہیں۔
‘What the skibidi are you doing?’
On #BBCBreafast Jon & Sarah discussed "skibidi” and "delulu” which are among thousands of new words to be added to the Cambridge Dictionary this year.https://t.co/zAY92zEXnP pic.twitter.com/DT7d4Ks5kT
— BBC Breakfast (@BBCBreakfast) August 18, 2025
ان الفاظ نے سوشل اور مین سٹریم میڈیا پر جنم لیا ہے، اور ان میں سے کچھ مشہور شخصیات اور متاثر کن افراد سے منسلک ہیں، جیسے کہ کم کارڈیشین (اسکیبیڈی)، امریکا کے مشہور فارم بالرینا فارم کی مالک اور مشہور سوشل میڈیا انفلوئنسر ہننا نیلیمن سے منسلک لفظ (tradwife) اور آسٹریلیا کے وزیر اعظم اینتھنی البانیز سے منسلک لفظ (delulu)۔
کیمبرج ڈکشنری کے ذخیرہ الفاظ کے پروگرام کے منیجر کولن میکنٹوش کا کہنا ہے کہ انٹرنیٹ کلچر انگریزی زبان کو بدل رہا ہے۔
