Tag: القادر ٹرسٹ کیس

راولپنڈی : چیئرمین پی ٹی آئی بیرسٹر گوہر کا کہنا ہے کہ القادر ٹرسٹ کیس کے فیصلے کیلیے تیار تھے لیکن جج نے اپنی مرضی سے فیصلہ مؤخر کیا۔

تفصیلات کے مطابق چیئرمین پی ٹی آئی بیرسٹر گوہر نے 190 ملین پاؤنڈ کیس کا فیصلہ مؤخر ہونے پر میڈیا سے گفتگو میں کہا کہ ہم تو ذہنی طور پر تیار تھے کہ آج فیصلہ سنایا جانا ہے، فیصلے کیلئے ہم تیار ہو کرآئے تھے لیکن جج نے اپنی مرضی سے تاریخ دے کرفیصلہ مؤخر کیا۔

چیئرمین پی ٹی آئی نے بتایا کہ عدالتی عملےنے آگاہ کیا تھا کہ القادر ٹرسٹ کیس میں آج 11 بجے فیصلہ سنایا جائے گا اور اڈیالہ جیل میں داخلے سے پہلے بتایا گیا فیصلہ مؤخر اور 17جنوری کو سنایا جائے گا۔

مزید پڑھیں : 190 ملین پاؤنڈ کیس کا فیصلہ تیسری بار مؤخر 

ان کا کہنا تھا کہ بانی پی ٹی آئی کیخلاف القادرٹرسٹ کیس سیاسی ہے ، فیصلہ انصاف پر ہو تو بانی پی ٹی آئی کو آج بری ہوناتھا ، بانی پی ٹی آئی نے بھی کہا ہے القادرٹرسٹ کا فیصلہ ہونا چاہئے، ہمیں دیوار پر لکھا نظر آتا رہا، ناانصافی ہوتی رہی ہے، ہمارے ساتھ ٹرائل کورٹ کا رویہ غیر منصفانہ رہا ہے۔

تحریک انصاف کے چیئرمین نے کہا کہ بانی پی ٹی آئی پر دباؤ ڈالنے کیلئے بشریٰ بی بی کوبھی شامل کیا گیا، بشریٰ بی بی عدالت میں پیشی کیلئے راستے میں تھیں اور بانی پی ٹی آئی کو پیش کرنا جیل انتظامیہ کی ذمہ داری ہے، بشریٰ بی بی توابھی پہنچی ہی نہیں ان کی غیرموجودگی میں فیصلہ مؤخر ہوگیا۔

ان کا مزید کہنا تھا کہ بانی پی ٹی آئی نے کسی کیس میں اپنے لئے فیور نہیں مانگا۔ اعلیٰ عدلیہ سے پوری امید ہے انشااللہ انصاف کا فیصلہ ہوگا، ہم اعلیٰ عدلیہ بھی جائیں گے، وہاں اپنا کیس لڑیں گے القادریونیورسٹی ٹرسٹ کی ہے بانی پی ٹی آئی کی نہیں۔

اسلام آباد : تحریک انصاف نے القادر ٹرسٹ کیس سننے والے جج کیخلاف ہائی کورٹ سے رجوع کرنے کا اعلان کردیا اور کہا جج ناصر جاوید رانا بانی پی ٹی آئی کو سزا سنائیں گے۔

تفصیلات کے مطابق بیرسٹر ابوذر سلمان نیازی نے میڈیا سے گفتگو کرتے ہوئے کہا کہ بانی پی ٹی آئی کیخلاف القادر ٹرسٹ کے کیس میں خفیہ ٹرائل چل رہاہے، جیل کے بند کمروں میں اسوقت بنیادی حقوق کی خلاف ورزی ہورہی ہے۔

ابوذر سلمان نیازی کا کہنا تھا کہ کیس کی روزانہ سماعت 6سے8گھنٹے ہوتی ہے ، اس سے اوپن کورٹ ٹرائل کی مکمل نفی ہورہی ہے۔

رہنما ہی ٹی آئی نے کہا کہ القادر ٹرسٹ کیس سننےوالےجج کیخلاف ہائی کورٹ جارہےہیں، جج ناصرجاویدرانادوران سماعت اپنا مائنڈ واضح کرچکے جج نےطےکرلیاہےوہ بانی پی ٹی آئی کوسزاسنائیں گے۔

ابوذر سلمان نے مطالبہ کیا کہ جج ناصرجاویدرانا کو کیس سے علیحدہ ہوجانا چاہیے۔

اسلام آباد : قومی احتساب بیورو ( نیب) نے القادر ٹرسٹ کیس میں چیئرمین پی ٹی آئی کی اہلیہ بشریٰ بی بی کو گواہ بنانے کا فیصلہ کرلیا۔

تفصیلات کے مطابق القادر ٹرسٹ کیس میں قومی احتساب بیورو ( نیب) نے بشریٰ بی بی کو کیس میں گواہ بنانے کا فیصلہ کرلیا اور کہا بشریٰ بی بی کو نوٹس بطور ملزمہ نہیں، بطورگواہ جاری ہوا۔

نیب کا کہنا ہے کہ 7جون کو بشریٰ بی بی کا بطور گواہ بیان قلمبند ہوگا ، طلبی بطور ملزم ہے یا گواہ ترمیمی ایکٹ کے تحت نیب نوٹس میں بتانے کا پابند ہے۔

بشریٰ بی بی کوجاری نوٹس میں بطورگواہ طلبی کا ذکرموجود ہے، نیب عدالت میں پہلےہی کہہ چکا ہے بشریٰ بی بی کی گرفتاری نہیں چاہیے۔

نیب کی جانب سے بشریٰ بی بی سے القادر ٹرسٹ کی دستاویزات ، القادرٹرسٹ کی رجسٹریشن اور پنجاب ہائرایجوکیشن کمیشن سے منظوری کا ریکارڈ طلبک کیا ہے۔

اس کے علاوہ بشریٰ بی بی سے القادر ٹرسٹ کو ملنے والےعطیات کی تفصیل بھی طلب کی گئی ہے۔

یاد رہے تین روز قبل احتساب عدالت میں 190 ملین پاؤنڈز کے کیس میں چیئرمین پی ٹی آئی کی اہلیہ بشریٰ بی بی عدالت میں پیش ہوئیں تھیں۔

ڈپٹی پراسیکیوٹر نیب کا کہنا تھا کہ نیب کو دبانے کی کوشش کی جارہی ہے لیکن نیب کسی دباؤ میں نہیں آئے گا قانون کے مطابق کام کرے گا، نیب نے نہ تو کوئی چھاپہ مارا نہ وارنٹ جاری کیے، نیب کا کسی سے ذاتی مسئلہ نہیں قانون کے مطابق تفتیش کریں گے۔

تفتیشی افسر نے بتایا تھا کہ بشریٰ بی بی کی گرفتاری کی ضرورت نہیں، تفتیشی افسر کے بیان کے بعد عدالت نے بشریٰ بی بی کی درخواست ضمانت غیر موثر قرار دے دی تھی۔