Tag: الیسٹر کک

سابق انگلش کپتان الیسٹر کک نے یشسوی جیسوال کی تعریف کرتے ہوئے کہا کہ میرے پورے کیریئر سے زیاد چھکے انھوں نے ایک اننگز میں لگادیے۔

بھارت اور انگلینڈ کے درمیان راجکوٹ میں کھیلا گیا تیسرا ٹیسٹ میچ میزبان ٹیم نے 434 رنز کے بڑے مارجن سے اپنے نام کیا تھا۔ میچ میں نوجوان بھارتی اوپنر یشسوی جیسوال نے شاندار اننگز کھیلتے ہوئے کیئر کی دوسری ڈبل سنچری اسکور کی تھی۔

انھوں نے ریٹائرڈ ہرٹ ہونے کے باوجود 236 گیندوں کا سامنا کرتے ہوئے 214 رنز کی اننگز کھیلی، جس میں 14 چوکے اور ریکارڈ 12 چھکے بھی شامل تھے۔

Alastair Cook said, "Yashasvi Jaiswal in one day has smashed more sixes than I did in my entire Test career". pic.twitter.com/WSBDmYTMGj

— Mufaddal Vohra (@mufaddal_vohra) February 19, 2024

جیسوال نے ایک اننگز میں 12 چھکے لگاتے ہوئے سابق پاکستانی کپتان وسیم اکرم کا ایک ٹیسٹ اننگز میں 12 چھکے مارنے کا ریکارڈ برابر کیا تھا۔

انگلینڈ کے سابق کپتان الیسٹر کک بھی جیسوال کی اس اننگ کے مداح ہو گئے ہیں۔ انھوں نے کہا کہ کہ بھارتی اوپنر نے اس اننگز میں اتنے چھکے لگا دیے جتنے میں نے اپنے پورے ٹیسٹ کیریئر میں لگائے ہیں۔

واضح رہے کہ انگلینڈ کے سابق کپتان الیسٹر کک نے 291 ٹیسٹ اننگز میں 12472 رنز بنائے ہیں۔ ان کے ٹیسٹ کیریئر میں 33 سنچریاں اور 57 نصف سنچریاں ہیں۔

دلچسپ بات یہ ہے کہ کک نے اپنے پورے ٹیسٹ کیریئر میں مجموعی طور پر 11 چھکے لگائے ہیں۔ ون ڈے میں بھی ان کے نام صرف 10 چھکے ہیں۔ ٹیسٹ کیریئر میں ان کی بہترین اننگز 294 رنز ہے۔

اس کے مقابلے میں نوجوان یشسوی جیسوال نے اب تک 7 ٹیسٹ میچ کھیلے ہیں جس میں انھوں نے 13 اننگز میں 868 رنز بنائے ہیں۔ جیسوال کا ٹیسٹ میں اوسط 71.25 کا ہے جس میں 25 چھکے شامل ہیں۔

سابق انگلش کرکٹر الیسٹر کک نے بھارت کے خلاف تیسرے ٹیسٹ کی پہلی اننگز میں انگلینڈ کی بیٹنگ پرفارمنس کو سخت تنقید کا نشانہ بنایا ہے۔

انگلینڈ اور بھارت کے درمیان ہونے والے تیسرے ٹیسٹ کے تیسرے دن مہمان ٹیم کی بیٹنگ ڈرامائی انداز میں جلد اختتام پذیر ہوگئی تھی۔ ایک مرحلے پر انگلینڈ کے 224 رنز اور اس کے محض 3 کھلاڑی آؤٹ ہوئے تھے۔

تاہم پھر اچانک انگلینڈ کی بیٹنگ لائن ڈھڑام سے زمین بوس ہوگئی اور پوری ٹیم مزید 95 رنز کے اضافے کے بعد 319 رنز کے اسکور پر پویلین لوٹ گئی۔

پہلی اننگز انگلینڈ کے لیے بین ڈکٹ نے عمدہ اننگز تراشی، انھوں نے جارحانہ انداز اپناتے ہوئے صرف 88 گیندوں میں سنچری اسکور کی، ڈکٹ نے 153 رنز کی شاندار اننگز کھیلی۔

اس کے علاوہ بین اسٹوکس 41 اور اولی پاپ 39 رنز کے ساتھ کچھ مزاحمت کرسکے جبکہ بقیہ بیٹنگ لائن اپ انفرادی طور پر 20 رنز تک پہنچنے میں بھی کامیاب نہ ہوسکی۔

اس طرح پوری ٹیم کے آؤٹ ہونے پر ایلسٹر کک نے گہری مایوسی کا اظہار کیا ہے اور انگلینڈ کی بیٹنگ کارکردگی پر کھل کر تنقید کی ہے۔

سابق انگلش بیٹر نے کہا کہ اس پرفارمنس پر میری چیخ نکل گئی، وہ 800 اسکور کر سکتے تھے لیکن کل کا دن زیادہ اچھا نہیں لگ رہا۔ میرے خیال میں وہ 481 رنز پیچھے رہ گئے کیا یہ موقع ضائع ہو گیا، لیکن انگلینڈ کی ٹیم نے واقعی خراب بلے بازی کی۔

انگلش ٹیم نے آج 116 رنز پر آٹھ وکٹیں گنوا دیں اور جب آپ پہلی اننگز میں اس طرح کی پرفارمنس دیں گے تو پھر آپ بہت سے میچ نہیں جیتتے۔

انھوں نے کہا ٹیسٹ میچ جیتنے کے لیے آپ کو لمبے عرصے تک اچھا کھیلنا ہوتا ہے۔ کل بھات کی پوزیشن خراب تھی لیکن آج وہ بہت اچھی پوزیشن میں ہے۔

سابق انگلش کپتان الیسٹر کک نے بھارتی نوجوان اوپنر یشسوی جیسوال کی ڈبل سنچری پر اپنے خیالات کا اظہار کیا ہے۔

وشاکاپٹنم میں بھارت اور انگلینڈ کے درمیان دوسرے ٹیسٹ میچ میں یشسوی جیسوال نے غیر معمولی بیٹنگ کا مظاہرہ کیا اور ایک میچور بیٹر کی طرح انگلش بولر کا سامنا کرتے ہوئے اپنی پہلی ڈبل سنچری جڑ دی۔

انگلش بولنگ اٹیک کی طرف سے درپیش چیلنجز کے باوجود یشسوی نے کافی عمدہ بیٹنگ کی جس پر انگلینڈ کے سابق کپتان الیسٹر کک نے بھی ان کی تعریف کی ہے۔

الیسٹر کک نے کہا کہ جیسوال نے اس وقت سنچری اسکور کی جب ٹیم کو ضرورت تھی۔ یہ ان کی 22 سال کی عمر سے قطع نظر ایک ذمہ دارانہ اور مہارت سے بھرپور شاندار اننگز تھی۔

بھارت کی ٹیم ایک اچھی وکٹ پر مشکلات کا شکار تھی 6 کھلاڑیوں نے مل کر 158 رنز بنائے اور یشسوی نے اکیلے بڑی اننگز کھیلی۔

کک کا مزید کہنا تھا کہ اگر آپ ان کی بلے بازی کو نکال دیں تو ایک بار پھر انڈین بیٹر بری طرح ڈھیر ہوچکے تھے۔ اگر انگلینڈ کے بولرز انھیں بیٹ سے دور بال کرتے تو بہتر ہوسکتا تھا مگر اس میں رسک بھی زیادہ تھا۔

واضح رہے کہ اپنے ملک میں یہ بھارتی نوجوان اوپنر یشوی جیسوال کی پہلی اور مجموعی طور پر دوسری سنچری ہے جو کہ بطور مضبوط ٹیسٹ بیٹر ان کی صلاحیتوں کو اجاگر کرتی ہے۔

اس سے قبل گزشتہ جولائی میں ویسٹ انڈیز کے خلاف اپنے ڈیبیو پر انھوں نے 171 رنز کی شاندار اننگز کھیلی تھی۔