Tag: الیونتھ آور

اسلام آباد: مشیر اطلاعات فردوس عاشق اعوان نے کہا ہے کہ جعلی اکاؤنٹس پر جے آئی ٹی رپورٹ سندھ سے متعلق ہے، قوم کو سمجھ جانا چاہئے سندھ کارڈ اپنی جائیداد بچانے کے لیے کھیلا جارہا ہے۔

تفصیلات کے مطابق مشیر اطلاعات فردوس عاشق اعوان نے اے آر وائی نیوز کے پروگرام ’الیونتھ آور‘ میں گفتگو کرتے ہوئے کہا کہ سندھ میں چوری اور لوٹ مار کی داستان ادارے خود بتا رہے ہیں، بلاول بھٹو جتنی مرضی کوشش کرلیں ان کے چنگل میں نہیں آئیں گے۔

انہوں نے کہا کہ فواد چوہدری پی ٹی آئی اور عمران خان کا کھلاڑی ہے، کسی کو بھی نکالا نہیں گیا، عمران خان نے بیٹنگ آرڈر تبدیل کیا، عمران خان تبدیلی کے ذریعے پاکستان کو جتوانا چاہتے ہیں۔

فردوس عاشق اعوان نے کہا کہ کوئی شخص بھی ملک، منسٹری یا کاروبار اکیلے نہیں چلا سکتا، وقت سب سے بڑا استاد ہوتا ہے اور بہت کچھ سکھا دیتا ہے، ماحول، موسم بدلنے سے کچھ لوگ اچھا پرفارم کرجاتے ہیں۔

مزید پڑھیں: ووٹ کوعزت دینے والے وزیر اعلیٰ پنجاب کوعزت دیں:‌ فردوس عاشق اعوان

مشیر اطلاعات نے کہا کہ موجودہ حالات میں ٹیم ورک کے سوا کوئی چارہ نہیں ہے، حلقے کی سیاست میں عزت زیادہ معنی رکھتی ہے، ووٹ سے آئی ہوں تنقید ہوگی تو علاج کرنا میری ذمہ داری ہے۔

فردوس عاشق اعوان نے کہا کہ حفیظ ششیخ اچھے وزیر خزانہ اور ٹیکنوکریٹ تھے، ان کا کام خزانے کی چوری روکنا تھا انہوں نے اپنا کام کیا، کسی ڈیپارٹمنٹ میں چوری ہورہی تھی تو حفیظ شیخ کا تعلق نہیں تھا۔

انہوں نے کہا کہ حفیظ شیخ آصف زرداری کی معاشی دہشت گردی میں حصہ دار بن جاتے تو وزیر خزانہ بنے رہتے، این ایف سی کے تحت رقم صوبے میں غلط طریقے سے استعمال ہو تو اس کا آڈٹ کرنا ان کی ذمہ داری نہیں تھی۔

مشیر اطلاعات کا کہنا تھا کہ پی پی دور میں حفیظ شیخ کسی کے ہاتھوں کھلونا نہیں بنے، ماضی میں حفیظ شیخ آنکھوں کا تارہ نہیں بنے اس لیے انہیں تبدیل کردیا گیا۔

لاہور: وزیرِ اعظم کے معاونِ خصوصی افتخار درانی نے کہا ہے کہ حکومت آئی ایم ایف کے پاس عوام کی خاطر جا رہی ہے۔

تفصیلات کے مطابق افتخار درانی اے آر وائی نیوز کے پروگرام الیونتھ آور میں گفتگو کر رہے تھے، انھوں نے کہا کہ آئی ایم ایف کے پاس عمران خان اپنی ذات کے لیے نہیں جا رہے، حکومت آئی ایم ایف کے پاس عوام کی خاطر جا رہی ہے۔

[bs-quote quote=”عمران خان نے عوام کے لیے کمپرومائز کیا اور آئی ایم ایف کے پاس گئے۔” style=”style-7″ align=”left” color=”#dd3333″ author_job=”افتخار درانی”][/bs-quote]

معاونِ خصوصی نے کہا کہ آئی ایم ایف کے ساتھ جو بھی معاہدہ ہوگا وہ عوام کو بتایا جائے گا۔

افتخار درانی کا کہنا تھا کہ ن لیگ کی حکومت اداروں میں بلین ڈالرز کے خسارے میں چھوڑ کر گئی، ملک کو اس نہج تک پہنچانے میں ماضی کی حکومت کا ہاتھ ہے، اسی لیے حکومت آئی ایم ایف کے پاس جا رہی ہے۔

معاونِ خصوصی نے مزید کہا کہ وزیرِ اعظم عمران خان نے عوام کے لیے کمپرومائز کیا اور آئی ایم ایف کے پاس گئے۔

یہ بھی پڑھیں:  آئی ایم ایف پاکستان کو 6 ارب ڈالرفراہم کرنےکیلئے تیار، معاہدہ اپریل میں متوقع

انھوں نے کہا ’ہم نے جو وعدے کیے ہیں انھیں پورا کریں گے، ہم نواز شریف کو جانے نہیں دے رہے، جیل سے بھی نہیں نکلنے دیں گے۔‘

افتخار درانی کا کہنا تھا کہ پنجاب میں پی اے سی کا فیصلہ وزیرِ اعلیٰ عثمان بزدار کے آنے کے بعد ہوگا، چاہے کتنی بھی کوشش کر لیں کسی کو این آر او نہیں دیا جائے گا۔

لاہور: وفاقی وزیر ریلوے شیخ رشید نے کہا ہے کہ نواز شریف کنجوس ہیں وہ بندے کی قیمت نہیں لگاتے لیکن آصف زرداری بندے کی قیمت لگانا جانتے ہیں۔

اے آر وائی نیوز کے پروگرام الیونتھ آور میں وسیم بادامی کے ساتھ گفتگو کرتے ہوئے شیخ رشید نے کہا آصف زرداری چھوٹی عدالتوں سے بچ نکلنے میں مہارت رکھتے ہیں۔

[bs-quote quote=”جمہوریت شریف یا زرداری خاندان کو قبول کرنے کو تیار نہیں، جمہوریت کے پاس بھی آپشن صرف عمران خان ہے۔” style=”style-7″ align=”left” color=”#dd3333″ author_name=”شیخ رشید” author_job=”وفاقی وزیر ریلوے”][/bs-quote]

شیخ رشید کا کہنا تھا ’آصف زرداری کا کیس نواز شریف کی طرز کا ہے، یہ لوگ کسی این آر او کی سازش کی طرف جا رہے ہوتے ہیں، شہباز شریف این آر او کی کوشش میں ہیں، نواز شریف کا نہیں معلوم۔‘

انھوں نے کہا کہ جنوری، فروری اور مارچ اہم مہینے ہیں، 30 مارچ تک معاملات ٹھیک ہو جائیں گے، 2019 پاکستان اور شاید دنیا کا سب سے اہم ترین سال ہے، پاکستان بحران سے نکل گیا تو اوپر چلا جائے گا، بحران ختم نہیں ہوا تو 180 ڈگری گر جائیں گے۔

شیخ رشید نے کہا ’نواز شریف کو شہباز شریف کی باتیں اب سمجھ آ رہی ہیں، مجھ سمیت تمام سیاست دانوں کا انجام برا دکھائی دے رہا ہے، دعا ہے 70 سالہ سیاست دان لوٹی دولت واپس لے آئیں۔‘

یہ بھی پڑھیں:  شیخ رشید کا ریلوے پولیس کی تنخواہ پنجاب پولیس کے برابر کرنے کا اعلان

انھوں نے کہا ’لوگ کام کرنے پر ووٹ دیتے ہیں، وزیر بننے کی بنیاد پر نہیں، عمران خان نے 20 فی صد بھی ڈیلیور کر دیا تو لوگ ہمیں معاف کر دیں گے ورنہ اگلے الیکشن میں معاف نہیں کیا جائے گا، عمران خان سے جتنی محنت ہو سکتی ہے وہ کر رہے ہیں۔‘

[bs-quote quote=”عمران خان نے 20 فی صد بھی ڈیلیور کر دیا تو لوگ ہمیں معاف کر دیں گے۔” style=”style-7″ align=”right” color=”#dd3333″ author_name=”شیخ رشید”][/bs-quote]

ان کا کہنا تھا ’شہباز شریف کو چیئرمین پی اے سی بنانے کے خلاف عدالت جا رہا ہوں، یہ چاہتے ہیں نیب کیسز سے نکالا جائے پھر یہ تمام قانون منظور کرا دیں گے، حکومت میں بعض لوگوں کی رائے ہے اسمبلی ان کو راضی رکھ کر چلائی جائے۔‘

شیخ رشید کا کہنا تھا کہ نواز شریف اور زرداری خاندان کی سیاست نہیں دیکھ رہا، جمہوریت شریف یا زرداری خاندان کو قبول کرنے کو تیار نہیں، وہ دونوں خاندانوں سے روٹھ چکی ہے، جمہوریت کے پاس بھی آپشن صرف عمران خان ہے۔

وزیر ریلوے نے کہا ’ریل کا پہیہ نہیں چلے گا تو معیشت نہیں چلے گی، کے سی آر کی آڑ میں 4 ہزار بڑے گھر رکاوٹ ہیں، کراچی سرکلر ریلوے اب بحال نہیں ہوئی تو کبھی نہیں ہو سکتی، سندھ حکومت خالی کرائے متاثرین کو ریلوے اراضی ہم دیں گے، بلاول بھٹو کو دعوت دیتا ہوں میرے ساتھ ٹرین کا سفر کریں، پی پی سندھ حکومت کے دور میں کراچی بہتر ہوتا دکھائی نہیں دے رہا۔‘