لاہور: سابق اسپیکر قومی اسمبلی سردارا ایاز صادق نے کہا ہے کہ وہ این اے ایک سو بائیس سے دوبارہ منتخب ہوکر اسمبلی میں واپس آئیں گے۔
لاہور میں غریب لڑکیوں میں جہیز تقسیم کرنے کی تقریب کا اہتمام کیا گیا اس موقع پر میڈیا سے گفتگو کرتےایاز صادق نے کہا کہ نیب ملک میں کس کے خلاف کیا کارروائی کررہا ہے نہیں جانتا کیوں کہ ضمنی انتخابات کی تیاریوں میں دن رات مصروف ہوں۔
انھوں نے اس امید کا اظہار کیا کہ اس بار بھی وہ الیکشن جیتیں گے،تقریب میں سو سے زائد غریب لڑکیوں میں جہیز کا سامان تقسیم کیا گیا۔
اسلام آباد: ن لیگ نے ضمنی انتخابات کے لیے اپنے امیدواروں کے ناموں کااعلان کردیاہے، پرویز رشید کہتے ہیں عمران خان کودوحلقوں میں امیدواربھی دستیاب نہ ہوسکے۔
ایک بیان میں وزیراطلاعات پرویز رشید کا کہنا تھا کہ کوئی بھی سنجیدہ شخص تحریک انصاف کا ٹکٹ لینے سے گریزاں ہے،عمران خان کودوحلقوں میں امیدوار بھی دستیاب نہ ہوسکے،پی ٹی آئی کاٹکٹ دیہاڑی اور بے روزگار سیاست دان لے سکتے ہیں۔
انہوں نے کہا کہ چیئرمین تحریک انصاف نے لاہور کی ترقی پرہمیشہ تنقید کی ہے، عمران خان انتخاب میں شیر کا سامنا کرنے سے بھاگ رہے ہیں، اب کس منہ سے لاہوریوں سے ووٹ مانگیں گے۔
اسلام آباد: وفاقی وزیراطلاعات پرویز رشید کا کہنا ہے کہ دونوں حلقوں میں الیکشن لڑ کر دوبارہ پارلیمان میں آئیں گے،عمران خان اور جہانگیر ترین جتنی بھی کوشش کرلیں بھاگنے نہیں دیں گے۔
عمران خان کو بھاگنے نہیں دیں،ضمنی الیکشن بھرپور تیاری سے لڑیں گے، مسلم لیگ نے عوامی عدالت میں جانے کا اعلان کردیا۔
وفاقی وزیراطلاعات پرویز رشید کاکہنا تھا کہ عمران خان اور جہانگیر ترین کو اب بھاگنے نہیں دیں گے، پرویزرشید نے کہا کہ پی ٹی آئی نے اسی الیکشن کمیشن کے تحت بلدیاتی انتخاب لڑا اب بہانہ نہیں چلےگا۔
وفاقی وزیراطلاعات نے دعویٰ کیا کہ ضمنی الیکشن میں دوہزار تیرہ سے بھی زیادہ ووٹ لیں گے،پرویز رشید نے کہا جب بھی ڈبے کھلے اندر سے شیر ہی نکلا ہے اس الیکشن میں فتح ن لیگ کی ہوگی۔
اسلام آباد : وفاقی وزیر اطلاعات و نشریات پرویز رشید نے کہا ہے کہ الیکشن ٹریبونل کے فیصلے کا احترام کرتے ہیں لیکن اتفاق نہیں کرتے، تعصبانہ فیصلے کے خلاف سپریم کورٹ سے رجوع کریں گے۔
فیصلے میں ایازصادق پر کوئی بے ضابطگی ثابت نہیں ہوسکی،اسلام آباد میں ہری پور سے کامیاب ہونیوالے رکن اسمبلی بابر نواز کے اعزاز میں ظہرانے کا اہتمام کیاگیا۔
ظہرانے میں وفاقی وزیر اطلاعات پرویز رشید، سابق وزیر اعلیٰ کے پی کے پیر صابر شاہ سمیت دیگر رہنماﺅں نے شرکت کی ۔ بعدازاں میڈیا سے گفتگو کے دوران پرویز رشید کا کہنا تھا کہ الیکشن ٹریبونل کے فیصلے کا احترام کرتے ہیں لیکن اتفاق نہیں کرتے۔
فیصلے میں ایازصادق پر کوئی بے ضابطگی ثابت نہیں ہوسکی، پرویز رشید کا مزید کہنا تھا کہ فیصلے میں ن لیگ کے ساتھ زیادتی کی گئی ہے، جنہیں منصفانہ کردار ادا کرنا چاہیے تھا ان پر انصاف کی بجائے تعصب اور خودنمائی حاوی ہوگئی ہے۔
فیصلے کے خلاف سپریم کورٹ سے رجوع کرینگے اور اس کا فیصلہ بھی تسلیم کرینگے۔ قبل ازیں تقریب سے خطاب کرتے ہوئے پرویز رشید کا کہنا تھا کہ پی ٹی آئی اور ن لیگ میں یہی فرق ہے کہ ہم کارکنوں کو عزت دیتے ہیں جبکہ تحریک انصاف والے کنٹینرپر کھڑے ہونے کےلئے لاشوں کے انبار لگادیتے ہیں۔
چیئرمین پی ٹی آئی کو کم مارجن ہار سے فرق نہیں پڑتا، بابر نواز نے بڑی لیڈ سے جیت کر عمران خان کی تسلی کرادی ہے۔ تقریب سے وزیراعظم کے معاون خصوصی ڈاکٹر آصف کرمانی، پیر صابر شاہ سمیت دیگر رہنماﺅں نے بھی خطاب کیا۔
لاہور : الیکشن ٹریبونل نے این اے 122 کے انتخابات کو کالعدم قرار دے کرحلقے میں ری الیکشن کا حکم دے دیا جس کے نتیجے میں سردار ایازصادق ممبر اوراسپیکر قومی اسمبلی نہیں رہے ۔
تفصیلات کے مطابق تحریک انصاف کو بہت بڑی کامیابی مل گئی ہے۔ عمران خان نے این اے 122 میں مسلم لیگ ن کے امیدوار سردار ایاز صادق کے خلاف دھاندلی کی درخواست کمیشن میں جمع کرائی تھی جس پر 2 سال بعد الیکشن کمیشن نے سردار ایاز صادق کی اسمبلی رکنیت ختم کرکے این اے 122 میں دوبارہ انتخابات کے انعقاد کا حکم جاری کردیا ہے۔
الیکشن ٹریبونل نے 9 گھنٹے تاخیر کے بعد شام 7 بجے اپنا فیصلہ سنایا، ٹربیونل نے پنجاب اسمبلی کے حلقہ پی پی 147کے نتائج بھی منسوخ کردیئے۔
لاہورمیں میاں محسن لطیف کے حلقے پی پی 147 میں بھی دوبارہ انتکابات کا حکم دیا گیا ہے جبکہ اسپیکرقومی اسمبلی ایاز صادق نے الیکشن ٹریبونل کے فیصلے کو سپریم کورٹ میں چیلنج کرنے کااعلان کردیا ہے۔
PTI has all the reasons to dance out loud today (until the decision is challenged and reversed as usual) #NA122
— Syed Ali Raza Abidi (@abidifactor) August 22, 2015
قومی اسمبلی کے اسپیکر سردارایاز صادق کا کہنا تھا کہ فیصلے میں دھاندلی کا کہیں ذکر نہیں ہے اور بے ضابطگی کا میں کسی طرح بھی ذمہ دار نہیں ہوں۔
Congratulations PTI on #NA122 – Déjà Vu Saad Rafiq. — Syed Ali Raza Abidi (@abidifactor) August 22, 2015
الیکشن ٹربیونل کے باہرمیڈیا سے گفتگو کرتے ہوئے ایاز صادق کے بیٹے علی ایاز صادق نے کہاکہ 80 صفحات کے فیصلے میں کہیں بھی نہیں لکھا کہ دھاندلی ثابت ہوئی، ابھی بھی ہمارا یہی موقف ہے کہ دھاندلی نہیں کی۔
Imran Khan was born to win. He has won the hearts of millions of people already & continues to strive for a just Pakistan.
— Reham Khan (@RehamKhan1) August 22, 2015
الیکشن ٹربیونل نے نادرا کی جانب سے پیش کی گئی سپلیمنٹری رپورٹ بھی مسترد کر دی۔ فیصلہ آنے کے بعد الیکشن ٹربیونل کے باہر موجود تحریک انصاف کے کارکنوں میں خوشی کی لہر دوڑ گئی۔
کارکنوں نے ڈھول کی تھاپ پر بھنگڑے ڈالے اور ایک دوسرے کو مٹھائیاں کھلائیں۔ واضح رہے گیارہ مئی دو ہزار تیرہ کو ملک بھر میں ہونیوالے عام انتخابات میں لاہور کے حلقہ این اے ایک سو بائیس سے مسلم لیگ سردار ایاز صادق 93 ہزار 389 ووٹ لیکر کامیاب ہوئے۔
عمران خان 84517 ووٹ حاصل کر سکے یعنی عمران خان کو 8 ہزار 872 ووٹوں سے شکست کا سامنا کرنا پڑا تھا۔
اسلام آباد : وزیر داخلہ چوہدری نثارعلی خان نے کہا ہے کہ جب سے ہم نےحکومت سنبھالی اسلحہ لائسنس پر پابندی لگائی ہے اس وقت ساڑھے سات ہزار پاکستانیوں کا نام ای سی ایل میں شامل ہے۔
یہ بات انہوں نے اسلام آباد میں پریس کانفرنس سے خطاب کرتے ہوئے کہی، چوہدری نثار نے کہا کہ روزتماشے کئے جارہے ہیں۔ الیکشن ٹریبونل شٹ اپ کال کیوں نہیں دیتا۔
وفاقی وزیرداخلہ کا کہنا تھا کہ دھاندلی کافیصلہ الیکشن ٹریبونل کے سوا نادرایا کسی اورادارےکو نہیں کرنا، وفاقی وزیر داخلہ کا کہنا تھا کہ پاکستان میں بلٹ پروف گاڑیاں فیشن بن گئی ہیں۔اسلحہ رکھنے والا شخص ٹیکس دہندہ ہونا چاہئیے۔
انہوں نے کہا کہ 25سال سے کم عمر افراد کو اسلحہ لائسنس جاری نہیں کیا جائے گا۔ چوہدری نثار کا کہنا تھا کہ اب تک کسی سیکیورٹی ایجنسی کو اسلحہ لائسنس نہیں دیا۔ایف آئی اے میں 64اہلکاروں کو سائیڈ لائن کردیا گیا۔
چوہدری نثار نے کہا کہ کچھ لوگوں کا کہنا ہے کہ نادرا پر حکومت کا دباؤ ہے انتخابی دھاندلی کا فیصلہ نادرا یا کسی اور ادارے کو نہیں کرناالیکشن ٹریبونل کو انتخابی دھاندلیوں کا فیصلہ کرنا ہے۔
وزیر داخلہ نے کہا کہ سکینڈل کی راہ میں کوئی رکاوٹ بنا تو عوام کے سامنے لاؤں گا۔ای سی ایل سے متعلق قانون بہت جلد بنا لیا جائے گا۔ انہوں نے کہا کہ ماضی میں بیرون ملک سے لاکر بڑے بڑے مجرموں کو چھوڑ دیا گیا۔ابتدائی طور پر ایک سال کیلئے ای سی ایل میں نام ڈالا جائے گا۔
وزیر داخلہ نے کہا کہ تھائی لینڈ میں تعینات سفیر قونصلر اور ایک اہلکار کو سمن جاری کئے گئے ہیں جو ملزمان کو چھوڑنے کے واقعے میں ملوث ہیں۔تحقیقاتی اداروں نے عمران فاروق قتل کیس میں تفتیش مکمل کر لی ہے۔
انہوں نے کہا کہ عدالتی احکامات یا سیکیورٹی ایجنسیاں کی سفارش پر نام ای سی ایل میں ڈالا جائے گا۔اسلحہ لاسئنس کی تحقیقات کے بعد 4500اسلحہ لائسنس جعلی نکلے۔
غیر قانونی بلٹ پروف گاڑیاں بنانے والوں کے خلاف تحقیقات شروع کردی گئی ہیں۔بلا خوف تمام اہم کیسوں کو منطقی انجام تک پہنچایا جائے گا۔
لاہور: نادرا نے این اے ایک سو بائیس کی فرانزک رپورٹ الیکشن ٹریبونل میں جمع کرا دی ۔
این اے122 کی فرانزک رپورٹ نادرا نے الیکشن ٹریبونل میں پیش کردی، رپورٹ کی کاپی اے آر وائی نیوز نے حاصل کرلی، رپورٹ کے مطابق حلقے میں تیرانوے ہزار ووٹوں کی تصدیق نہ ہوسکی۔
نادرانےحلقہ این اے122میں انگوٹھوں کی تصدیق مکمل کرکے فرانزک رپورٹ الیکشن ٹریبونل میں پیش کردی، حلقے کے 84پولنگ اسٹیشن کی جانچ کی گئی۔
رپورٹ کے مطابق6123کاؤنٹرفائل پرجعلی شناختی کارڈ نمبردرج تھے، پولنگ اسٹیشن نمبر13اور27میں370 کاؤنٹرفائلز پر شناختی کارڈ نمبر ہی نہیں تھے، حلقےمیں1لاکھ84ہزار ووٹ کاسٹ ہوئے تھے، جس میں سے 73ہزار478ووٹوں کی تصدیق ہوئی، جن میں51ووٹوں کی تصدیق نہیں ہو سکی۔
فنگرپرنٹس کوالٹی اچھی نہ ہونے کی وجہ سے نادرا سسٹم 93ہزار852ووٹوں کی تصدیق نہ کرسکا، 570شناختی کارڈز حلقے میں رجسٹرڈ ہی نہیں تھے۔
سماعت 16 مئی تک ملتوی کرتے ہوئے ڈائریکٹر نادرا کو طلب کر لیا گیا ہے، تحریک انصاف کے سربراہ عمران خان اور سپیکر قومی اسمبلی سردار ایاز صادق کے وکلاء رپورٹ اپنے حق میں آنے کے دعوے کرتے رہے۔
الیکشن ٹریبونل کاظم علی ملک نے حلقہ این اے 122 دھاندلی کیس کی سماعت کی، نادرا کی جانب سے ووٹوں کی فرانزک رپورٹ پیش کی، جو ٹریبونل نے فریقین کے وکلاء کو فراہم کر دی۔ ٹریبونل نے کیس کی سماعت 16 مئی تک ملتوی کرتے ہوئے ڈائریکٹر نادرا کو طلب کر لیا ہے۔
سماعت کے بعد تحریک انصاف کے سربراہ عمران خان کے وکیل شعیب صدیقی نے میڈیا سے گفتگو کرتے ہوئے کہا کہ نادرا کی فرانزک رپورٹ 781 صفحات پر مشتمل ہے، جس کے مطابق حلقے میں مجموعی طور پر 1 لاکھ 84 ہزار ووٹ ڈالے گئے، جن میں سے 93 ہزار 582 کی تصدیق نہیں ہو سکی، 73 ہزار 478 ووٹوں کی انگوٹھوں کے نشانات کے ذریعے تصدیق ہوئی ہے۔
انہوں نے کہا کہ رپورٹ کے مطابق 570 ووٹرز حلقے میں رجسٹرڈ ہی نہیں تھے جبکہ 1715 کاؤنٹر فائل پر انگوٹھوں کے نشانات نہیں تھے۔ عمران خان کے وکیل نے کہا کہ رپورٹ میں 6123 ایسے ووٹوں کی نشاندہی کی گئی جو جعلی شناختی کارڈز پر ڈالے گئے۔ 255 ووٹوں کیلئے ڈوپلیکیٹ شناختی کارڈز استعمال کئے گئے۔
شعیب صدیقی نے کہا کہ حلقے میں کل 284 پولنگ اسٹیشنز تھے، رپورٹ میں دھاندلی ثابت ہو چکی ہے۔
اس موقع پر سپیکر قومی اسمبلی سردار ایاز صادق کے بیٹے علی ایاز نے میڈیا سے گفتگو کرتے ہوئے کہا کہ رپورٹ ابھی ملی ہے، پڑھنے کے بعد رائے دینگے، کسی کی خواہشات پر استعفٰی نہیں دیا جا سکتا۔ انہوں نے کہا کہ استعفٰی تو عمران خان کو دینا چاہیئے جنہوں نے کنٹینر پر کھڑے ہو کر بولا تھا کہ استعفٰی لے کر یا دے کر جاؤں گا۔
ان کا کہنا تھا کہ عمران خان کے وکلاء نے یہ کیسے کہہ دیا کہ نادرا سے ووٹوں کی تصدیق نہیں ہوئی، تمام ووٹوں کی تصدیق ہو چکی ہے۔
لاہور: الیکشن ٹریبونل نے تحریک انصافِ کے چیئرمین عمران خان کی این اے ایک سو بائیس میں نادرا کے ذریعے ووٹوں کی دوبارہ تصدیق کیلئے دائر درخواست منظور کرلی ہے۔
الیکشن ٹریبونل نے نادرا سے تصدیق کیلئے عمران خان کو پانچ لاکھ روپے فیس جمع کرانے کی ہدایت کی ہے جبکہ اس حلقے سے کامیاب اسپیکر قومی اسمبلی سردار ایاز صادق کے وکیل نے کہا کہ الیکشن ٹربیونل کے عبوری فیصلے کو چیلنج نہیں کرسکتے، اسلئے درخواست دائر نہیں کرینگے۔
انکا کہنا تھا کہ حتمی فیصلے کیخلاف اسے چیلنج کیا جائیگا۔
ٹریبونل نے حلقہ این اے ایک سو بائیس میں مبینہ دھاندلی کیس کی سماعت گیارہ مارچ تک ملتوی کردی۔
الیکشن ٹریبونل کی جانب سے عمران خان کی درخواست منظور ہونے کے بعد مسلم لیگ ن کے کارکنوں نے عمران خان کیخلاف نعرے بازی کی، الیکشن ٹریبونل نے پی پی ایک سو سینتالیس میں بھی نادرا سے ووٹوں کی تصدیق کا حکم دیدیا۔
پی پی ایک سو سینتالیس میں پی ٹی آئی کے شعیب صدیقی نے ووٹوں کی تصدیق کی درخواست دائرکر رکھی ہے، جہاں سے ن لیگ کے محسن لطیف کامیاب ہوئے تھے۔
واضح رہے کہ حلقہ این اے 122 لاہور سے 2013 کے عام انتخابات میں قومی اسمبلی کے سپیکرسردار ایاز صادق پاکستان تحریکِ انصاف کے چئیرمین عمران خان کے مدمقابل تھے اور کامیاب قرار پائے تھے۔
لاہور: الیکشن ٹریبونل نے حلقہ این اے 125 کے دو پولنگ سٹیشنوں کے ووٹوں کی نادرا سے تصدیق کروانے کا حکم دے دیا۔
الیکشن ٹریبونل کے جج رشید محبوبی نے کیس کی سماعت کی، پولنگ سٹیشن 110 اور 111 کے ووٹوں کی فرانزک رپورٹ مرتب کرنے والے کمیشن نے اپنا بیان ریکارڈ کروایا جس میں کمیشن کا کہنا تھا کہ دونوں پولنگ سٹیشن کے 617 ووٹوں کی شناخت ہو سکی باقی ووٹوں کی شناخت نہیں ہو سکی ۔
لوکل کمیشن کے بیان کے بعد ٹریبونل نے دونوں پولنگ سٹیشنوں کے ووٹوں کی تصدیق نادرا سے کروانے کا حکم دے دیا ۔
حلقے سے مسلم لیگ ن کے خواجہ سعد رفیق کامیاب ہوئے جس کے خلاف تحریک انصاف کے حامد خان نے دھاندلی کےا لزامات کے تحت درخواست دائر کر رکھی ہے ۔
الیکشن ٹریبونل میں حلقہ این اے 125 کے پولنگ اسٹیشن 110 اور 111 کے حوالے سے فرانزک رپورٹ جمع کروائی گئی رپورٹ کے مطابق پولنگ سٹیشن 110 میں 939 کل ووٹ تھے ۔
جن میں سے 480 ووٹوں کے انگوٹھوں کے نشانات کی تصدیق نہ ہو سکی جبکہ 459 ووٹ درست پائے گئے ۔ پولنگ اسٹیشن 111 میں کل 784 ووٹ تھے جن میں سے 626 ووٹوں کی تصدیق نہیں ہو سکی تاہم 158 ووٹ درست تھے ۔
حلقے سے مسلم لیگ ن کے خواجہ سعد رفیق نے کامیابی حاصل جس کے خلاف تحریک انصاف کے حامد خان نے دھاندلی کےا لزامات کے تحت درخواست دائر کر رکھی ہے۔
الیکشن ٹریبونل کے حکم پر دونوں پولنگ سٹیشنوں کے ووٹوں کی نادرا کے ذریعے تصدیق کرائی گئی۔