Tag: الیکشن ٹریبونل

الیکشن ٹریبونل نے این اے انیس میں کامیاب پی ٹی آئی امیدوار راجہ عامر کی کامیابی کا نوٹیفکشن معطل کرتے ہوئے سات پولنگ اسٹیشن پر دوبارہ پولنگ کا حکم دے دیا۔

پاکستان مسلم لیگ ن کے امیدوار عمر ایوب خان کی جانب سے الیکشن ٹربیونل ایبٹ آباد میں درخواست دائر کی گئی تھی، کہ ہری پور میں قومی اسمبلی کے حلقہ این اے انیس کے سات بولنگ اسٹیشن پر دھاندلی ہوئی ہے۔

جس پر الیکشن ٹربیونل کے جج زیاؤ دین خٹک نے فیصلہ سناتے ہوئے اس حلقے کے سات پولنگ اسٹیشنز پر دوبارہ پولنگ کا حکم دے دیاْ جبکہ الیکشن کمیشن کو حکم جاری کیا، اس حلقے سے کامیاب پی ٹی آئی امیدوار راجہ عامر زمان کی کامیابی کا نوٹیفکشن معطل کیا جائے۔
       

الیکشن ٹریبونل نے حلقہ پی کے اکیاسی سوات کے بائیس پولنگ اسٹیشنز پر دوبارہ پولنگ کا حکم دے دیا۔

عام انتخابات میں حلقہ پی کے اکیاسی سے تحریک انصاف کے عزیزاللہ کو کامیاب قرار دیا گیا تھا، جس کے بعد مخالف امیدوار جے یو آئی کے حبیب اللہ نے حلقے میں دھاندلی کا الزام عائد کیا تھا۔

الیکشن ٹریبونل نے آج فیصلہ سناتے ہوئے پی کے اکیاسی کے بائیس پولنگ اسٹیشنز پر دوبار پولنگ کا حکم دیا ہے۔