اسلام آباد : الیکشن کے لئے ملک بھر کے پولنگ اسٹیشنز کی درجہ بندی اے، بی اور سی کیٹگری میں تقسیم کردی گئی۔
تفصیلات کے مطابق ملک بھر میں انتہائی حساس اور حساس پولنگ اسٹیشنز کی درجہ بندی مکمل کرلی۔
جس کے تحت ملک بھر کے پولنگ اسٹیشنز کی درجہ بندی اے، بی اور سی کیٹگری میں تقسیم کردی گئی، 32 ہزار 508 پولنگ اسٹیشنز حساس اور ساڑھے 17 ہزار سے زائد پولنگ اسٹیشنز انتہائی حساس قرار دیئے گئے ہیں۔
بلوچستان کے 2 ہزار 38 اور خیبرپختونخواکے 4 ہزار 344پولنگ اسٹیشنز انتہائی حساس قرار دیئے گئے ہیں جبکہ پنجاب کے 15 ہزار 829 پولنگ اسٹیشنز حساس قراردیے۔
سندھ میں 8ہزار 30، بلوچستان میں2ہزار68 اور خیبرپختونخوامیں ساڑھے6ہزارسےزائد پولنگ اسٹیشنز حساس کیٹگری میں شامل ہیں۔