پشاور: الیکشن کمیشن آف پاکستان نے کہا ہے کہ کےپی سینیٹ انتخابات آئین و قانون کے مطابق غیرجانبدارانہ طریقے سے منعقد ہوئے۔
تفصیلات کے مطابق الیکشن کمیشن نے کہا ہے کہ کےپی سینٹیٹ انتخابات کی پولنگ کے دوران امیدواروں کے پولنگ ایجنٹس کا کوئی اعتراض سامنے نہیں آیا، کےپی اسمبلی میں ووٹنگ کے دوران بیلٹ باکس سب کے سامنے تھا۔
الیکشن کمیشن نے کہا کہ انتخابی عملہ قانون کے مطابق ارکان کو بیلٹ پیپرز دیتا رہا، ارکان اسمبلی پولنگ بوتھ میں بیلٹ پیپر بھرکر بیلٹ باکس میں ڈالتے رہے۔
اس سے قبل الیکشن کمیشن نے سینیٹ انتخابات کے مکمل نتائج جاری کیے تھے، جاری کردہ مکمل نتائج کے مطابق مجموعی طور پر 143 ووٹ کاسٹ ہوئے۔
خواتین کی نشست پر پی ٹی آئی کی روبینہ ناز نے 89 ووٹ حاصل کیے، پیپلزپارٹی کی روبینہ خالد نے 52 ووٹ حاصل کیے، خواتین کی نشست پر عائشہ بانو اور ماہ وش علی خان کوئی ووٹ حاصل نہ کرسکیں۔
خیبر پختونخوا سینیٹ انتخابات، تمام اُمیدوار بلامقابلہ منتخب، ذرائع
الیکشن کے مطابق جنرل نشست پر پی ٹی آئی کے مراد سعید 26، فیصل جاوید 22 ووٹ لے کر کامیاب قرار پائے، جنرل نشست پر مرزا آفریدی 21 اور نور الحق قادری 21 ووٹ لے کر کامیاب ہوئے۔
جنرل نشست پر جے یو آئی کے عطا الحق درویش18، ن لیگ کے نیاز احمد 18 ووٹ لیکر کامیاب ہوئے، جنرل نشست پر پیپلزپارٹی کے طلحہٰ محمود 17 ووٹ لے کر کامیاب قرار پائے۔
جنرل نشست پر آصف رفیق، اظہرقاضی مشوانی، خرم ذیشان، دلاورخان ووٹ نہ لے سکے، شفقت ایاز، عرفان سلیم، فیض الرحمان، وقاص اوکرزئی ووٹ نہ لے سکے۔
الیکشن کمیشن کے مطابق ٹیکنوکریٹ نشست پر اعظم سواتی 89 اور جے یو آئی کے دلاور خان 54 ووٹ لے کر کامیاب قرار پائے، خالد مسعود، ارشاد حسین، نور الحق قادری، وقار احمد قاضی کوئی ووٹ حاصل نہ کرسکے۔
https://urdu.arynews.tv/kp-senate-elections-4-candidates-withdraw/
