Tag: الیکشن کمیشن پاکستان

اسلام آباد: الیکشن کمیشن آف پاکستان نے انتخابات میں تاخیر کے حوالے سے قیاس آرائیوں کی تردید کی ہے۔

تفصیلات کے مطابق صدر مملکت ڈاکٹر عارف علوی کی انٹرویر پر ردعمل دیتے ہوئے الیکشن کمیشن آف پاکستان نے کہا کہ الیکشن کمیشن کی آئندہ عام انتخابات کے حوالے سے تیاریاں مکمل ہیں، حلقہ بندیوں کی حتمی اشاعت کے فوراً بعد انتخابی شیڈول کا اعلان کیا جائے گا۔

 ترجمان الیکشن کمیشن کا کہنا ہے کہ انتخابات میں کسی قسم کا ابہام نہیں، انتخابات ملتوی ہونے کا کوئی امکان نہیں ہے، حلقہ بندی کا پہلا مرحلہ مکمل ہو چکا ہے جبکہ اعتراضات دائر کرنے کا مرحلہ کل مکمل ہو جائے گا۔

ترجمان الیکشن کمیشن نے مید کہا کہ حلقہ بندی پر اعتراضات کی سماعت 31،30 اکتوبر سے شروع ہوگی، 30 نومبر کو الیکشن کمیشن حلقہ بندیوں کی حتمی فہرست شائع کر دے گا، الیکشن کے انعقاد کیلئے ایکشن پلان کے مطابق تمام تیاریاں مکمل ہیں۔

لاہور: پاکستان تحریک انصاف کے رہنما فواد چوہدری نے کہا ہے کہ الیکشن کمیشن پاکستان کیساتھ کھلواڑ میں حصہ دار ہیں۔ 

تفصیلات کے مطابق لاہور میں میڈیا سے گفتگو کرتے ہوئے پی ٹی آئی کے رہنما فواد چوہدری نے کہا کہ زمان پارک پر تحقیقات کےلیے بنائی گئی تحقیقاتی ٹیم کیخلاف درخواست دائر کی، آئی جی اور سی سی پی او کیسے معاملے کی تفتیش کرسکتے ہیں، یہ جے آئی ٹی غیر قانونی ہے، اصل میں جوڈیشل کمیشن بنانا چاہیے۔

فواد چوہدری کا کہنا تھا کہ جو قاتل ہیں وہی تفتیش کرنے پر لگے ہیں، سیاسی ورکرز پر دہشتگردی کی دفعات لگائی جارہی ہیں، پاکستان میں جو سیاسی کارکنوں کے ساتھ ہوا تاریخ میں مثال نہیں ملتی، ارشد شریف جیسے نامور صحافی قتل کردیا گیا، 3500 سے زائد کارکنوں کو گرفتار اور ہراساں کیاگیا۔علی امین گنڈاپور کو دیکھ لیں ایک سےدوسری عدالت لیکر جاتے ہیں۔

ان کا کہنا تھا کہ وزارت دفاع نے جو مطالبہ کیا آئین کی بنیادیں ہلانے کے مترادف ہے، وزارت دفاع نے کہا ہے پاکستان فیڈریشن اسٹیٹس ختم کریں یونٹی فارم بنادیں، یہ مطالبہ کررہے ہیں فیڈریشن ختم کردیں اورون یونٹ بحال کردیں، جو مطالبہ کیا جارہا ہے یہ چھوٹے صوبوں کو ناقابل قبول ہوگا، آپ نے یہ درخواست دے کر آئین کی بنیادیں ہلادی ہیں، آئین کیساتھ جو کھلواڑ ہورہا ہے یہ بہت ہی خطرناک ہے۔

پی ٹی آئی رہنما نے کہا کہ الیکشن کمیشن کہتے ہیں الیکشن نہیں کراسکتے تو الیکشن کمیشن کا کیا کام ہے، آپ نئی گاڑیاں خرید رہے ہیں مگر اتنے خوفزدہ ہیں باہر نکل نہیں سکتے، آپ پاکستان کیساتھ کھلواڑ میں حصہ دار ہیں، کوئی الیکشن کمیشن یہ نہیں کہہ سکتا کہ ہم الیکشن نہیں کراسکتے۔

انہوں نے مزید کہا کہ وزارت داخلہ کہتی ہے سیکیورٹی نہیں دے سکتے، وزارت دفاع کہتی ہے دہشتگردوں کا خطرہ ہے، وزارت خزانہ کہتی ہے پیسے نہیں دے سکتے، اگر ایسا پہ چلتا رہا تو لوگ گھر سے باہر نکلیں گے اور حالات سری لنکا اور ترکی جیسے ہوجائیں گے۔