Tag: الیکشن کمیشن کے فیصلے.

اسلام آباد : الیکشن کمیشن کے فیصلے کے بعد پی ٹی آئی کے مزید 3 ڈونرز سامنے آگئے اور الیکشن کمیشن کے فیصلے پر اعتراض اٹھادیا۔

‌تفصیلات کے مطابق الیکشن کمیشن کے فیصلے کے بعد پی ٹی آئی کے ڈونرز کا سامنے آنے کا سلسلہ جاری ہے ، پی ٹی آئی کو فنڈز دینے والے ایک اور ڈونر سامنے آگئے اور الیکشن کمیشن کے فیصلے پر اعتراض اٹھادیا۔

کمپنی مالک شعیب احمد بسرا نے کہا کہ نیشنل فروٹ پروسیسنگ فیکٹری بھلوال سرگودھا میں ہے، 2011 میں پی ٹی آئی کو 10ہزار 500 روپے فنڈز دیئے تھے۔

شعیب احمدبسرا نے بتایا کہ الیکشن کمیشن نے میری کمپنی کوفارن فنڈنگ کمپنی کی فہرست میں ڈال دیا ، الیکشن کمیشن نےفیصلےمیں میری کمپنی کوکینیڈین کمپنی ظاہر کیا۔

آصف خان کا کہنا تھا کہ الیکشن کمیشن کا کیا مضحکہ خیز فیصلہ اور تفتیش ہے، میں نے اپنی کمپنی کے پے پال اکاؤنٹ سے2013 میں 100 ڈالرعطیہ دیا، الیکشن کمیشن نے میری سابقہ کمپنی پرابسٹ ان کارپوریشن کا نام ڈال دیا۔

برطانیہ میں رہنے والی ایک اور ڈونر بینش فریدی نے بھی الیکشن کمیشن فیصلے کو مضحکہ خیزقرار دے دیا۔

پاکستانی شہری بینش فریدی نے برطانیہ سے اپنے ویڈیو بیان میں کہا کہ 2013 کے الیکشن کے وقت پی ٹی آئی کو 250 ڈالر فنڈ دیا تھا، الیکشن کمیشن کو بتانا چاہتی ہوں میں پاکستانی ہوں غیر ملکی نہیں لیکن الیکشن کمیشن نے فیصلے میں مجھے کیسےغیر ملکی ظاہرکردیا ہے۔

بینش فریدی کا کہنا تھا کہ کس قانون کےتحت الیکشن کمیشن نےمجھےغیرملکی لکھاہے، الیکشن کمیشن محب وطن پاکستانیوں کوغیرملکی قراردینے کا سلسلہ بند کرے، یہ سلسلہ جاری رہا توالیکشن کمیشن کیخلاف قانونی چارہ جوئی کریں گے۔

اسلام آباد : پاکستان تحریک انصاف نے الیکشن کمیشن کے منحرف اراکین کے فیصلے کے خلاف سپریم کورٹ جانے کا اعلان کرتے ہوئے فیصلے کو احمقانہ قرار دے دیا۔

تفصیلات کے مطابق پی ٹی آئی کے سینئر نائب صدر فواد چوہدری نے الیکشن کمیشن کے فیصلے پر درعمل دیتے ہوئے کہا کہ الیکشن کمیشن کافیصلہ متوقع تھا، یہ بات واضح ہو چکی تھی کہ کیا فیصلہ آ رہا ہے۔

فواد چوہدری کا کہنا تھا کہ الیکشن کمیشن کے اس فیصلے کو سپریم کورٹ میں چیلنج کریں گے اور الیکشن کمشنر کے خلاف جوڈیشل کونسل میں ریفرنس دائرکریں گے۔

پی ٹی آئی کے سینئر نائب صدر نے کہا کہ الیکشن کمیشن ن لیگ کی بی ٹیم بن چکا ہے، الیکشن کمیشن سےکسی کوانصاف کی امیدنہیں رہی ، یہ سمجھ رہے ہیں کہ لوگ اندھے ہوگئے ہیں۔

ان کا مزید کہنا تھا کہ جو لوٹے ہوئےالیکشن کمیشن کہتاہے وہ آپ کاحصہ ہی ہیں، لوٹے اپنےحلقوں میں نواز شریف کی تصاویر لگاکر پھر رہے ہیں۔

فواد چوہدری نے الیکشن کمیشن کے فیصلے کو احمقانہ قرار دیتے ہوئے کہا کہ اس طرح کی لاقانونیت کے خلاف تحریک انصاف میدان میں آئے گی، یہ جنگ عوام کے ساتھ جیت کر دکھائیں گے۔

ان کا کہنا تھا کہ امید ہےکہ سپریم کورٹ اس فیصلےکودیکھےگی، سپریم کورٹ سے اس فیصلے پرانصاف کی امید ہے ، اس مسئلے پر پی ٹی آئی نہیں پاکستان کا آئین نافذ ہوگا،

منحرف ارکین کے حوالے سے سابق وفاقی وزیر نے کہا کہ اپنی پارٹی چھوڑکردوسری پارٹی جوائن کرلی تودوبارہ الیکشن لڑکرآئیں،ف کیا یہ بات عقل تسلیم کرتی ہے کہ لوٹے پی ٹی آئی میں ہیں؟ لوٹے ارکان کی وجہ سے سارا بھونچال ہوا، اب کہا جارہاہے یہ لوٹےآپ کی پارٹی میں ہیں۔