Tag: الیکشن کمیشن

اسلام آباد : مسلم لیگ ن نے الیکشن کمیشن کو حلقہ بندیوں کا عمل جلدی مکمل کرنے کی تجاویز دے دی اور کہا نومبرتک حلقہ بندیاں مکمل کرکےانتخابی شیڈول جاری کیا جاسکتا ہے۔

تفصیلات کے مطابق مسلم لیگ ن کے وفد کی الیکشن کمیشن حکام سے ملاقات کا احوال سامنے آگیا، ملاقات میں ن لیگ نے الیکشن کمیشن کو حلقہ بندیوں کا عمل جلدی مکمل کرنے کی تجاویز دے دی۔

ن لیگ نے تجویز دی کہ حلقہ بندیوں کا عمل 15 سے 20 دن قبل مکمل ہوسکتا ہے، نئی ووٹر لسٹوں کو ساتھ مرتب کرسکتے ہیں، نومبرتک حلقہ بندیاں مکمل کرکےانتخابی شیڈول جاری کیاجاسکتاہے، اس عمل سے جلدی انتخابات ممکن ہوسکیں گے۔

ن لیگ وفد کا کہنا تھا کہ آئین اور قانون کے مطابق جتنا جلدی الیکشن ہو ملک کیلئے بہتر ہے، ہماری تجویز پر الیکشن کمیشن مثبت جواب دیا،الیکشن کمیشن اپنی صلاحیت ،اہلیت دیکھ کر جلد انتخابات کی کوشش کرے گا۔

مسلم لیگ ن کی جانب سے کہا گیا کہ الیکشن کمیشن بھی چاہتا ہے کہ سیاسی عمل جاری رہے ،الیکشن کمیشن بھی یہ ذمہ داری جلد نبھانے کی خواہاں ہے اور آئین اور قانون 90 دن میں انتخابات کرانے کا کہتا ہے۔

وفد کا مزید کہنا تھا کہ آئین کے مطابق نئی مردم شماری کےسرکاری نتائج کے بعد نئی حلقہ بندیاں ضروری ہیں، امریکی سفیر کی الیکشن کمیشن حکام سے ملاقات الگ معاملہ ہے، انتخابات اندرونی معاملہ ہے امریکی سفیرکی ملاقاتیں اثر انداز نہیں ہوں گی۔

الیکشن کمیشن نے نگراں وزیراعلیٰ اور چیف سیکریٹری پنجاب کو خط لکھتے ہوئے کہا ہے کہ نگراں حکومت پالیسی سے متعلق بڑے فیصلے نہیں لے سکتی۔

اے آر وائی نیوز کے مطابق الیکشن کمیشن نے پنجاب کی نگراں حکومت کو بڑےاقدامات سے متعلق فیصلے لینے پر خبردار کیا ہے، الیکشن کمیشن کا خط میں کہنا تھا کہ پنجاب کی نگراں حکومت بڑے اقدامات سے متعلق فیصلے لے رہی ہے۔

الیکشن کمیشن کے مطابق نگراں حکومت پالیسی سے متعلق بڑے فیصلے نہیں لے سکتی، نگراں حکومت کا کام صرف ڈے ٹو ڈے افیئرز چلانا ہے۔

ڈپٹی کمشنرز گرین بیلٹ پر ہاؤسنگ سوسائٹیز کو این او سی دے رہے ہیں، یہ کام نگراں حکومت کا نہیں صرف منتخب حکومت ایسے فیصلے کر سکتی ہے۔

الیکشن کمیشن نے حکم دیتے ہوئے کہا کہ ہاؤسنگ سوسائٹیز کو این او سی دینا فوری طور پربند کیا جائے، ڈپٹی کمشنرزکو اس حوالے سے فوری ہدایات جاری کی جائیں۔

الیکشن کمیشن کا پنجاب حکومت کو لکھے گئے خط میں کہنا تھا کہ الیکشن کمیشن توقع کرتا ہے کہ نگراں حکومت آئین اور قانون کے مطابق فیصلے کرے گی۔

الیکشن کمیشن نے سیاسی جماعتوں کے سربراہان سے مالی سال کے گوشوارے مانگ لیے، گوشوارے 29 اگست تک جمع کرانے کی ہدایت کردی۔

اے آر وائی نیوز کے مطابق الیکشن کے 90 دنوں کے اندر ہونے کے تو کوئی امکانات نظر نہیں آرہے تاہم الیکشن کمیشن کی جانب سے سیاسی جماعتوں کے سربراہان سے مالی سال کے گوشوارے طلب کرلیے گئے ہیں۔

الیکشن کمیشن نے ہدایت کی ہے کہ مالی سال 23-2022 کے لیے گوشوارے 29 اگست تک جمع کرائے جائیں، آمدنی، اخراجات، فنڈنگ کے ذرائع، اثاثے اور واجبات کی تفصیلات بھی مانگی گئی ہیں۔

الیکشن کمیشن نے کہا کہ سیاسی جماعت کی آڈٹ رپورٹ مجاز عہدیدار سے دستخط شدہ ہو، تفصیلات الیکشن ایکٹ 2017 کے مطابق فارم ڈی پر جمع کرائی جائیں گی۔

واضح رہے کہ الیکشن کمیشن آف پاکستان نے حلقہ بندیوں کے شیڈول کا اعلان کرتے ہوئے کہا ہے کہ عام انتخابات 90 دن کے اندر نہیں ہو سکتے۔

ملک بھر میں نئی مردم شماری کی بنیاد پر حلقہ بندیوں کا فیصلہ کیا گیا ہے۔ جاری کردہ بیان میں کہا گیا کہ ادارے پر لازم ہے کہ وہ نئی حلقہ بندیاں کرے جس کی 14 دسمبر کو حتمی اشاعت کی جائے گی۔

اسلام آباد : الیکشن کمیشن کی حلقہ بندیوں سے متعلق ایک اور اہم بیٹھک آج ہوگی ، جس میں نئی حلقہ بندیاں کرنے سے متعلق حتمی فیصلہ ہونے کا قوی امکان ہے۔

تفصیلات کے مطابق چیف الیکشن کمشنرکی زیرصدارت الیکشن کمیشن کا اجلاس آج پھر ہوگا، جس میں نئی حلقہ بندیوں سےمتعلق فیصلے کا امکان ہے۔

گذشتہ روز چیف الیکشن کمشنر کی زیرصدارت ہونے والے اجلاس کا احوال سامنے آیا تھا ، ذرائع نے بتایا تھا کہ الیکشن کمیشن کے3اجلاس میں نئی حلقہ بندیاں کرانے سے متعلق تجاویز دی گئیں ہیں۔

ذرائع کا کہنا تھا کہ قانونی ٹیم نے الیکشن سے پہلےحلقہ بندیوں کوضروری قراردیا اور رائے دی کہ الیکشن کمیشن حلقہ بندیوں کے بغیر الیکشن نہیں کرانے چاہیں۔

قانونی ٹیم نے آئین کے آرٹیکل51 اورالیکشن ایکٹ کےسیکشن 17 کاحوالہ دیا، الیکشن کمیشن ارکان نے رائے دی کہ موجودہ حالات میں شفاف انتخابات بڑاچیلنج ہے، پرانی حلقہ بندیوں پراعتراضات پرغورکرناضروری ہے۔

ذرائع کے مطابق منظوری کی صورت میں حلقہ بندیوں پرہرصوبےکیلئےالگ کمیٹی قائم کی جائےگی اور حلقہ بندیوں کےلیےکم ازکم4 ماہ کاوقت درکارہوگا۔

اسلام آباد : الیکشن کمیشن نے نگران حکومت کے قیام تک ٹرانسفر اور پوسٹنگ پر پابندی لگا دی اور کہا نگراں حکومت کی تشکیل کےبعدٹرانسفرپوسٹنگ ہوسکتی ہے۔

تفصیلات کے مطابق الیکشن کمیشن نے وفاقی سطح پر پوسٹنگ اور ٹرانسفرپرپابندی لگا دی، اس حوالے سے الیکشن کمیشن نے سیکرٹری اسٹیبلشمنٹ ڈویژن کو خط لکھ دیا ہے۔

جس میں الیکشن کمیشن نے کہا ہے کہ قومی اسمبلی اوروفاقی کابینہ تحلیل ہو چکی ہے، نگران سیٹ اپ کی تشکیل تک ٹرانسفر پوسٹنگ روک دی جائے ، جلد نگراں وزیراعظم اور کابینہ کی تشکیل ہو جائے گی۔

خط میں کہا گیا ہے کہ علم میں آیا ہےبڑے پیمانے پرٹرانسفر پوسٹنگ کی منصوبہ بندی ہے، نگراں حکومت کے آنے تک ایسے اقدام سے گریز کیا جائے۔

الیکشن کمیشن کا کہنا تھا کہ نگراں حکومت کی تشکیل کےبعدٹرانسفرپوسٹنگ ہوسکتی ہے۔