Tag: الیکشن کمیشن

اسلام آباد : قانونی ٹیم نے الیکشن کمیشن کو نئی حلقہ بندیاں کرنے کی تجویزدے دی ، ذرائع کا کہنا ہے الیکشن کمیشن نئی حلقہ بندیاں سے متعلق اعلان جلد کیا جائے گا۔

تفصیلات کے مطابق چیف الیکشن کمشنر کی زیر صدارت نئی مردم شماری اور حلقہ بندیوں سے متعلق اجلاس ہوا ہے۔

چیف الیکشن کمشنرکی زیرصدارت نئی مردم شماری اورحلقہ بندیوں سے متعلق اجلاس میں چاروں ممبران کمیشن،سیکرٹری اورقانونی ٹیم نے شرکت کی۔

اجلاس میں قانونی ٹیم کی جانب سے نئی مردم شماری کے بعد حلقہ بندیوں پر بریفنگ دی گئی۔ ذرائع نے بتایا کہ قانونی ٹیم نے آرٹیکل 51 اور الیکشن ایکٹ کی شق 17سے متعلق بریفنگ دی۔

ذرائع کا کہنا ہے کہ قانونی ٹیم نےکمیشن کو نئی حلقہ بندیاں کرنےکی تجویزدے دی اور کہا ئی مردم شماری کےبعدالیکشن کیلئےحلقہ بندیاں ناگزیرہیں۔

ذرائع الیکشن کمیشن کے مطابق نئی حلقہ بندیاں کی جائیں گی یا نہیں اس حوالے سے الیکشن کمیشن جلد اعلان کرے گا۔

اسلام آباد: الیکشن کمیشن نے آج اہم اجلاس طلب کرلیا ، جس میں چیئرمین پی ٹی آئی کو پارٹی عہدے سے ہٹانے پر غور ہو گا۔

تفصیلات کے مطابق الیکشن کمیشن آف پاکستان نے اہم اجلاس آج 2بجےطلب کرلیا ، اجلاس کی سربراہی چیف الیکشن کمشنر سکندر سلطان راجہ کریں گے۔

اسلام آباد:اجلاس میں عام انتخابات کا معاملہ زیر غور آئے گا اور چیئرمین پی ٹی آئی کو پارٹی عہدے سے ہٹانے پر بھی غور ہو گا
.
اجلاس میں الیکشن کمیشن کے متعلقہ حکام کو شرکت یقینی بنانے کی ہدایت کردی گئی ہے۔

اسلام آباد : الیکشن کمیشن نے گریڈ1 سے 15 کے ملازمین کی اپ گریڈیشن کی منظوری دے دی، اپ گریڈیشن 5 ماہ سے التوا کا شکار تھی۔

تفصیلات کے مطابق چیف الیکشن کمشنر نے ملازمین کو بڑا ریلیف دے دیا ، الیکشن کمیشن نےگریڈ1 سے 15 کے ملازمین کی اپ گریڈیشن کی منظوری دے دی۔

نوٹیفکیشن میں کہا گیا ہے کہ 261ملازمین کو اگلے گریڈ میں ترقی کی منظوری دی گئی ، گریڈ 1 سے 5 کے ملازمین کو دو گریڈ ترقی دی۔

وزیراعظم نے فروری میں اپ گریڈیشن کی منظوری دی تھی ، جس کے بعد الیکشن کمیشن ملازمین کی اپ گریڈیشن 5 ماہ سے التوا کا شکار تھی۔

اسلام آباد : چیف الیکشن کمشنر سکندر سلطان راجہ نے متعلقہ حکام کو فوری ملازمین کی اپ گریڈیشن فائل تیار کرنے کی ہدایت کردی، آئندہ ہفتےملازمین کےمسائل حل کر دیے جائیں گے۔

تفصیلات کے مطابق الیکشن کمیشن ملازمین کی اپ گریڈیشن کے معاملے پر چیف الیکشن کمشنر سکندر سلطان راجہ نے نوٹس لے لیا اور سیکرٹری الیکشن کمیشن کو فوری مسائل حل کرنے کی ہدایت کردی۔

چیف الیکشن کمشنر نے متعلقہ حکام کوفوری ملازمین کی اپ گریڈیشن فائل تیار کرنے کی ہدایت کردی، ذرائع الیکشن کمیشن کا کہنا ہے کہ آئندہ ہفتےملازمین کےمسائل حل کر دیے جائیں گے۔

خیال رہے 4 ماہ سےملازمین کی اپ گریڈیشن کا معاملہ التوا کا شکار تھا ، وزیراعظم نےسرکاری ملازمین کی اپ گریڈیشن کی منظوری دی تھی ، گریڈ1 سے 5 کے دو ،گریڈ 6 سے 16 کا ایک گریڈ بڑھانے کی منظوری دی گئی تھی۔

بعد ازاں وزارت خزانہ نے الیکشن کمیشن کو مراسلہ ارسال کیا تھا۔

اسلام آباد: الیکشن کمیشن آف پاکستان نے جنرل الیکشن کے لئے پوسٹل بیلٹ پیپر کی پرنٹنگ شروع کردی ، قومی اسمبلی سمیت چاروں اسمبلیوں کے لئے پوسٹل بیلٹ پیپر پرنٹ ہوں گے۔

تفصیلات کے مطابق الیکشن کمیشن کی جنرل الیکشن کی تیاریاں جاری ہے ، الیکشن کے لئے پوسٹل بیلٹ پیپر کی پرنٹنگ شروع کردی گئی ہے۔

قومی اسمبلی کیلئے 10 لاکھ 26 ہزار ، پنجاب اسمبلی کیلئے 4 لاکھ 45 ہزار 5 سو ، سندھ اسمبلی کیلئےایک لاکھ 95ہزار، کےپی اسمبلی کیلئےایک لاکھ 72 ہزار 500 پوسٹل اور بلوچستان اسمبلی کیلئے 76 ہزار500 پوسٹل بیلٹ پیپر پرنٹ ہوں گے۔

پوسٹل بیلٹ پیپر سرحدوں پرتعینات پاک فوج کےجوانوں کیلئے جبکہ اپنے شہروں سےدورتعینات سرکاری افسران اور ملازمین کیلئےبھی پرنٹ ہوں گے۔

خیال رہے عام انتخابات کیلئے بجٹ میں 42 ارب 41کروڑ روپے سے زائدرقم مختص کی گئی ہے جبکہ انتخابات کی سیکیورٹی کیلئے 15ارب روپےمختص کیے گئے ہیں۔

پروجیکٹ مینجمنٹ یونٹ ، ووٹنگ کیلئے 5ارب 60کروڑ روپےسےزائد اور بیلٹ پیپرزکی چھپائی کیلئے 4ارب 83کروڑروپےسےزائد رقم رکھی گئی ہے۔

انتخابی فہرستوں کی چھپائی کیلئے 27کروڑ روپے اور ٹریننگ ونگ کیلئے ایک ارب 79کروڑ روپےکی رقم مختص کی گئی ہے جبکہ میڈیا کوآرڈینیشن کیلئے 50کروڑ روپے سےزائد اور انتخابی تیاریوں کیلئےبجٹ میں ایک ارب 2کروڑ روپے سے زائد رقم رکھی گئی ہے۔

پنجاب میں انتخابات کیلئے بجٹ میں 9ارب 65کروڑ روپے سےزائد، سندھ میں انتخابات کیلئے 3ارب 65کروڑ روپے سے زائد، خیبرپختونخوا انتخابات کیلئے بجٹ میں 3ارب 95کروڑ روپے سے زائد اور بلوچستان انتخابات کیلئے ایک ارب 11کروڑ روپےسےزائدکی رقم بجٹ میں مختص کی گئی ہے۔