Tag: الیکشن کمیشن

سابق سیکریٹری الیکشن کمیشن کنور دلشاد نے کہا ہے کہ ممکن ہے کہ کل الیکشن کمیشن سپریم کورٹ کے فیصلے پر عملدر آمد کردے۔

تفصیلات کے مطابق کنور دلشاد کا کہنا تھا کہ سپریم کورٹ ملک کا بڑا ادارہ ہے، فیصلے پرعملدرآمد نہ ہونے پر توہین عدالت لگ سکتی ہے، الیکشن کمیشن پر توہین عدالت لگ گئی تو ان کے پیچھے کوئی نہیں کھڑا، الیکشن کمیشن پر توہین عدالت لگ گئی تو صورتحال گھمبیر ہوجائیگی۔

انھوں نے کہا کہ الیکشن کمیشن نظرثانی اپیل دائر کرے تو پہلے تین سوال اٹھائیگا، الیکشن کمیشن نے نظرثانی اپیل نہ کی تو ممکن ہے کل فیصلہ کردے۔

الیکشن کمیشن آف پاکستان کے سابق سیکریٹری کنور دلشاد نے مزید کہا کہ یہ بھی ہوسکتا ہے کہ الیکشن کمیشن اپنی رائے بھی دے کہ پی ٹی آئی کا انٹراپارٹی الیکشن ہی نہیں ہوا۔

کنور دلشاد نے کہا کہ الیکشن کمیشن پہلا سوال یہ اٹھائے گا کہ انٹراپارٹی الیکشن کا فیصلہ نہیں ہوا، نظرثانی اپیل ہوئی تو الیکشن کمیشن کا دوسرا سوال ہوگا کہ قومی اسمبلی نے پی ٹی آئی کو پارٹی تسلیم نہیں کیا۔

انھوں نے کہا کہ الیکشن کمیشن تیسرا سوال یہ بھی کرسکتا ہے کہ الیکشن ایکٹ میں ترمیم ہوچکی ہے، اعظم نذیرتارڑ نے آج پریس کانفرنس میں حکومت کا مؤقف دےدیا ہے۔

اسلام آباد : چیف الیکشن کمشنر سکندر سلطان راجہ نے نااہلی اور بدنظمی پر تین افسران کو 120 دن کے لئے معطل کردیا۔

تفصیلات کے مطابق الیکشن کمیشن نے نااہلی اور بدنظمی پر تین افسران کو معطل کردیا اور .نوٹفیکیشن جاری کردیا۔

معطل ہونے والوں میں ڈائریکٹر ایڈمن صوبائی الیکشن کمیشن سندھ اظہر حسین ٹنواری، الیکشن افسر کراچی خدا بخش اور صوبائی الیکشن کمیشنر سندھ شریف اللہ شامل ہیں۔

نوٹفیکیشن میں کہا گیا کہ تینوں افسران انکوائری کے مکمل ہونے اور اگلے احکامات تک کراچی میں رہیں گے، چیف الیکشن کمیشنر نے نااہلی اور بدنظمی پر تین افسران کو 120 دن کے لئے معطل کیا ہے۔

سینیٹر شبلی فراز نے کہا ہے کہ سپریم کورٹ کا فیصلہ واضح ہے، الیکشن کمیشن کے کردار پر افسوس ہے آئینی ترمیم کو بھی چھپایا جارہا ہے۔

پاکستان تحریک انصاف کے مرکزی رہنما اور سینیٹر شبلی فراز نے میڈیا سے گفتگو کرتے ہوئے کہا کہ جو چیزپی ٹی آئی کے خلاف ہو اس میں الیکشن کمیشن پھرتی دکھاتا ہے، جو چیز پی ٹی آئی کے حق میں ہو اس پر الیکشن کمیشن غفلت کی نیند کرتا ہے۔

شبلی فراز نے کہا کہ امید ہے الیکشن کمیشن فوری طور پر سپریم کورٹ فیصلے پرعمل کرے گا، حکومتی ترامیم بدنیتی پر مبنی ہیں، اتحادیوں کو بھی اعتماد میں نہیں لیا گیا، آئینی ترمیم کو اپوزیشن سے چھپایا جارہا ہے۔

انھوں نے کہا کہ سپریم کورٹ فیصلے میں واضح کہا گیا الیکشن کمیشن وقت ضائع کررہا ہے، سپریم کورٹ نے الیکشن کمیشن پر چارج شیٹ بھی لگائی ہے۔

شبلی فراز کا کہنا تھا کہ یہ 41 پاکستان تحریک انصاف کے امیدوار تھے، رحیم یار خان میں انتخاب ہوا اور آج صبح ہی ان کو نوٹیفائی کردیا گیا۔

رہنما پاکستان تحریک انصاف نے کہا کہ الیکشن کمیشن کا کام صاف و شفاف انتخابات کرانا ہے، الیکشن کمیشن ہی ملکی تاریخ کا متنازع الیکشن کراتا ہے، الیکشن کمیشن صاف و شفاف انتخابات کرانے میں بری طرح ناکام ہوا۔

انھوں نے کہا کہ ملک میں غیریقینی کی صورتحال کا ذمہ دار الیکشن کمیشن ہی ہے، اس طرح کی چیزیں ہوں تو پارلیمان اپنی اہمیت کھو دیتا ہے۔

اسلام آباد: الیکشن کمیشن آف پاکستان کی جانب سے ملازمین، افسران اور آفیشلز کیلئے حاضری گائیڈ لائنز جاری کردی گئی ہیں۔

الیکشن کمیشن کی جانب سے جاری نوٹیفکیشن میں زور دے کر کہا گیا ہے کہ تمام ملازمین سب بائیومیٹرک حاضری کو یقینی بنائیں، تمام ملازمین صبح ساڑھے 8 بجے تک آفس میں اپنی حاضری کو یقینی بنائیں۔

نوٹیفکیشن میں مزید کہا گیا کہ ایک ماہ میں 3 دن لیٹ آنے پر وارننگ جاری ہو گی، ایک ماہ میں 7 دن لیٹ ہونے پر کارروائی ہو گی۔

آئندہ ہفتے پیرکی صبح 9 بجے کی بجائے ساڑھے 8 بجے اس سلسلے میں چیف الیکشن کمشنر کے ساتھ میٹنگ منعقد ہوگی۔

اسلام آباد : الیکشن کمیشن نے پی ٹی آئی رہنما عمر ایوب کے خلاف توہین عدالت کارروائی شروع کرنے پر غور کر رہی ہے۔

تفصیلات کے مطابق پی ٹی آئی رہنما کے چیف الیکشن کمشنراورممبران کے خلاف بیانات کے معاملے پر الیکشن کمیشن آف پاکستان عمر ایوب کے خلاف توہین الیکشن کمیشن کارروائی شروع کرنے پر غور کررہی ہے۔

ذرائع الیکشن کمیشن نےبتایا ہے پی ٹی آئی رہنما چیف الیکشن کمشنراورممبران پر بے بنیادالزامات لگا رہے ہیں اور توہین آمیزالفاظ استعمال کررہے ہیں۔

بانی پی ٹی آئی اور فواد چوہدری کیخلاف پہلے ہی توہین الیکشن کمیشن کے کیسز زیرسماعت ہیں۔

الیکشن کمیشن آف پاکستان نے امیر جماعت اسلامی حافظ نعیم الرحمان کو طلب کرلیا ہے، انھیں اس سلسلے میں نوٹس جاری کردیا گیا ہے۔

حافظ نعیم الرحمان کو الیکشن کمیشن نے کل صبح 10 بجے طلب کیا ہے، الیکشن کمیشن آف پاکستان نے خواتین کو 5 فیصد ٹکٹس نہ دینے کے کیس میں انھیں نوٹس جاری کیا ہے، ادارے نے جماعت اسلامی اور اے این پی سمیت 12 سیاسی جماعتوں کو نوٹس جاری کیا ہے۔

الیکشن کمیشن کی جانب سے بی این پی اختر مینگل اور ٹی ایل پی کو بھی نوٹس کا اجرا کیا گیا ہے، الیکشن کمیشن نے الیکشن ایکٹ کے سیکشن 206 پرعمل کیلئے نوٹس جاری کیے۔

اس سے قبل الیکشن کمیشن کی جانب سے ملک کی سیاسی جماعتوں سے اکاؤنٹس کے گوشوارے بھی طلب کیے گئے تھے، سیاسی جماعتوں سے کہا گیا تھا کہ انھیں سال 24-2023 کے گوشوارے 29 اگست تک جمع کرانا ہونگے۔

الیکشن کمیشن کے مطابق سیاسی جماعتوں کو اپنی سالانہ آمدن، اخراجات، فنڈنگز ذرائع، اثاثے اور واجبات کی تفصیلات پیش کرنا ہونگی۔

الیکشن کمیشن نے سیاسی پارٹیوں سے جو گوشوارے طلب کیے ہیں اس میں سیاسی جماعتوں کو بتانا ہوگا کہ انھیں ممنوعہ ذرائع سے پارٹی فنڈ نہیں ملا۔