Tag: الیکشن کمیشن

سینیٹر حامد خان نے کہا ہے کہ الیکشن کمیشن کو کام پر لگایا گیا ہے کہ ہرطرح سے پی ٹی آئی کے ساتھ ناانصافی کرنی ہے۔

اے آر وائی کے پروگرام میں گفتگو کرتے ہوئے سینیٹر حامد خان نے کہا کہ بانی پی ٹی آئی قومی ادارے کی مضبوطی چاہتے ہیں دوسری کوئی رائے نہیں، گزشتہ 2 سال سے پی ٹی آئی کو انتقام کا نشانہ بنایا جارہا ہے۔

حامد خان نے کہا کہ سپریم کورٹ کے فیصلے کے بعد الیکشن کمیشن مکمل طور پر نااہل ہوچکی ہے، سپریم کورٹ نے فیصلہ میں کہا تھا کسی کو ابہام ہے تو رجوع کرسکتا ہے۔

انھوں نے کہا کہ الیکشن کمیشن ابہام پیدا کررہا ہے، فیصلے پرعملدرآمد میں تاخیری حربہ ہے، اسپیکر قومی اسمبلی بھی نوٹیفائی نہیں کرتے تو توہین عدالت کی کارروائی ہوگی۔

حامد خان نے کہا کہ کسی بینچ میں بیٹھنا چاہیے یا نہیں یہ جج کا اپنا فیصلہ ہوتا ہے، آئین کے مطابق اکتوبر میں سینئر ترین جج جسٹس منصورعلی شاہ کو چیف جسٹس بننا ہے۔

الیکشن کمیشن آف پاکستان کی جانب سے ملک کی سیاسی جماعتوں سے اکاؤنٹس کے گوشوارے طلب کرلیے گئے ہیں۔

سیاسی جماعتوں سے کہا گیا ہے کہ انھیں سال 24-2023 کے گوشوارے 29 اگست تک جمع کرانا ہونگے، الیکشن کمیشن کے مطابق سیاسی جماعتوں کو اپنی سالانہ آمدن، اخراجات، فنڈنگز ذرائع، اثاثے اور واجبات کی تفصیلات پیش کرنا ہونگی۔

الیکشن کمیشن نے سیاسی پارٹیوں سے جو گوشوارے طلب کیے ہیں اس میں سیاسی جماعتوں کو بتانا ہوگا کہ انھیں ممنوعہ ذرائع سے پارٹی فنڈزنہیں ملا۔

دریں اثنا الیکشن کمیشن نے مخصوص سیٹوں سے متعلق اہم کیس میں سپریم کورٹ کے فیصلے پر ردعمل دیتے ہوئے کہا تھا کہ الیکشن کمیشن نے کبھی نہیں کہا کہ پی ٹی آئی سیاسی پارٹی نہیں ہے۔

الیکشن کمیشن کا کہنا تھا کہ پی ٹی آئی سیاسی پارٹی ہے اور اس کا نام بھی سیاسی پارٹیوں کی فہرست میں موجود ہے۔

ادارے نے بتایا تھا کہ پی ٹی آئی کا نام الیکشن کمیشن کی ویب سائٹ پر بھی موجود ہے، الیکشن کمیشن نے کسی فیصلے کی غلط تشریح نہیں کی ہے۔

انٹرا پارٹی الیکشن درست نہ ہونے پر پی ٹی آئی سے بلے کا نشان لیا گیا تھا، الیکشنز ایکٹ کی دفعہ 215 کے تحت بلے کا نشان لیا گیا تھا۔

اسلام آباد : الیکشن کمیشن نے 29 ستمبر کو اسلام آباد میں بلدیاتی الیکشن کرانے کی یقین دہانی کرادی۔

تفصیلات کے مطابق اسلام آباد ہائیکورٹ میں بلدیاتی انتخابات سے متعلق کیس کی سماعت ہوئی، جسٹس محسن اختر کیانی نے کیس کی سماعت کی۔

الیکشن کمیشن نے بتایا کہ الیکشن کیلئے الیکشن ایکٹ میں ترمیم کو بھی ضروری ہے، مخصوص نشستوں سے متعلق معاملات بھی کلیئر نہیں ہیں، اگلے دو ہفتےمیں نوٹیفکیشن جاری کردیا جائے گا۔

جس پر عدالت نے کہا کہ سماعت چھٹیوں کے بعد ہوگی،کوئی مسئلہ ہوتاہے تو سی ایم دائرکی جائے۔

ایم سی آئی کی آمدن اور اخراجات کی مکمل رپورٹ بھی عدالت میں جمع کرادی گئی، ہائیکورٹ نے کہا کہ فریقین تفصیلی پیراوائزکمنٹس عدالت میں جمع کرائیں،متعلقہ درخواستوں کایکجاکردیاگیا۔

عدالت نے استفسار کیا کہ  الیکشن کا کیا اسٹیٹس ہے،الیکشن کمیشن نے بتایا کہ 4ماہ کا پراسس ہے۔

الیکشن کمیشن نے 29 ستمبر کو اسلام آبادمیں بلدیاتی الیکشن کرانے کی یقین دہانی کرادی ، جس پر اسلام آبادہائیکورٹ نے کیس کی سماعت 15 اکتوبر تک ملتوی کردی۔

اسلام آباد : اسلام آباد ہائیکورٹ نے الیکشن کمیشن کا ٹریبیونل تبدیلی کا آرڈر معطل کر دیا۔جسٹس طارق محمود جہانگیری پر مشتمل اسلام آباد کا الیکشن ٹربیونل بحال ہوگیا۔

تفصیلات کے مطابق اسلام آباد ہائیکورٹ میں اسلام آباد کے تین حلقوں کیلئے نئے الیکشن ٹریبونل کیخلاف کیس کی سماعت ہوئی۔

علی بخاری اپنے وکیل فیصل چودھری کے ہمراہ عدالت میں پیش ہوئے، عدالت نے الیکشن کمیشن کا ٹریبیونل تبدیلی کا آرڈر معطل کر دیا، جس کے بعد جسٹس طارق محمود جہانگیری پر مشتمل اسلام آباد کا الیکشن ٹربیونل بحال ہوگیا۔

عدالت نے کہا عدالت کے استفسار پر انجم عقیل خان درخواست میں استعمال کئے گئے الزامات کی وضاحت نہ کرسکے۔

عدالت نےانجم عقیل خان کو توہین عدالت کا شوکاز نوٹس جاری کرتے ہوئے سات دن میں جواب طلب کرلیا اور کہا انجم عقیل خان ہر سماعت پر حاضری یقینی بنائیں۔

عدالت نے ریمارکس دئیے ایسی کیا ایمرجنسی تھی کہ قائم مقام صدر نےراتوں ورات آرڈیننس جاری کردیا۔آپ لوگوں نےآرڈیننس کی فیکٹری لگارکھی ہے۔

این اے 48 کے پی ٹی آئی امیدوار علی بخاری کی درخواست پر سماعت چیف جسٹس عامر فاروق نے کی عدالت نے رجسٹرار آفس کو اعترضات دور کر کے نمبر لگانے کی ہدایت کردی۔

وکیل علی بخاری نے کہا یہ نئی درخواست ہے رجسٹرار آفس نے اعتراضات لگائے ہیں، جس پر چیف جسٹس اسلام آباد ہائیکورٹ کا کہنا تھا کہ نئی درخواست ہے اس میں نوٹس ہونے ہیں، کیا کل کیلئے رکھ لوں؟

وکیل علی بخاری نے بتایا کہ مرکزی کیس بھی آج سماعت کے لیے مقرر ہے، چیف جسٹس نے کہا اچھا پھر اسکو دیکھ لیتے ہیں ، بعد ازاں کیس کی سماعت 9 جولائی تک ملتوی کر دی گئی۔

اسلام آباد : سپریم کورٹ نے الیکشن ٹریبونلز کی تشکیل کا فیصلہ معطل کرنے کی استدعا مسترد کرتے ہوئے لارجربینچ کیلئے معاملہ 3 رکنی کمیٹی کو بھجوادیا۔

تفصیلات کے مطابق سپریم کورٹ میں الیکشن ٹربیونلزکی تشکیل کیخلاف الیکشن کمیشن کی اپیل پر سماعت ہوئی، چیف جسٹس قاضی فائزعیسیٰ کی سربراہی میں دو رکنی بینچ نے سماعت کی۔

وکیل الیکشن کمیشن نے موقف اپنایا کہ ٹریبونلزکی تشکیل الیکشن کمیشن کااختیارہے،4 ٹربیونلزکی تشکیل تک کوئی تنازعہ نہیں ہوا۔

جس پر چیف جسٹس نے کہا کہ کیاچیف الیکشن کمشنراورچیف جسٹس ایک دوسرے سے ملاقات نہیں کرسکتے ،کیا پاکستان میں ہرچیز کومتنازعہ بنانا لازم ہے ؟

جسٹس قاضی فائز عیسیٰ نے مزید کہا کہ انتخابات کی تاریخ پربھی صدر مملکت اورالیکشن کمیشن میں تنازعہ تھا ،رجسڑارہائیکورٹ کی جانب سے خط کیوں لکھے جا رہے ہیں ، بیٹھ کربات کرتے تو کسی نتیجے پرپہنچ جاتے، کیا کوئی انا کا مسئلہ ہے۔

چیف جسٹس نے ریمارکس دیئے کہ آئین بالکل واضح ہے الیکشن ٹربیونلز کا اختیار الیکشن کمیشن کوحاصل ہے، ہم نے آئین وقانون کے تحت حلف اٹھا رکھا ہے، عدالتی فیصلوں پرحلف نہیں لیا، سپریم کورٹ نے جب جب آئینی تشریح کی پیچیدگیاں پیدا ہوئیں۔

دورانِ سماعت وکیل سلمان اکرم راجا نے بولنے کی کوشش کی توچیف جسٹس نے روکتے ہوئے کہا کہ پارلیمنٹ قانون بناتی ہے، ہم قانون کی حفاظت کرتے ہیں، جس کا کام ہے، اسے کرنے دیا جائے۔

ہائیکورٹ کیلئے قابل احترام کہنے پر چیف جسٹس نے روکتے ہوئے کہا کہ ہائیکورٹ کو قابل احترام کہہ رہے ججز کیلئے کہا جاتا ہے،انگلستان میں پارلیمان کوقابل احترام کہا جاتا ہے؟ یہاں پارلیمنٹرین ایک دوسرے کو احترام نہیں دیتے ، گالم گلوچ ہوتی ہے الیکشن کمیشن کو قابل احترام کیوں نہیں کہتے، آپ اپنا کام کریں دوسرے کواپنا کام کردیں۔

جسٹس نعیم اخترافغان نے کہا کہ دیکھنا چاہتے ہیں ٹریبونلز کی تشکیل کا مسئلہ دیگرصوبوں میں کیوں نہیں ہوا۔

عدالت نے الیکشن کمیشن کی لاہورہائیکورٹ کا فیصلہ مسترد کرنے کی استدعا مسترد کردی۔

سپریم کورٹ نے اٹارنی جنرل پاکستان کونوٹس جاری کرتےہوئے دیگرصوبوں میں ٹریبونلزکی تشکیل کی تفصیلات الیکشن کمیشن سے طلب کرلیں۔

الیکشن کمیشن کی جانب سے لاہور ہائی کورٹ کے فیصلے کیخلاف اپیل پر لارجر بینچ کی تشکیل کیلئے معاملہ تین رکنی کمیٹی کو بھجوا دیا۔

چیف جسٹس نے ریمارکس دیے معاملہ کمیٹی کے سامنے جتنی جلدی ممکن ہورکھا جائے۔

اسلام آباد : افسران اورملازمین 3 بنیادی تنخواہوں کے برابر بونس دینے کا اعلان کردیا گیا تاہم 7فروری سے قبل چھٹیوں پر گئے ملازمین اعزازیہ کے حق دار نہیں ہوں گے۔

تفصیلات کے مطابق الیکشن کمیشن کا اپنے افسران اور ملازمین کو 3 اعزازیے دینے کا فیصلہ کرلیا اور اس حوالے سے چاروں صوبائی الیکشن کمشنرز کو مراسلہ جاری کردیا۔

جس میں کہا ہے کہ الیکشن کمیشن ملازمین کو3 بنیادی تنخواہوں کے برابر اعزازیہ دیا جائے گا لیکن تادیبی کارروائی کا سامنا کرنے والے ملازمین کو اعزازیہ نہیں دیاجائےگا

اس کے علاوہ سروس ٹریبونل یاعدلیہ سے رجوع کرنےوالے ملازمین کو بھی اعزازیہ نہیں ملےگا اور 7فروری سے قبل چھٹیوں پرگئےملازمین اعزازیہ کےحق دارنہیں ہوں گے۔

ذرائع نے بتایا کہ الیکشن کمیشن عام انتخابات کےبعد مارچ میں ملازمین کو 2 اعزازیہ پہلےہی دےچکا، رواں مالی سال میں الیکشن کمیشن اپنے ملازمین کو 5 اعزازیے دے رہا۔

ذرائع کے مطابق وزارت خزانہ قواعد کےتحت کوئی ادارہ ایک مالی سال میں صرف ایک اعزازیہ دے سکتا ہے۔