Tag: الیکشن کمیشن

  الیکشن کمیشن نے ارکان پارلیمنٹ کے جمع کرائے گوشواروں کی ازخود تحقیقات سے معذوری ظاہر کردی۔ الیکشن کمیشن نے کا کہنا ارکان پارلیمنٹ کے گوشواروں کی از خود تحقیقات نہیں کر سکتے،شکایت کنندہ عدالت سے رجوع کرسکتا ہے۔

ترجمان الیکشن کمیشن کے مطابق ارکان پارلیمنٹ کے ٹیکس گوشواروں کو شائع کرنے کا مقصد یہی ہوتا ہے کہ ان کے خلاف شکایات سامنے آسکیں، اگر کسی شہری کو شکایت ہے تو وہ عدالت کے علاوہ الیکشن کمیشن کو براہ راست درخواست بھی دے سکتا ہے۔ کسی رکن کے گوشوارے غلط ثابت ہو جاتے ہیں تو اسے پانچ سال قید اور پچاس ہزار روپے تک جرمانے کے ساتھ نااہلی کا بھی سامنا کرنا پڑ سکتا ہے۔
    

الیکشن کمیشن نے وزارت داخلہ کا خط میڈیا کو جاری کردیا، ساتھ ہی یہ بھی کہا  کہ انگوٹھوں کی تصدیق ہمارا کام نہیں۔

وزیر داخلہ نے گزشتہ روز قومی اسمبلی میں کہا تھا کہ انہوں نے الیکشن کمیشن کو نادرا کا کنٹرول سنبھالنے کے لئے خط نہیں لکھا اس پر الیکشن کمیشن نے پہلے تو اس خط کی نقل میڈیا کو جاری کی پھر اپنے جواب میں بھی نادرا کا کنٹرول سنبھالنے سے انکار کر دیا۔

سیکریٹری الیکشن کمیشن کا کہنا ہے کہ انگوٹھوں کی تصدیق کرنا الیکشن کمیشن کا کام نہیں ہے نہ اسے یہ اختیار ہے کہ وہ کسی ادارے کا کنٹرول سنبھالے، وزارت داخلہ نے الیکشن کمیشن کو نادرا کا کنٹرول سنبھال کر انگوٹھوں کی تصدیق کی ہدایت کی تھی۔
   

پنجاب میں بلدیاتی انتخابات کے لئے الیکشن کمیشن نے امیدواروں کے لئے کاغذات نامزدگی کی چھپائی اورتقسیم کا عمل مکمل کر لیا ہے، پنجاب میں امیدواروں کے لیے کاغذات نامزدگی کل سے دستیاب ہوں گے۔ صوبہ سندھ میں بلدیاتی انتخابات کے لیے کاغزات نامزدگی کی پرنٹنگ کا عمل مکمل ہوگیا ہے ۔

الیکشن کمیشن کے مطابق۔پینل کیلئے بیلٹ پیپر کا رنگ سبزجبکہ ڈسٹرکٹ کونسل کے ووٹ کیلئے بیلٹ پیپر کارنگ آف وائٹ ہوگا۔ صوبائی الیکشن کمیشن کے مطابق کراچی میں دوسو اڑسٹھ یونین کمیٹیوں کیلئے مختلف سیاسی جماعتوں کے علاوہ آزاد پینل بھی الیکشن میں حصہ لے سکیں گے۔

سندھ میں کاغذات نامزدگی چوبیس دسمبر سےجاری کئے جائیں گے جو متعلقہ ڈسٹرکٹ ریٹرنگ آفیسر کے دفاتر میں 26سے 29دسمبر تک جمع کرائے جاسکتے ہیں 31دسمبر کو انتخابی امیدواروں کے حوالے سے اعتراضات جمع کرائے جائیں گے۔

کاغذات کی جانچ پڑتال یکم جنوری سے پانچ جنوری تک ہوگی اعتراضات کے خلاف اپیل 6اور 7جنوری کو داخل کی جاسکتیں ہیں ۔ جبکہ بارہ جنوری تک کاغذات وا پس لئے جاسکیں گے۔ جبکہ تیرہ جنوری کو امیدواروں کو انتخابی نشان الاٹ کیے جائیں گے ۔
   

الیکشن کمیشن اور نادرا کے مابین انتخابی فہرستوں کی تیاری کی مد میں ادائیگیوں کا تنازعہ حل نہ ہوسکا معاملہ کے حل کیلئے اکتیس دسمبر کو ایک اور اجلاس طلب کر لیا گیا۔

عام انتخابات کے دوران انتخابی فہرستوں کی تیاری کی مد میں نادرا کی جانب سے الیکشن کمیشن سے 86 کروڑ روپے ادائیگی کا مطالبہ کیا گیا تھا جبکہ الیکشن کمیشن صرف آٹھ کروڑ روپے ادا کر نے پر رضا مند ہو سکا ہے ۔

الیکشن کمیشن حکام کاکہناہے عام انتخابات کیلئے ووٹرز کے اندراج کے معاملے پر نادرا کے ساتھ فی صفحہ کے حساب سے ادائیگی کا معاہدہ طے پایا تھا جبکہ نادرا فی انٹری کے حساب سے ادائیگی کا مطالبہ کر رہا ہے۔

نادرا کو الیکشن کمیشن کے تحت دینے سے متعلق وزرات داخلہ کا خط الیکشن کمیشن کوموصول ہوگیا ہے۔

     الیکشن کمیشن نے خط ملنے کی تصدیق کردی ایڈیشنل سیکرٹری الیکشن کمیشن شیر افگن نے خط ملنے کی تصدیق کرتے ہوئے کہا ہے کہ خط کا جائزہ لیا جارہا ہے، انہوں نے بتایا کہ خیبرپختونخوا میں بائیومیڑک سسٹم کے لئے پائلٹ پروجیکٹ شروع کرنے کا فیصلہ کرلیا گیا ہے تجرباتی طور پر 4 پولنگ اسٹیشنز میں بائیومیٹرک نظام کی مشق کی جائے گی۔

 ان کا کہنا تھا کہ عام انتخابات میں مقناطیسی سیاہی استعمال کی گئی، تاہم کاونٹر فائل پر عام سیاہی استعمال کی گئی تھی، شیر افگن نے بتایا کہ بلدیاتی انتخابات میں معیاری عام سیاسی استعمال کی جائے گی اور اس سیاہی کی منظوری بھی پی سی ایس آئی آر اور نادرا کی مشاورت سے دی گئی ہے، اس سے انگوٹھوں کے نشانات کی تصدیق کی جاسکتی ہے