اوکاڑہ : مسلم لیگ ن کی چیف آرگنائزر مریم نواز کا کہنا ہے کہ گھر سے نکل رہی تھی تو نوازشریف آج میٹنگ کررہے تھے کہ عوام کو سستی بجلی ،سستی گیس کیسے دینی ہے؟ شیر پر ٹھپہ لگا کر ملک کو سستی بجلی،سستی گیس سے نوازدو۔
تفصیلات کے مطابق مسلم لیگ ن نے انتخابی مہم کا آغاز کردیا ، مسلم لیگ ن کی چیف آرگنائزر مریم نواز نے اوکاڑہ میں جلسے سے خطاب کرتے ہوئے کہا کہ لاہور سے نکلی تو سوچ رہی تھی اتنی دھند میں کون جلسے میں آئے گا، یہاں عوام کا جم غفیر دیکھ رہی ہوں پنڈال کے باہر بھی عوام ہے۔
مریم نواز کا کہنا تھا کہ نوازشریف نے مجھے آج انتخابی مہم کے آغازمیں اوکاڑہ بھیجا، نوازشریف اوکاڑہ سے پیارکرتاہےاوراوکاڑہ نے بھی وفا نبھائی ہے، اوکاڑہ کےعوام نے مشکل وقت میں ن لیگ کا ساتھ دیا، آج بھی اتنی سردی میں اوکاڑہ کا جلسہ بتارہاہے8فروری کو شیردھاڑےگا۔
ن لیگی رہنما نے کہا کہ نوازشریف اورعوام پر ظلم کرنےوالاایک ایک ظالم انجام کو پہنچ رہاہے، جوجتنابڑاظالم ہوتاہے اتنا ہی بڑابزدل بھی ہوتاہے، جو جتنا بے رحم ہوتا ہے اتنا ہی ڈرپوک بھی ہوتا ہے، دوسروں کا احتساب کرتے ہوئےفرعون بنےہوئےتھے، آج اپنی باری آئی تو منہ چھپا کر بھاگ رہے ہیں۔
انھوں بانی پی ٹی آئی کو کڑی تنقید کا نشانہ بناتے ہوئے کہا کہ عدالتوں سے بھاگنے کے مناظر عوام نے دیکھ لیے ہیں، اس لیے منہ چھپانا پڑتا ہے چوری کی ہے کہیں چوری پکڑی نہ جائے، لوگوں کو چور چور کہنےوالا اپنی باری آئی تو گھڑی بھی نہیں چھوڑی۔
مریم نواز کا کہنا تھا کہ لوگوں کی ماؤں ،بہنوں،بیٹیوں کوجیلوں میں ڈالا، نوازشریف کو جب نکالا گیا تو وہ عزت سے گھر چلا گیا تھا، ان کی باری آئی تو یہ ذلت سے گھرگئے ، قدرت کے نظام میں گنہگار کی معافی ہے، ظالم کی نہیں ہے، انھوں نے سازش کرکے نوازشریف سے اقتدار چھینا، ان لوگوں کو آپ کی آہ لگی ہے،آج جو کچھ ہورہاہے اس کے ذمہ دار یہ خود ہیں۔
پی ٹی آئی کے انتخانی نشان سے متعلق ن لیگی رہنما نے کہا کہ دو دن سے شور کررہےہیں کہ ہماراانتخابی نشان چھین لیا، آپ سے کسی نے کوئی نشان واپس نہیں لیا، تمہارا انتخابی نشان بلا نہیں بلکہ وہ ڈنڈا تھا جو تم نے ہاتھ میں پکڑا ہوا تھا, tمہارے ہاتھ میں بلا نہیں بلکہ ڈنڈا تھا جو اب چھین لیاگیاہے , قوم نے دیکھا کہ تم نے اس ڈنڈے سے شہداکی یادگاروں کو توڑا، تم نے اس ڈنڈےسے فوجی تنصیبات پر حملے کئے۔
ان کا کہنا تھا کہ اب کہو تمہارا انتخابی نشان کیا ہے ، تمہارا انتخابی نشان وہ گھڑی ہونی چاہیے تھی جو چوری کی ، تمہاراانتخابی نشان وہ پیٹرول بم ہوناچاہیے تھا جو پولیس پر برسائے، آج کہو کہ گھڑی اور پیٹرول بم ہمارا انتخابی نشان ہے تو ہم الیکشن کمیشن سے کہتے ہیں انھیں دےدو۔
مریم نواز نے کہا کہ عمر عطا بندیال کی عدالت میں جاتا تھا تو گڈ ٹو سی یو کہاجاتاتھا، اس کو مرسڈیز میں بٹھا کر عدالت سے رخصت کرکے ریسٹ ہاؤس میں ٹھہرایا جاتا تھا، اس کو سہولت کاری کی عادت تھی ، نہ وہ سہولت کاری رہی نہ وہ سہولت کار رہے، اللہ نے سہولت کاروں کو چن چن کر انجام تک پہنچایا ہے۔
مسلم لیگ ن کی چیف آرگنائزرنے بانی پی ٹی آئی کو مخاطب کرتے ہوئے کہا کہ اپنے وکلا کو کہو تیاری کرکے عدالت جایا کریں ، اب تمہیں ساس سے فون کرا کر فیصلے لینے کی سہولت میسر نہیں ، دنیا نے عدالت میں لائیو دیکھا جواب مانگنے پر ان کے پاس جواب نہیں تھا، انھوں نے پارٹی الیکشن میں سب کو بلامقابلہ منتخب کرالیا یہ کس جمہوریت میں ہوتاہے، دوسروں سے رسیدیں مانگتے ہو اپنی رسیدیں تو دکھا دو، آپ کی جعلسازی رنگے ہاتھوں پکڑی گئی ،یہ سمجھتے ہیں الیکشن کمیشن گلے میں ہار ڈالے گی۔
انھوں نے مزید کہا کہ کہتا تھا نوازشریف کو امپائر ساتھ ملاکر کھیلنے کی عادت ہے ، نوازشریف کے امپائر میرے سامنے یہ عوام کھڑے کھڑے ہیں ، تم نے جتنی بار بھی نوازشریف کو نکالا اب یہ عوام کے امپائر چوتھی بار بھی لیکر آئیں گے، تمہارے امپائر ،تمہاری جعلی سازی دنیا نے لائیو دیکھ لی، ایسے لوگوں کو انتخابی نشان نہیں بلکہ عبرت کا نشان ملتاہے ،مریم نواز
مریم نواز کا کہنا تھا کہ 8 فروری کو الیکشن ہے آپ نے نوازشریف کو ناصرف ووٹ بلکہ مضبوط حکومت دینی ہے، جو پاکستان سے محبت کرتاہے، وہ نوازشریف کے سوا کسی کو ووٹ دے ہی نہیں سکتا۔
ن لیگی رہنما نے کہا کہ جتنے ٹھپے شیر پر لگیں گے اتنی تیزی سے آپ کی مہنگائی کم ہوگی، جتنا ووٹ شیر کو ملے گا اتنی تیزی سے گیس آپ کے گھروں میں آئیگی، جتنی پرچیا شیر کیلئے نکلیں گی اتنے بجلی کے بل کم ہونگے، جتنی مضبوط حکومت نوازشریف کو دینگے سستا علاج سستی دوائی گھر پر ملے گی۔
ان کا کہنا تھا کہ ہمارے دل میں انتقام کا جذبہ نہیں ہے اور نہ اس کی فکر ہے ، ہمیں مزدور اور غریب کے گھروں پر چولہے جلانے کی فکر ہے، گھر سے نکل رہی تھی تو نوازشریف آج میٹنگ کررہے تھے کہ عوام کو سستی بجلی ،سستی گیس کیسے دینی ہے۔
مریم نواز نے کہا کہ ن لیگ الیکشن تک متحرک ہوگی لیکن اگلے5سال بھی آرام سے نہیں بیٹھےگی،ہر ڈویژن ہر ڈسٹرکٹ میں دانش اسکول ، جدید ترین اسپتال بنے گا، ڈسٹرکٹ ہیلتھ کوارٹر کو بہتر بنائیں گے تاکہ آپ کو لاہور نہ جانا پڑے۔
انھوں نے عوام سے اپیل کرتے ہوئے کہا کہ 8 فروری کو شیر پر مہر لگاکر پاکستان کو تعلیم سے نوازو ، پاکستان کو صحت سے نواز دو ، شیر پر ٹھپہ لگا کر ملک کو سستی بجلی،سستی گیس سے نوازدو۔
تحریکِ بحالیِ جمہوریت (ایم آر ڈی)
اس کے علاوہ بھی ماضی میں کئی بڑے چھوٹے سیاسی اور انتخابی اتحاد تشکیل دیے جاتے رہے ہیں۔ اس میں 1998 میں پاکستان عوامی اتحاد، 1999میں نواز حکومت کے خلاف گرینڈ ڈیموکریٹک الائنس کا قیام جب کہ 2000 میں مشرف کی آمریت کے خلاف ”اتحاد برائے بحالی جمہوریت“ (اے۔آر۔ ڈی) وجود میں آیا تھا۔ 2002 متحدہ مجلس عمل تشکیل پایا تھاجس میں مذہبی جماعتیں شامل تھیں اور بعد میں متحدہ مجلس عمل سیاسی اتحاد سے انتخابی اتحاد میں تبدیل ہوگیاتھا۔نیشنل الائنس 2002 میں تشکیل دیا گیا جو جنرل پرویز مشرف کی حامی جماعتوں پر مشتمل تھا۔
