Tag: الیکشن 2024

لاہور : لاہور ہائیکورٹ کے اپیلٹ ٹریبونل نے سابق وزیر اعظم نواز شریف اور ان کی بیٹی مریم نواز کے کاغذات نامزدگی درست قرار دے دیے۔

تفصیلات کے مطابق لاہور ہائیکورٹ کے اپیلٹ ٹریبونل میں نواز شریف اور مریم نواز کے کاغذات نامزدگی منظور کرنے کیخلاف اپیلیں دائر کی گئیں

تفصیلات کے مطابق لاہور ہائیکورٹ کے اپیلٹ ٹریبونل میں مسلم لیگ ن کے قائد نواز شریف اور ان کی بیٹی مریم نواز کے کاغذات نامزدگی منظور کرنے کیخلاف اپیلوں پر سماعت ہوئی۔

جس میں باپ بیٹی کے کاغذات نامزدگی منظور کرنے کے فیصلوں کو چیلنج کیا گیا تاہم لاہور ہائیکورٹ کے اپیلٹ ٹریبونل نے ان اپیلوں پر فیصلہ سناتے ہوئے انہیں مسترد کر دیا۔

ٹربیونل نے نواز شریف اور مریم نواز کے کاغذات نامزدگی منظور کرنے کے ریٹرننگ آفیسر کے فیصلے کو درست قرار دیا اور ان کے فیصلوں کو برقرار رکھا۔

نواز شریف کے حلقہ این اے 130سے کاغذات نامزدگی منظور کرنے کیخلاف اپیل مدمقابل امیدوار اشتیاق چوہدری ایڈووکیٹ نے اور مریم نواز کیخلاف این اے 119 سے اُن کے مدمقابل امیدوار ندیم شیروانی نے اپیلیٹ سے رجوع کیا تھا۔

اسلام آباد : پاکستان تحریک انصاف کل اپنے ٹکٹوں کا اعلان کرے گی ، چیئرمین پی ٹی آئی بیرسٹر گوہر نے کہا کہ پورے پاکستان کے امیدواروں کا اعلان ایک ساتھ ہوگا۔

تفصیلات کے مطابق چئیرمین پی ٹی آئی بیرسٹرگوہر نے پشاور ہائی کورٹ کے فیصلے پر کہا کہ ہائیکورٹ نے تاریخی فیصلہ دے دیا، پاکستانی قوم کی امنگوں کی ترجمانی کرنےوالا نشان بلا ہے۔

بیرسٹرگوہر کا کہنا تھا کہ الیکشن کمیشن نے ناجائزطور پر بلےکا نشان چھین لیاتھا، ہم نےجس طرح الیکشن کرائےتھےکبھی کسی جماعت نےنہیں کرائے تھے، کسی سے انتخابی نشان لینے کی الیکشن کمیشن کے پاس آئین میں کوئی گنجائش نہیں۔

چئیرمین پی ٹی آئی نے بتایا کہ کل ہم اپنے ٹکٹوں کااعلان کردیں گے، پاکستان کے ہر حلقے میں امیدوار کھڑا کریں گے اور حق دارامیدوار کو پی ٹی آئی کا ٹکٹ ملےگا ، پورے پاکستان کے امیدواروں کا اعلان ایک ساتھ ہوگا اور 8فروری کو پی ٹی آئی دوتہائی اکثریت سے جیتے گی۔

سائفر کیس کے حوالے سے ان کا کہنا تھا کہ سائفر کیس میں حکم امتناع کل ختم ہورہا ہے امیدہےکل ہائیکورٹ اچھا فیصلہ دے گی ، سائفر کیس میں ہمارا مطالبہ ہے ٹرائل اوپن ہو۔

بیرسٹرگوہر نے مزید کہا کہ ووٹ کے حق کیلئے بانی پی ٹی آئی کے پوسٹل بیلٹ کیلئے بھی درخواست کریں گے۔

لاہور : الیکشن 2024 کے لئے پیپلز پارٹی کی جانب سے پنجاب کے امیدواروں کا اعلان ایک دو دنوں میں کردیا جائے گا۔

تفصیلات کے مطابق پیپلز پارٹی نے پنجاب سے امیدواروں کو حتمی شکل دے دی ، جس کا اعلان ایک دو دنوں میں کردیا جائے گا۔

پیپلز پارٹی لاہور کے صدر چوہدری اسلم گل پارٹی ٹکٹ سے محروم ہوگئے، چوہدری اسلم گل کے کاغذات نامزدگی بھی منظور ہو چکے ہیں۔

اسلم گل بلاول بھٹو زرداری کے حلقہ این اے 127 کے ساتھ صوبائی اسمبلی کے امیدوار ہیں، اسلم گل نے اسی حلقے سے ضمنی انتخابات میں مسلم لیگ ن کی ایم این اے شائستہ پرویز ملک کے مقابلے میں 33 ہزار ووٹ حاصل کیے تھے۔

ذرائع نے بتایا کہ پارٹی قیادت کا مؤقف ہے کہ اسلم گل خود الیکشن میں حصہ لینے کی بجائے پارٹی کے امیدواروں کی انتخابی مہم کی نگرانی کریں۔

قومی اسمبلی کے حلقہ سے بلاول بھٹو زرداری امیدوار ہیں جبکہ صوبائی اسمبلی کے لیے پیپلز پارٹی کے مقامی رہنماؤں کو ترجیح دی جارہی ہیں۔

ت