Tag: امام کعبہ

اسلام آباد: امام کعبہ ڈاکٹر عبد اللہ عواد الجہنی آج اسلام آباد میں مصروف دن گزاریں گے، اس دوران وہ صدر مملکت اور وزیر اعظم سے ملاقات کریں گے۔

تفصیلات کے مطابق امام کعبہ ڈاکٹر عبداللہ عواد الجہنی آج وفاقی دارالحکومت میں صدر عارف علوی اور وزیر اعظم عمران خان سے ملاقات کریں گے۔

ذرایع کے مطابق امام کعبہ آرمی چیف جنرل قمر جاوید باجوہ سے بھی ملاقات کریں گے، اور چیئرمین سینیٹ صادق سنجرانی سے بھی ان کی ملاقات ہوگی۔

ذرایع نے بتایا ہے کہ امام کعبہ کل پارلیمنٹ ہاؤس کی مسجد میں نماز ظہر کی امامت بھی کریں گے، اور ملاقاتوں کے بعد لاہور روانہ ہو جا ئیں گے، جہاں وہ 16 اپریل کو بادشاہی مسجد میں نماز عصر کی امامت کرائیں گے۔

یہ بھی پڑھیں:  اسلام اخوت اور بھائی چارے کا نام ہے، امام کعبہ ڈاکٹر شیخ عبداللہ عواد الجھنی

امام کعبہ ڈاکٹرعبداللہ عواد الجہنی 16 اپریل ہی کو گورنر اور وزیر اعلیٰ پنجاب سے ملاقاتیں کریں گے، اسی دن 16 اپریل کو وہ سعودی عرب کے لیے روانہ ہوں گے۔

یاد رہے کہ امام کعبہ الشیخ ڈاکٹرعبداللہ عواد الجہنی جمعرات کو پانچ روزہ دورے پر سعودی عرب سے پاکستان پہنچے تھے، امام کعبہ کا پاکستان میں قیام 11 سے 16 اپریل تک ہے۔

خیال رہے شیخ عبداللہ عواد الجہنی نے 2005 میں مسجد الحرام میں تراویح کا آغاز کیا اور جولائی 2007 میں گرینڈ مسجد کے امام مقرر ہوئے، اس سے قبل مسجد نبوی میں بھی فرائض انجام دے چکے ہیں۔

اسلام آباد: وزیر مملکت برائے داخلہ شہریار آفریدی نے کہا ہے کہ اللہ تعالیٰ نے امام کعبہ کو پونے 2 ارب مسلمانوں میں سے منتخب کیا، اُن سے ملاقات میری زندگی کا حسین لمحہ ہے۔

ان خیالات کا اظہار انہوں نے پیغام اسلام کانفرنس سے خطاب کرتے ہوئے کیا۔ شہریار آفریدی کا کہنا تھا کہ ہم مغرب کی ادویات اور ٹیکنالوجی استعمال کررہے ہیں مگر شکر ہے اُس رب کا جس نے ہمیں پاکستان جیسی آزاد ریاست کا شہری بنایا۔

اُن کا کہنا تھا کہ اگر کوئی سمجھتا ہے ریاست کسی کے اشاروں پر کام کرے گی تو یہ اُس کی بھول ہے، ہمارا قوم سے وعدہ ہے کہ کسی کے آگے سر نہیں جھکائیں گے اور ملک کے فیصلے پاکستان میں ہی ہوں گے۔

مزید پڑھیں: اسلام اخوت اور بھائی چارے کا نام ہے، امام کعبہ ڈاکٹر شیخ عبداللہ عواد الجھنی

اُن کا مزید کہنا تھا کہ امام کعبہ سے ملاقات ہوئی تو میری خوشی کا کوئی ٹھکانہ نہیں تھا کیونکہ میں ایسے شخص سے ملا ہوں جس کو اللہ نے پونے دو ارب مسلمانوں میں سے اس منصب کے لیے چنا ہے۔

#LiveNow: Minister for Religious Affairs addresses 4th Paigham-e-Islam Conference in Islamabad. https://t.co/FCUm5odDTZ

— Radio Pakistan (@RadioPakistan) April 14, 2019

پیغام اسلام کانفرنس میں وفاقی وزیر برائے مذہبی امور اور بین المذاہب ہم آہنگی پیر نور الحق قادری نے بھی خطاب کیا جبکہ صدر مملکت ڈاکٹر عارف علوی نے بطور مہمان خصوصی شرکت کر کے اپنے خیالات کا اظہار کیا۔

یاد رہے امام کعبہ الشیخ ڈاکٹرعبداللہ عوادالجہنی پانچ روزہ دورے پر 11 اپریل کو پاکستان پہنچے تھے ، جہاں وزارت مذہبی امور اور سعودی سفارتخانے کے حکام نےاُن کا استقبال کیا تھا۔

یہ بھی پڑھیں: علماءنے اللہ کے بندوں کو آپس میں جوڑنا ہے،وہ فتوی دیں جوحق اور سچ پرمبنی ہو، امام کعبہ

امام کعبہ 11 سے 17 اپریل تک پاکستان میں قیام کریں گے اور قیام کے دوران وزیراعظم عمران خان، صدر پاکستان اور آرمی چیف سے ملاقاتیں بھی کریں گے۔ اپریل کو وہ علما اور اسکالرز سے ملاقاتیں کریں گے۔

خیال رہےشیخ عبداللہ عواد الجہنی نے 2005 میں مسجد الحرام میں تراویح کا آغاز کیا اور جولائی 2007 میں گرینڈ مسجد کے امام مقرر ہوئے، اس سے قبل مسجد نبوی میں بھی فرائض انجام دے چکے ہیں۔