Tag: امتیاز شیخ

کراچی: وزیر توانائی سندھ امتیاز شیخ نے ایس ایس پی ڈاکٹر رضوان کو قانونی نوٹس بھجوا دیا جس میں کہا گیا ہے کہ ایس ایس پی 14 روز میں معافی مانگیں یاعدالتی کارروائی کا سامنا کریں۔

تفصیلات کے مطابق وزیرتوانائی سندھ امتیازشیخ نے ایس ایس پی شکارپورکو قانونی نوٹس بھجوا دیا، نوٹس کے متن میں کہا گیا ہے کہ آپ نے مجھ پر جو الزامات لگائے ثابت کریں یا معافی مانگیں۔

قانونی نوٹس میں ایس ایس پی شکارپور کے خلاف1 ارب روپے ہرجانے کا بھی دعویٰ کیا گیا ہے، ایس ایس پی 14 روز میں معافی مانگیں یاعدالتی کارروائی کا سامنا کریں۔

امتیاز شیخ کے مطابق ایس ایس پی شکارپور نے بے بنیاد الزامات لگا کرخاندان کی ساکھ کو نقصان پہنچایا، ایس ایس پی کے الزامات سے حلقے کے باشعورعوام کو دکھ پہنچا۔

نوٹس کے متن میں کہا گیا کہ ایس ایس پی نے سیاسی مخالفین سے مل کر میرے خلاف سازش کی، ڈاکٹر رضوان کی تعیناتی کے بعد میرےضلع میں بدامنی بڑھی، ایس ایس پی کے پاس شواہد موجود تھے تو کارروائی کیوں نہیں کی۔

آئی جی سندھ اور حکومت سندھ میں اختلافات کی بڑی وجہ سامنے آگئی

یاد رہے کہ گزشتہ ہفتے ایس ایس پی شکار پور ڈاکٹر رضوان نے سیکرٹ رپورٹ میں انکشاف کیا تھا کہ شکارپور میں خرابی امن کے ذمےدار سردار اور بااثر سیاسی افراد ہیں۔

سیکرٹ رپورٹ میں بتایا گیا تھا کہ صوبائی وزیر توانائی سندھ امتیاز شیخ شکارپور میں جرائم پیشہ عناصر کی سرپرستی کرتے ہیں، امتیاز شیخ سیاسی مخالفین کو دبانے کے لیے کرمنل ونگ کا استعمال کرتے ہیں،صوبائی وزیر نے کرمنلزکے ذریعے سیاسی مخالف شاہ نواز کے بیٹے کو قتل کرایا۔

کراچی: وزیر توانائی سندھ امتیاز شیخ نے ایس ایس پی ڈاکٹر رضوان کی جانب سے اپنے اوپر لگائے جانے والے الزامات پر عدالت جانے کا اعلان کیا ہے۔

تفصیلات کے مطابق صوبائی وزیر امتیاز شخ نے کراچی میں میڈیا سے گفتگو کرتے ہوئے کہا کہ الیکٹرونک اورسوشل میڈیا پر خفیہ رپورٹ چلائی گئی، الزامات لگائے کہ میں کرمنلزکی سپورٹ کرتا ہوں، کیسی خفیہ رپورٹ تھی جو ڈی آئی جی سے پہلے میڈیا پر تھی۔

امتیاز شیخ کا کہنا تھا کہ ایس ایس پی تیل چوری اور اغوا برائے تاوان میں ملوث رہا، شکارپور کے ڈی آئی جی کو بھی شکایات کی، وزیراعلیٰ سندھ نے انکوائری کی اور پھر تبادلہ کیا۔

صوبائی وزیر کے مطابق اس رپورٹ میں جو فون نمبر بتائے گئے ہیں وہ ہمارے نہیں، ایس ایس پی اسمگلنگ، چوری میں ملوث ہے، رپورٹ کی قانونی حیثیت نہیں ہے، میں ایس ایس پی کے خلاف عدالت بھی جاؤں گا۔

آئی جی سندھ اور حکومت سندھ میں اختلافات کی بڑی وجہ سامنے آگئی

ایس ایس پی شکار پور ڈاکٹر رضوان نے سیکرٹ رپورٹ میں انکشاف کیا کہ شکارپور میں خرابی امن کے ذمےدار سردار اور بااثر سیاسی افراد ہیں۔

سیکرٹ رپورٹ میں بتایا گیا کہ صوبائی وزیر توانائی سندھ امتیاز شیخ شکارپور میں جرائم پیشہ عناصر کی سرپرستی کرتے ہیں، امتیاز شیخ سیاسی مخالفین کو دبانے کے لیے کرمنل ونگ کا استعمال کرتے ہیں،صوبائی وزیر نے کرمنلزکے ذریعے سیاسی مخالف شاہ نواز کے بیٹے کو قتل کرایا۔

کراچی: صوبائی وزیر امتیاز شیخ نے کہا ہے کہ سندھ پولیس کے کچھ افسران سندھ حکومت کے خلاف سازش کررہے ہیں۔

تفصیلات کے مطابق صوبائی وزیر امتیاز شیخ نے میڈیا سے گفتگو کرتے ہوئے کہا کہ مشاورت کے بغیر کوئی ٹرانسفر پوسٹنگ نہیں ہورہی ہے، پورے ملک میں پولیس تبادلوں پر بات نہیں ہوتی، پنجاب میں 5 آئی جی ٹرانسفر ہوگئے کسی نے کچھ نہیں کہا صرف سندھ کے ساتھ اس طرح کا سلوک کیوں ہوتا ہے۔

امتیاز شیخ نے کہا کہ سندھ پولیس کے کچھ افسران سندھ حکومت کے خلاف سازش کررہے ہیں، سازش کرنے والے پولیس افسران کو سینئرز کی پشت پناہی حاصل ہے، آئی جی یا کسی افسر کو سیاست کا شوق ہے تو میدان میں آجائے۔

مزید پڑھیں: سندھ پولیس کے 2 افسران صوبائی حکومت کے فیصلوں کے خلاف ڈٹ گئے

انہوں نے کہا کہ سندھ میں ہی صرف یہ صورتحال پیدا کی جاتی ہے، منتخب حکومت اور وزیراعلیٰ سندھ کی اتھارٹی کو چیلنج کیا جاتا ہے، ایس ایس پی چار دن سے خبریں لیک کرارہا ہے، الزامات سے فرق نہیں پڑتا۔

صوبائی وزیر نے کہا کہ ڈاکٹر رضوان کی خدمات وفاق نے پنجاب کے لیے مانگی ہیں، سندھ کی پولیس فورس بہادر ہے، چند پولیس افسران سازش میں ملوث ہیں، چند ملوث افسران سندھ کو غیرمستحکم کرنا چاہتے ہیں۔

امتیاز شیخ نے کہا کہ شکارپور میں کوئی آپریشن نہیں چل رہا، کسی کے کہنے پر کسی پشت پناہی پر بات کی جارہی ہے، شکارپور میں جھوٹی ایف آئی آر کاٹی گئیں، ماورائے عدالت کیا گیا، پولیس کے خلاف قانونی کارروائیوں پر سارے ثبوت سامنے لائیں گے۔

کراچی: صوبائی وزیر امتیاز شیخ بھی نیب ریڈار پر آگئے، نیب نے امتیاز شیخ کے خلاف انکوائری کا فیصلہ کرلیا۔

تفصیلات کے مطابق قومی احتساب بیورو (نیب) نے صوبائی وزیر سندھ امتیاز شیخ کے خلاف انکوائری کا فیصلہ کرلیا، امتیاز شیخ نے مبینہ طور پر بدعنوانی کے ذریعے ضلع کورنگی دیہی میں 30 ایکڑ کی اراضی کی غیرقانونی الاٹمنٹ کی۔

ذرائع کے مطابق الاٹمنٹ این سی پلاٹ نمبر 24 پر کی گئی جبکہ بورڈ آف ریونیو کے اعلیٰ افسران کی مدد سے سرکار کو کروڑوں روپے کا نقصان پہنچایا گیا۔

نیب ذرائع کا کہنا ہے کہ امتیاز شیخ کے خلاف نیب کو درخواست موصول ہوئی تھی جس پر نیب کی جانب سے درخواست کی تصدیق مکمل کرلی گئی ہے۔

درخواست گزار کے مطابق امتیاز شیخ نے بورڈ آف ریونیو کے افسران کے ساتھ مل کر 30 ایکڑ کی الاٹمنٹ کی، ذرائع کے مطابق غیرقانونی قبضے کے خلاف 2005 میں ایںٹی کرپشن میں مقدمہ بھی درج کروایا گیا تھا۔

یہ پڑھیں: شرجیل میمن کی مشکلات میں اضافہ، نیب نے تفتیش کی منظوری دے دی

واضح رہے کہ چند روز قبل چیئرمین نیب نے پیپلزپارٹی رہنما شرجیل میمن کے خلاف تفتیش کی منظوری دی تھی، ترجمان نیب کا کہنا تھا کہ شرجیل میمن سے آمدن سے زائد اثاثوں، منی لانڈرنگ پر تفتیش کی جائے گی، اس سے پہلے ان کے خلاف صرف انکوائری چل رہی تھی۔

ترجمان نیب کا کہنا تھا کہ چیئرمین نیب کی اجازت کے بعد باقاعدہ تفتیش کا آغازکر دیا ہے، شرجیل میمن نے اختیارات کا ناجائز فائدہ اٹھا کر اربوں کی کرپشن کی اور دوران تعیناتی عہدے کاغلط استعمال کیا، کرپشن کے مرتکب ہوئے۔