ARYNews.tv | Urdu – Har Lamha Bakhabar

Tag: امدادی کارروائیاں

  • سیلاب زدہ علاقوں میں پاک فوج کی امدادی کارروائیاں مسلسل جاری

    سیلاب زدہ علاقوں میں پاک فوج کی امدادی کارروائیاں مسلسل جاری

    راولپنڈی: سیلاب زدہ علاقوں میں پاک فوج کی امدادی کارروائیاں مسلسل جاری ہیں، بونیراور شانگلہ میں سیلاب متاثرین میں اشیائے خورونوش سمیت دیگرسامان کی تقسیم کی گئی۔

    تفصیلات کے مطابق پاک فوج کی میڈیکل ٹیموں نےمتاثرین علاقہ کا طبی بھی معائنہ بھی کیا، اہل علاقہ نے پاک فوج کی کاوشوں کو سراہتے ہوئے شکریہ ادا کیا۔

    پاک فوج کا کہنا ہے کہ متاثرین کی بحالی تک پاک فوج کی امدادی کارروائیاں جاری رہیں گی۔

    بھارت نے پاکستان کو ممکنہ بڑے سیلاب سے پیشگی آگاہ کردیا

    اسلام آباد : سندھ طاس معاہدے کے تحت بھارت نے پاکستان سے سیلاب کے معاملے پر باضابطہ رابطہ کرکے ممکنہ بڑے سیلاب کے خطرے سے مطلع کردیا۔

    اس حوالے سے سرکاری ذرائع کا کہنا ہے کہ بھارت نے سندھ طاس معاہدے کے تحت سیلاب کے معاملے پر پاکستان سے رابطہ کیا۔

    ذرائع کا کہنا ہے کہ بھارت نے دریائے توی میں جموں کے مقام پر ممکنہ بڑے سیلاب کے خطرے سے پاکستان کو آگاہ کیا۔

    یاد رہے کہ انڈیا نے سندھ طاس معاہدہ معطل کرنے کا اعلان کر رکھا ہے، سیلاب کی ممکنہ صورتحال سے بھارتی ہائی کمیشن اسلام آباد نے پاکستان کو آگاہ کیا۔

    سرکاری ذرائع کے مطابق بھارت کی جانب سے رابطہ 24 اگست کی صبح 10 بجے کیا گیا اور پاکستان کو ممکنہ سیلابی صورتحال کی پیشگی اطلاع دی گئی۔

    رواں سال مئی میں ہونے والی پاک بھارت جنگ کے بعد دونوں ممالک کے درمیان یہ پہلا بڑا رابطہ ہے، واضح رہے کہ اس معاملے پر مؤقف جاننے کیلیے ترجمان دفتر خارجہ سے رابطہ نہ ہوسکا۔

    خیبر پختونخوا میں سیلابی ریلوں اور تودے گرنے کا انتباہ

    یاد رہے کہ رواں سال ماہ اپریل میں بھارت نے سندھ طاس معاہدہ معطل کرتے ہوئے بھارت میں موجود پاکستانی شہریوں کو 48 گھنٹے میں ملک چھوڑنے کا حکم دیا تھا۔

    بھارتی وزیر خارجہ نے پریس کانفرنس کرتے ہوئے کہا کہ ہم اٹاری اور واہگہ بارڈر کو بھی بند کررہے ہیں۔ ان کا کہنا تھا کہ سارک ویزا استثنیٰ کے تحت پاکستانی شہری بھارت کا سفرنہیں کرسکیں گے۔

  • پاک فوج کی ملک بھرمیں سیلاب متاثرین کے لیے امدادی کارروائیاں جاری

    پاک فوج کی ملک بھرمیں سیلاب متاثرین کے لیے امدادی کارروائیاں جاری

    اسلام آباد: بھارت کی جانب سے دریائے ستلج میں سیلابی ریلا چھوڑے جانے کے بعد پاک فوج کی جانب سے امدادی سرگرمیاں جاری ہیں۔

    اے آر وائی نیوز کے مطابق پاک فوج کی جانب سے بہاولپور، بہاولنگر کے نشیبی علاقوں میں امدادی سرگرمیاں جاری ہیں، سیلاب متاثرین کیلئے پاک آرمی کی طرف سے مفت میڈیکل کیمپس لگائے گئے ہیں۔

    پاک فوج کی طرف سے سیلاب کے دوران وبائی امراض سے بچاؤ کے لیے میڈیکل کیمپس بھی قائم کر دیئے گئے ہیں، پاکپتن میں بھی سیلاب سے متاثرہ آبادی کے لیے مفت میڈیکل کیمپ لگایا گیا ہے۔

    میڈیکل کیمپ میں کوالیفائیڈ ڈاکٹرز، نرسنگ اسسٹنٹس اور دیگر میڈیکل سٹاف شامل تھا، سیلاب متاثرین کومفت علاج کیساتھ ساتھ ادویات بھی فراہم کی گئیں۔

    پاک آرمی کی جانب سے میلسی، چشتیاں، منچناں آباد میں متاثرین کو محفوظ مقامات پرمنتقل کیا گیا، جبکہ سیلاب متاثرین میں مفت راشن بھی تقسیم کیا جا رہا ہے۔

    پاک آرمی نے ہیڈ سلیمانکی میں انتظامیہ کے تعاون سے متاثرہ علاقوں سے متاثرین کومحفوظ مقامات پر منتقل کیا، میڈیکل کیمپس میں بڑی تعداد میں متاثرین کو مفت طبی امداد فراہم کی جا رہی ہے۔

    میڈیکل کیمپس میں بڑی تعداد میں مریضوں نے علاج کروایا، مرد، خواتین، بزرگ اور بچے بھی شامل تھے، مقامی لوگوں نے اس موقع سے خاطرخواہ فائدہ اٹھایا اور طبی امداد اور ادویات کی فراہمی پر پاک فوج کا شکریہ ادا کیا۔

  • سیلاب متاثرہ علاقوں میں پاک فضائیہ کی امدادی کارروائیاں جاری

    سیلاب متاثرہ علاقوں میں پاک فضائیہ کی امدادی کارروائیاں جاری

    اسلام آباد: سیلاب سے متاثر صوبہ سندھ، جنوبی پنجاب اور بلوچستان میں پاک فضائیہ کا آپریشن جاری ہے، متاثرین میں کھانا، پانی اور ادویات تقسیم کی جارہی ہیں۔

    تفصیلات کے مطابق ترجمان پاک فضائیہ کا کہنا ہے کہ سندھ، بلوچستان اور جنوبی پنجاب میں پاک فضائیہ کا ریسکیو اور ریلیف آپریشن جاری ہے۔

    ترجمان کا کہنا ہے کہ ہالا، مٹیاری، تلہار، ماچھی، بولانی، لاشاری، چوہڑ جمالی، میرپور خاص، سائیں داد، بلو اور جھل مگسی میں امدادی کارروائیاں جاری ہیں۔

    ترجمان کا کہنا ہے کہ متاثرین کو امدادی سامان کی فراہمی جاری ہے، راشن پیکٹ، پکے ہوئے کھانے کے پیکٹ اور پانی کی بوتلیں تقسیم کی گئیں۔

    ترجما کے مطابق شمالی زون کے پی میں پی اے ایف کے بیسز قوم کی پکار پر لبیک کہنے کے لیے ہمہ تن تیار ہیں، پی اے ایف کی میڈیکل ٹیموں کی جانب سے 721 مریضوں کو مفت طبی امداد کی فراہمی کی جارہی ہے۔

  • سندھ میں پاک فوج کی امدادی سرگرمیاں، کراچی کے مختلف علاقوں میں آرمی موبائل اسپتال قائم

    سندھ میں پاک فوج کی امدادی سرگرمیاں، کراچی کے مختلف علاقوں میں آرمی موبائل اسپتال قائم

    راولپنڈی: آئی ایس پی آر کا کہنا ہے کہ سندھ میں پاک فوج کی امدادی سرگرمیاں جاری ہیں، کراچی کے مختلف علاقوں میں آرمی موبائل اسپتال قائم کر لیے گئے ہیں۔

    تفصیلات کے مطابق پاک فوج کے شعبہ تعلقات عامہ نے کہا ہے کہ کراچی میں پاک فوج کی امدادی سرگرمیاں بھرپور انداز میں جاری ہیں، شدید بارشوں سے معمولات زندگی بری طرح متاثر ہوئے ہیں، سول انتظامیہ کے ساتھ مل کر کراچی کے مختلف علاقوں میں 32 میڈیکل کیمپ قائم کیے گئے ہیں۔

    آئی ایس پی آر کا کہنا ہے کہ کراچی کے علاقوں سرجانی، سعدی ٹاؤن اور قیوم آباد میں 3 آرمی موبائل اسپتال قائم کیے گئے ہیں، سرجانی ٹاؤن میں 50 بستروں کا اسپتال قائم کیا گیا، مختلف علاقوں میں متاثرین کے لیے 56 امدادی کیمپ بھی قائم کیے گئے، جن میں لیاری، گارڈن، کلفٹن، کیماڑی، صدر، گلبرگ، کچی آبادی، لیاقت آباد، ملیر، کورنگی، ضلع شرقی کے علاقے شامل ہیں۔

    آئی ایس پی آر کے مطابق کراچی کے 9 مختلف مقامات پر ڈی واٹرنگ کی گئی، پاک فوج کے جوان متاثرہ افراد کو محفوظ مقام پر منتقل کر رہے ہیں۔

    آئی ایس پی آر کا کہنا ہے کہ حیدرآباد کے علاقے لطیف آباد کے 2 مقامات پر بھی ڈی واٹرنگ کی گئی، حیدآباد میں متاثرہ افراد کو تیار کھانے کی بھی فراہمی کی گئی، دادو میں بھی پاک فوج نے 350 افراد کو محفوظ مقامات پر منتقل کیا، دادو کے متاثرہ افراد میں کھانے پینے کی اشیا بھی تقسیم کی گئیں۔

    آئی ایس پی آر کے مطابق بدین میں پاک بحریہ نے میڈیکل کیمپ قائم کیا، بدین کے 5 متاثرہ دیہات میں امدادی کارروائیاں جاری ہیں۔

  • کراچی میں بارش: شہری سیلاب کی صورت حال پیدا ہو گئی

    کراچی میں بارش: شہری سیلاب کی صورت حال پیدا ہو گئی

    کراچی: شہر قائد میں دو دن سے موسلا دھار بارش برسنے کے بعد شہری سیلاب (اربن فلڈنگ) کی صورت حال پیدا ہو گئی ہے۔

    تفصیلات کے مطابق کل سے کراچی میں مون سون کی پہلی بارشوں نے مختلف علاقوں میں سیلاب کی صورت حال پیدا کر دی ہے، دوسری طرف شہری اور صوبائی حکومت ایک دوسرے پر الزامات کے سوا کچھ نہیں کر رہی۔

    تھدو ڈیم اوور فلو ہو گیا ہے، سیلابی ریلہ سپر ہائی وے ایم نائن تک جا پہنچا ہے، ہائی وے کا ایک ٹریک بند ہو چکا، ملحقہ علاقوں کے زیر آب آنے کا خدشہ ہے، ادھر پانی منگھوپیر کے گوٹھوں میں بھی داخل ہو چکا ہے، رسول بخش گوٹھ کے سو سے زاید مکین پھنس گئے ہیں، جنھیں محفوظ مقامات پر منتقلی کا عمل جاری ہے۔

    دوسری طرف کراچی میں طوفانی بارشوں کے بعد پاک فوج کی ٹیمیں بارش سے متاثرہ علاقوں میں پہنچ گئیں اور امدادی کارروائیاں شروع کردی گئیں ہیں۔

    طوفانی بارشوں کے بعد ندی نالے بھر گئے اور پانی آبادیوں میں داخل ہو رہا ہے۔ ملیر ندی بھی اوور فلو ہوگئی ہے اور ملیر ندی کا پانی کورنگی کازوے پر آگیا۔

    پانی آجانے کی وجہ سے کورنگی کاز وے پر ٹریفک کی روانی متاثر ہوگئی ہے، شہر کو ملانے والی اہم شاہراہ پانی میں ڈوب جانے سے راستہ منقطع ہوگیا ہے۔

    لٹھ ڈیم سے بھی سیلابی ریلا آبادی کی طرف بڑھنے لگا، پاک فوج کے جوان لوگوں کو نکالنے کے لیے موقع پر پہنچ گئے۔

    شہر کے وسط میں بھی پاک فوج کی 4 ٹیمیں بارش سے متاثرہ علاقوں میں پہنچ گئیں، پاک فوج کی ٹیمیں سپر ہائی وے، لانڈھی، کورنگی اور صدر میں ریسکیو میں مصروف ہیں۔

  • برف باری، پاک فوج کے 17 ہیلی کاپٹرز نے امدادی کاموں میں حصہ لیا

    برف باری، پاک فوج کے 17 ہیلی کاپٹرز نے امدادی کاموں میں حصہ لیا

    کوئٹہ : برفباری سے متاثرہ علاقے قلات ڈویژن میں پاک فوج کی جانب سے امدادی کاموں میں 2 ایم آئی اور 17 ہیلی کاپٹر نے حصہ لیا اس موقع پر ضرورت مند افراد میں اشیائے ضرورت تقسیم کی گئیں۔

    آئی ایس پی آر کے ترجمان کے مطابق پاک فوج نے برف باری سے متاثرہ علاقوں میں امدادی کاموں کا آغاز کرتے ہوئے ضرورت مند افراد میں چار ٹن اشیائے خورد نوش ، خیمے اور کمبل فراہم کیے اس موقع پر پاک فوج کے 2 ایم آئی اور 17 ہیلی کاپٹرز نے امدادی کارروائیوں میں حصہ لیا۔

    اس حوالے سے بلوچستان حکومت کی درخواست پر ہیلی کاپٹر بھی فراہم کیے گئے تاکہ شدید برف باری کے بعد علاقے میں پھنسے ہوئے لوگو کو فوری ضرورت کی اشیاء کی فراہمی اور مشکلات میں گھیرے افراد کی محفوظ مقامات پر منتقلی کو یقینی بنایا جا سکے۔

    واضح رہے بلوچستان میں موسم سرما کے آغاز کے بعد ہونے والی برف باری سے معمولاتِ زندگی معطل ہو کر رہ گئی ہے جب کہ کئی علاقوں میں آمد و رفت کے لیے استعمال کیے جانے والے راستے مسدود ہو گئے ہیں جس کے باعث علاقہ مکین محصور ہو کر رہ گئے ہیں۔

    صوبائی حکومت اپنے محدود وسائل کے ساتھ محصور افراد کی مدد کرنے کے لیے ہر ممکن وسائل کو بروئے کار لا رہی ہے جب کہ پاک فوج کی جانب سے ہیلی کاپٹر کی فراہمی سے امدادی سرگرمیوں میں آسانی ہوئی اور درجنوں لوگوں کو ریسکیو کیا گیا۔

  • تھر میں پاکستان آرمی کی جانب سے متاثرین کیلئےامدادی کارروائیاں

    تھر میں پاکستان آرمی کی جانب سے متاثرین کیلئےامدادی کارروائیاں

    راولپنڈی : تھر میں پاکستان آرمی کی جانب سے آفت زدہ علاقوں میں امدادی کارروائیاں شروع کر دی گئیں ہیں۔ راشن ،پانی اور طبی امداد کی کھیپ پہنچا دی ہے.

    آئی ایس پی آر کے مطابق امدادی کاروائیوں میں اکتیس سو خاندانوں کو راشن اور صاف پانی فراہم کیا جارہاہے۔ چھ موبائل میڈیکل کیمپس کے ذریعےڈیڑھ ہزار مریضوں کا علاج کیا گیا ہے۔

    تحصیل چھاچھرو میں فری میڈیکل کیمپ لگایا گیا ہے، جس میں بچوں کو مختلف بیماریوں سے بچاوٴ کیلئے دوائیں فراہم کی جارہی ہیں۔

    پاک فوج کی جانب سے فراہم کیے گئے سامان میں 16.5ٹن راشن ،18ہزار864گیلن پانی ،500کمبل ،195رضائیاں ،150بستر ،200چادریں ،200دریاں اور 300چٹائیاں شامل ہیں ۔

    اس کے علاوہ ہنگامی بنیادوں پر پینے کے صاف پانی کا فوری انتظام کیا گیا ہے۔