کینیڈا کے وزیر اعظم مارک کارنی ستمبر میں فلسطینی ریاست کو تسلیم کرنے کا اعلان کیا ہے جس پر امریکی صدر اور اسرائیل کا ردعمل آگیا ہے۔
اے ایف پی کے مطابق وزیر اعظم مارک کارنی ستمبر میں فلسطینی ریاست کو تسلیم کرنے کا اعلان کیا ہے انہوں نے کہا کہ یہ اقدام اسرائیل-فلسطین تنازع کے دو ریاستی حل کی امید کو برقرار رکھنے کے لیے ضروری ہے، جو ایک طویل عرصے سے کینیڈا کا ہدف رہا ہے اور ’جو ہماری آنکھوں کے سامنے ختم ہو رہا ہے‘۔
تاہم اس پر امریکی صدر ڈونلڈ ٹرمپ نے کینیڈا کو خبردار کیا ہے، ٹرمپ نے کہا کہ فلسطینی ریاست کو تسلیم کرنے کے کینیڈا کے فیصلے سے امریکا کے ساتھ جاری تجارتی معاہدے پر اثر پڑ سکتا ہے۔
فرانس اور برطانیہ کے بعد ایک اور ملک نے فلسطینی ریاست کو تسلیم کرنے پر غور شروع کر دیا
ٹرمپ نے ٹروتھ سوشل پر ایک پیغام میں کہا کہ ’واہ ! کینیڈا نے ابھی اعلان کیا ہے کہ وہ فلسطین کی ریاستی حیثیت کی حمایت کر رہا ہے، اس سے ہمارے لیے ان کے ساتھ تجارتی معاہدہ کرنا بہت مشکل ہو جائے گا اوہ، کینیڈا’
دوسری جانب اسرائیل نے کینیڈین وزیر اعظم مارک کارنی کے اعلان کو مسترد کرتے ہوئے کہا ہے کہ یہ ’حماس کی وحشیانہ بربریت کو جواز فراہم کرنے کی کوشش‘ ہے۔
