Tag: امریکا اور یورپ

امریکی اور یورپی حکومتیں اسرائیل پر غزہ پر ممکنہ زمینی حملہ روکنے کے لیے دباؤ ڈال رہی ہیں تاکہ حماس کے ہاتھوں اسرائیلی یرغمالیوں کی رہائی کے لیے مزید وقت دیا جائے۔

غیرملکی خبر رساں ادارے بلومبرگ کی رپورٹ کے مطابق امریکا اور یورپ اسرائیل پر دباؤ ڈال رہے ہیں کہ وہ زمینی کارروائی مؤخر کردے، قیدیوں کی رہائی کیلئے قطر کے ذریعے مذاکرات کا انتظار کیا جارہا ہے۔

رپورٹ کے مطابق کئی ممالک حماس کے ساتھ اپنے رابطوں کا فائدہ اٹھانے کی کوشش کر رہے ہیں تاکہ عسکریت پسند گروپ پر اس ماہ کے شروع میں اسرائیل پر حملے کے دوران یرغمال بنائے گئے افراد کو رہا کرایا جائے۔

ایک امریکی اہلکار نے کہا کہ قطر کی حکومت اس معاملے میں بہت مددگار رہی ہے لیکن انہوں نے غزہ پر اسرائیل کی بمباری اور وہاں بڑھتے ہوئے انسانی بحران کے پیش نظر معاہدے تک پہنچنے میں مشکلات کا ذکر بھی کیا۔

یاد رہے کہ غزہ میں اسرائیلی بربریت کے باعث شہید فلسطینیوں کی تعداد 3900 تک پہنچ گئی ہے، جبکہ 14000 کے لگ بھگ زخمی ہیں، اسپتالوں میں مریضوں کے لئے سہولتیں ختم ہوچکی ہیں۔

بین الاقوامی خبر رساں ادارے کی رپورٹ کے مطابق اسرائیلی فوج کی جانب سے غزہ کے اسپتالوں کو نشانہ بنانے کا سلسلہ جاری ہے، جبکہ اسرائیلی فوج کو زمینی کارروائی کیلئے گرین سگنل دے دیا گیا ہے۔

غیر ملکی میڈیا کا کہنا ہے کہ حماس کے رہنما اسماعیل ہنیہ کی جانب سے عرب اور مسلم دنیا سے اپیل کی گئی ہے کہ وہ اسرائیل کی جانب مارچ کرے تاکہ مظلوم فلسطینیوں کو صیہونی جارحیت سے محفوظ بنایا جاسکے۔

ایریزونا : امریکی نیشنل ویدرسروس نے امریکیوں کےلیے انتہائی گرمی کا الرٹ جاری کردیا، گرمی کا نیا ریکارڈ بننے کا امکان ہے۔

تفصیلات کے مطابق گرمی کی شدید لہر نے امریکا اور یورپ کو اپنی لپیٹ میں لے لیا ، جس کے بعد امریکی ریاستوں ایریزونا، نویڈا، ٹیکساس،کیلی فورنیا میں انتہائی گرمی کی ایڈوائزری جاری کردی گئی۔

ریاست ایریزونا میں گرمی کا نیا ریکارڈ بننے کا امکان ہے جبکہ فینکس شہر میں پارہ تینتالیس ڈگری سےبڑھنے کی توقع ہے اور امریکی ریاست کیلی فورنیا کی ڈیتھ ویلی میں کل پارہ چون ڈگری سینٹی گریڈ تک پہنچنے کاامکان ہے۔

یورپ کے بھی کئی شہروں میں گرمی کی شدید لہر آئندہ چند روزتک برقراررہے گی، فرانس،جرمنی،اسپین،یونان، کروشیا، ترکیےاورپولینڈ میں درجہ حرارت چالیس ڈگری سے اوپر جانے کا امکان ہے۔

اٹلی میں پارہ اڑتالیس ڈگری سےبھی تجاوز کرسکتا ہے، اٹلی کے سولہ شہروں میں الرٹ جاری کردیاگیا ہے۔

سیکریٹری جنرل ڈبلیوایم او کا کہنا ہے کہ ریکارڈتوڑگرمی سے امریکا، یورپ اور ایشیا کے وسیع حصے متاثر ہے اور گرم موسم کی وجہ سےشدیدموسمی واقعات معمول بن رہے ہیں اور گرمی کی لہر یورپ، امریکا،بھارت،پاکستان اورایشیاکولپیٹ میں لےرہی ہے۔

امریکی نیشنل ویدرسروس نےامریکیوں کے لیے انتہائی گرمی کاالرٹ جاری کردیا جبکہ یورپ میں ابتک کاسب سےزیادہ درجہ حرارت ریکارڈ کیا گیا۔