ARYNews.tv | Urdu – Har Lamha Bakhabar

Tag: امریکا کا دورہ

  • نئے وزیر خزانہ عہدہ سنبھالتے ہی امریکا کے دورے کے لئے تیار

    نئے وزیر خزانہ عہدہ سنبھالتے ہی امریکا کے دورے کے لئے تیار

    اسلام آباد : نئے وزیر خزانہ محمد اورنگزیب 15سے20 اپریل تک امریکا کا دورہ کریں گے، آئی ایم ایف اور ورلڈ بینک کے وزارتی اجلاس 17 سے 19 اپریل تک شیڈول ہیں۔

    تفصیلات کے مطابق وزیر خزانہ محمد اورنگزیب عہدہ سنبھالتے ہی امریکا روانگی کے لئے تیار ہے ، محمد اورنگزیب 15سے20 اپریل تک امریکاکا دورہ کریں گے۔

    وزیر خزانہ واشنگٹن میں آئی ایم ایف ، ورلڈ بینک کےسالانہ وزارتی اجلاس میں شرکت کریں گے، آئی ایم ایف اور ورلڈ بینک کے وزارتی اجلاس 17 سے 19 اپریل تک شیڈول ہیں۔

    وزیر خزانہ محمد اورنگزیب اجلاس میں پاکستانی وفد کی قیادت کریں گے ، گورنر سٹیٹ بینک، چیئرمین ایف بی آراور معاشی ٹیم بھی وزیرخزانہ کے ہمراہ ہو گی۔

    ذرائع نے بتایا کہ پاکستان نے اجلاسوں میں اپنی شرکت سےمتعلق آگاہ کردیا ہے ، وزیر خزانہ کی دیگر ممالک کے وزرائے خزانہ سے ملاقاتیں بھی متوقع ہیں۔

    اجلاسوں میں وزرائےخزانہ، مرکزی بینکوں کے سربراہان ، کاروباری شخصیات شریک ہوں گی اور غربت کے خاتمے، معاشی ترقی اورعالمی مالیاتی معاملات پربات کی جائے گی۔

  • وزیراعظم عمران خان 21 سے 28 ستمبر تک امریکا کا دورہ کریں گے، سفارتی ذرائع

    وزیراعظم عمران خان 21 سے 28 ستمبر تک امریکا کا دورہ کریں گے، سفارتی ذرائع

    اسلام آباد : سفارتی ذرائع کا کہنا ہے وزیراعظم 21 سے 28 ستمبر تک امریکا کا دورہ کریں گے ، دورہ امریکا میں عمران خان اورصدر ٹرمپ میں غیر رسمی ملاقات کا امکان ہے جبکہ وہ 27 ستمبر کو جنرل اسمبلی سےخطاب کریں گے۔

    تفصیلات کے مطابق وزیراعظم عمران خان کے اقوام متحدہ جنرل اسمبلی کے اجلاس میں شرکت کے لیے دورہ امریکا کیلئے وزارت خارجہ حکام نے مصروفیات پر بریفنگ دی۔

    سفارتی ذرائع کا کہنا ہے کہ وزیراعظم 21 سے 28 ستمبر تک امریکا کا دورہ کریں گے، عمران خان 21 ستمبر کو کمرشل پرواز سے سعودی عرب سے نیویارک جائیں گے اور وزیراعظم دورہ امریکا میں پی آئی اے کےہوٹل روزویلٹ میں قیام کریں گے۔

    دورہ امریکا میں عمران خان کی اجلاس کی سائیڈ لائنز پر 15 سے زائد سربراہان سے بھی ملیں گے اور ترکی اور ملایئشیا کےسہ فریقی اجلاس میں بھی شرکت کریں گے۔

    ذرائع کے مطابق وزیراعظم 24 ستمبر کو جنرل اسمبلی کے افتتاحی اجلاس میں شرکت کریں گے، عمران خان کا دورہ امریکا میں پاکستانی کمیونٹی سے بھی خطاب کا امکان ہے۔

    ذرائع کا کہنا ہے کہ وزیراعظم 24 ستمبرکوامریکی صدرکےعشائیےمیں شرکت کریں گے، عشائیےمیں وزیراعظم عمران خان اورصدر ٹرمپ میں غیر رسمی ملاقات کا امکان ہے، وزیراعظم کی امریکی صدرڈونلڈ ٹرمپ سے تاحال باضابطہ ملاقات طے نہیں، باضابطہ ملاقات کے لئے سفارتی چینلز سے بات چیت جاری ہے۔

    سفارتی ذرائع کے مطابق وزیراعظم عمران خان27 ستمبرکوجنرل اسمبلی سےخطاب کریں گے ، خطاب پاکستانی وقت کے مطابق رات ساڑھے 8 سے رات 10 بجے کے درمیان ہوگا، عمران خان خطاب میں مقبوضہ کشمیرکی صورتحال پربات کریں گے۔

    ذرائع کا کہنا ہے کہ وزیراعظم بل گیٹس سمیت کاروباری حضرات سےملاقاتیں کریں گے اور ماحولیاتی تبدیلی، نفرت انگیز تقاریر کے انسداد کے سمٹ میں شرکت کریں گے، کم از کم 4 مواقع پر پاک بھارت وزرائےاعظم ایک جگہ موجود ہوں گے۔

  • دورۂ امریکا، وزیر اعظم کا خصوصی طیارہ استعمال نہ کرنے کا فیصلہ

    دورۂ امریکا، وزیر اعظم کا خصوصی طیارہ استعمال نہ کرنے کا فیصلہ

    اسلام آباد: معاون خصوصی نعیم الحق نے کہا ہے کہ وزیر اعظم عمران خان نے دورۂ امریکا کے لیے خصوصی طیارہ استعمال نہ کرنے کا فیصلہ کر لیا ہے۔

    تفصیلات کے مطابق وزیر اعظم کے معاون خصوصی نعیم الحق نے ٹویٹ کرتے ہوئے کہا کہ وزیر اعظم دورہ امریکا کے لیے خصوصی طیارہ استعمال نہیں کریں گے۔

    نعیم الحق کا ٹویٹر پر کہنا ہے کہ وزیر اعظم عمران خان نجی ایئر لائن سے واشنگٹن جائیں گے۔

    خیال رہے کہ وزیر اعظم کے دورۂ امریکا کے لیے خصوصی طیارہ استعمال کیا جانا تھا، تاہم کفایت شعاری مہم کے تحت خصوصی طیارہ استعمال نہ کرنے کا فیصلہ کیا گیا ہے۔

    یہ بھی پڑھیں:  وزیر اعظم کا دورہ امریکا: وزیر اعظم اور امریکی صدر کی ملاقات 22 جولائی کو ہوگی

    ادھر آج بتایا گیا ہے کہ وزیر اعظم عمران خان کے 5 روزہ دورہ امریکا کا شیڈول طے پا گیا ہے، وزیر اعظم اور امریکی صدر ڈونلڈ ٹرمپ کی ون آن ون ملاقات 22 جولائی کو ہوگی۔

    یہ بھی بتایا گیا تھا کہ وزیر اعظم عمران خان 20 جولائی کو دن 11 بجے نور خان ایئر بیس سے خصوصی طیارے کے ذریعے امریکا روانہ ہوں گے۔

    وزیر اعظم کا مختصر وقت کے لیے برطانیہ کے شہر لوٹن میں اسٹاپ اوور ہوگا۔ 6 گھنٹے قیام کے بعد وزیر اعظم لوٹن سے امریکا روانہ ہوں گے۔ ان کا طیارہ 21 جولائی کو امریکی فوجی اڈے پر لینڈ کرے گا۔ وزیر اعظم کا امریکا میں قیام، پاکستان ہاؤس میں ہوگا۔

  • وزیر اعظم عمران خان کا آیندہ ماہ امریکا کے دورے کا امکان

    وزیر اعظم عمران خان کا آیندہ ماہ امریکا کے دورے کا امکان

    اسلام آباد: پاکستان اور امریکا کے درمیان اعلیٰ سطح پر رابطہ ہوا ہے، ذرایع کا کہنا ہے کہ وزیر اعظم عمران خان کا آیندہ ماہ امریکا کے دورے کا امکان ہے۔

    تفصیلات کے مطابق ذرایع نے کہا ہے کہ ایک اعلیٰ سطح پاک امریکا رابطے کے بعد امکان ہے کہ آیندہ ماہ وزیر اعظم امریکا کے دورے پر جائیں۔

    ذرایع کا یہ بھی کہنا ہے کہ وزیر اعظم عمران خان 20 جولائی کو امریکا کا دورہ کر سکتے ہیں، اس دورے کے موقع پر وزیر خارجہ شاہ محمود قریشی بھی وزیر اعظم کے ہم راہ ہوں گے۔

    حکومتی ذرایع کے مطابق وزیر اعظم خان اور امریکی صدر ڈونلڈ ٹرمپ میں ملاقات ہوگی، تاہم متوقع طور پر دورے کے حتمی تاریخ کا فیصلہ آیندہ چند روز میں کیا جائے گا۔

    یہ بھی پڑھیں:  وزیرا عظم عمران خان اور افغان صدراشرف غنی کی ون آن ون ملاقات

    ذرایع کا کہنا ہے کہ دونوں ممالک کے درمیان سفارتی سطح پر بیک ڈور رابطے جاری ہیں۔

    خیال رہے کہ ان دنوں افغان صدر اشرف غنی پاکستان دورے پر آئے ہوئے ہیں، آج اسلام آباد میں وزیر اعظم عمران خان اور افغان صدر کی ون آن ون ملاقات ہوئی، جس میں خطے کی سیکورٹی اور قیام امن سے متعلق تبادلۂ خیال کیا گیا۔

    یاد رہے کہ پاکستان امریکا افغان امن مذاکرات میں کلیدی کردار ادا کر رہا ہے، امریکی نمایندہ خصوصی برائے افغان مفاہمتی عمل زلمے خلیل زاد بھی پاکستان کے کردار کی تعریف کر چکے ہیں۔